logo

ҳуқуқ

РУСТАМ ҲАЙДАРОВ: «АМАЛҲОИ ХАРОБИОВАРИ ТТЭ ҲНИ ТАҲДИДИ КУШОДУ МУСТАҚИМ БА АМНИЯТИ ТОҶИКИСТОН АСТ»

Тавре қаблан иттилоъ дода будем, бо ҳалномаи Суди Олии Ҷумҳурии Тоҷикистон аз 15 августи соли 2019 ташкилоти «Паймони миллии Тоҷикистон» иттиҳоди террористӣ - экстремистӣ эътироф шуда, фаъолияти он дар Ҷумҳурии Тоҷикистон манъ гардид. Ҳамчунин, бо ҳалномаи мазкур 39 сомонаи интернетие, ки ба ташкилотҳои террористӣ - экстремистии «Паймони миллии Тоҷикистон», «Ҳизби наҳзати исломи Тоҷикистон» ва дигар созмонҳои тундрави алоқаманд ба амалҳои террористӣ ва экстремистӣ хизмат мекунанд, баста шудаанд.
Суди Олии Ҷумҳурии Тоҷикистон дар такя ба хулосаи экспертизаҳои давлатӣ, ки аз ҷониби Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон пешниҳод шудаанд, хабар дод, ки ин сомонаҳо бо мақсади бадном кардани Ҳукумати Ҷумҳурии Тоҷикистон, тарғиби ғояҳои экстремистӣ - террористӣ, ба амал баровардани фаъолияти экстремистӣ ва барангехтани кинаву адовати динӣ ва миллӣ ташкил шудаанд. Ҳамзамон, Институти фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон хулоса кардааст, ки наворҳои видеои мансуб ба «Паймони миллии Тоҷикистон», ки тавассути “Ютуб” ва “Фейсбук” пахш шудаанд, аз нигоҳи илми сиёсатшиносӣ тарғибу ташвиқи фаъолияти экстремистӣ ва зиддиконститутсионии ташкилоти аз ҷониби суд мамнӯъ эълоншударо инъикос менамоянд.
Таъкид мешавад, ки дар сомонаҳои марбут ба ташкилотҳои террористӣ – эстремистие, ки масдуд шуданд,  аломатҳои барангехтани кинаву адовати миллӣ, маҳалгароӣ, даъвати оммавӣ барои бо роҳи зӯроварӣ ғасб кардани ҳокимияти давлатӣ, даъвати оммавӣ барои ба амал баровардани фаъолияти экстремистӣ ва ноором кардани вазъи мамлакат мавҷуд мебошанд.
Дар робита ба ин мавзӯъ, хабарнигори АМИТ «Ховар» Мавҷуда Анварӣ бо муовини директори Институти фалсафа, сиёсатшиносӣ ва ҳуқуқи Академияи илмҳои Ҷумҳурии Тоҷикистон, доктори илмҳои фалсафа Рустам Ҳайдаров, ҳамсуҳбат гардид, ки бо назардошти аҳамияти мавзӯъ онро манзури хонандагон менамоем.
- Ба андешаи Шумо он навору видео ва маълумоте, ки дар сомонаҳои «Паймони миллии Тоҷикистон» ва дигар созмонҳои террористӣ - экстремистии ба он алоқаманд паҳн мешаванд, чӣ хусусият доранд? Баъзе давлатҳои хориҷии манфиатдор бо кадом мақсадҳо ин ташкилот ва алоқаҳои онҳоро истифода мебаранд?
- Ман фикр мекунам, ки маводи дар ин сомонаҳо нашршаванда хусусияти иғвогарона  дошта, бо ҳадафи паҳн намудани кинаву адовати иҷтимоӣ - сиёсӣ, тафриқаандозӣ дар ҷомеаи муосири тоҷик равона шудаанд. Иттилооти низоъангезӣ, ки дар ин сомонаҳо паҳн мешаванд, саросар аз туҳмату буҳтон нисбат ба  миллати тоҷик ва  Ҳукумати  Ҷумҳурии Тоҷикистон аст.
Имрӯз ин  сомонаҳо аз ҷониби Суди Олии Ҷумҳурии Тоҷикистон мамнӯъ эълон гардиданд. Ин сомонаҳо дар ҳудуди давлатҳои хориҷӣ ҷойгир шудаанд ва бо боварии комил гуфтан мумкин аст, ки  фаъолияти тахрибкоронаи онҳо бар зидди  Тоҷикистон аз ҷониби  хадамоти махсуси доираҳои хориҷӣ дастгирӣ шуда истодаанд.  Ташкилоти террористӣ - экстремистии «Паймони миллии Тоҷикистон», ки имрӯз баъзе шаҳрвандони тоҷик ба он шомил гаштаанд, дар замони муосир бозичаи дасти бархе кишварҳои манфиатдори хориҷӣ гашта, аз ҷониби онҳо барои расидан ба ҳадафҳои геополитикӣ дар минтақа истифода мешаванд.
- «Паймони миллии Тоҷикистон» чӣ ҳадафҳо дорад ва фаъолияти сомонаҳои ин ташкилот ба амнияти мамлакат чӣ гуна таҳдид мекунад?
- Фаъолияти сомонаҳои ин ташкилот мувофиқи қонунҳои Тоҷикистон  аз тарғиби идеологияи террористӣ - экстремистӣ иборат аст. Мо бояд фазои иттилоотии мамлакатамонро аз чунин таҳдидҳои иттилоотӣ ба амнияти давлат дифоъ намоем. Имрӯз дар фазои маҷозӣ ин гуна сомонаҳо фақат ба паҳн намудани  идеологияи тахрибкорона ва низоангези ин ташкилоти террористӣ - экстремистӣ машғул ҳастанд.
«Паймони миллии Тоҷикистон» дар навбати худ чунин ҳадафҳоро дорад:
а) бо зӯрӣ тағйир додани асосҳои сохти конститутсионӣ ва халалдор кардани тамомияти арзии Тоҷикистон;
б) вайрон кардани амнияти Ҷумҳурии Тоҷикистон;
в) бо роҳи зӯрӣ ба даст гирифтани ваколатҳои ҳукуматӣ дар Ҷумҳурии Тоҷикистон;
г) ташкили созмону ташкилотҳои ғайриқонунии мусаллаҳ дар Ҷумҳурии Тоҷикистон;
ғ) амалӣ намудани фаъолияти террористӣ дар Ҷумҳурии Тоҷикистон;
д) дар ҷомеа барангехтани ихтилофи нажодӣ, миллӣ, динӣ, инчунин, зиддиятҳои иҷтимоии марбут ба зӯроварӣ ё даъват ба зӯроварӣ дар Ҷумҳурии Тоҷикистон;
е) паст задани шаъну шарафи миллии тоҷикон;
ё) роҳандозӣ кардани бетартибиҳои оммавӣ, амалҳои ҷиноятӣ дар асоси душмании ақидавӣ, сиёсӣ, нажодӣ, миллӣ ё динӣ, ё дар асоси бадбинӣ ё душманӣ нисбат ба ягон гурӯҳи иҷтимоӣ дар Ҷумҳурии Тоҷикистон.
Бояд таъкид намуд, ки ҳамаи ин амалҳо  ба амнияти миллии давлати мо таҳдиди ҷиддӣ мебошанд.
- Ба фарҳанги сиёсии  роҳбарони «Паймони миллии Тоҷикистон» чӣ гуна баҳо медиҳед?
- Роҳбарони «Паймони миллии Тоҷикистон» ҳарчанд дар қалби тамаддуни демократияи ҷаҳонӣ, яъне дар Иттиҳоди Аврупо ҷойгир шуда бошанд ҳам, аммо фарҳанги сиёсии онҳо дигар нашудааст. Хусусан риторикаи ҷангҷӯёнаи роҳбарони ин гурӯҳҳои ҷинояткор боз ҳам густариш ёфта, ба мисли солҳои пеш онҳо аз ҳадафи халалдор намудани сулҳу суботи Тоҷикистон даст накашида, баръакс ҳадафмандона барои сарнагун кардани сохти конститутсионии Тоҷикистон даъватҳо ба амал  оварда истодаанд. Қисми зиёди намояндагони «Паймони миллии Тоҷикистон» чандин сол  пеш Тоҷикистонро тарк намуда, аз ҳолати воқеии Ватани мо хабар ва иттилоъ надоранд. Иттилооти бардурӯғе, ки онҳо ба воситаи сомонаҳои худ паҳн мекунанд, ягон далелу аснод надошта, аз манбаъҳои носанҷида гирифта шудаанд.
Мо имрӯз мушоҳида менамоем, ки дар риторикаи сиёсии гурӯҳҳои террористӣ - экстремистии тоҷик истифодаи калима ва ё лексикаи  ғайримеъёрӣ хеле зиёд шуда истодааст. Ин худ шаҳодати надоштани ягон далелу санад ва иттилооти муътамад аст, ки онро онҳо зидди миллати тоҷик, Тоҷикистон ва Ҳукумати  мамлакат истифода бурда тавонанд. Муваффақиятҳои пайдарпаи миллати тоҷик дар тамоми  самтҳои хоҷагии халқ ҳамаи туҳматҳо, дасиса ва иғвогариҳои гурӯҳҳои террористӣ - экстремистии тоҷикро ботил месозанд.
Дар фазои маҷозӣ ва шабакаҳои иҷтимоӣ онҳо фаъолияти ғайриқонунии худро идома дода истодаанд, ки ба забони нафрат ва таблиғи ғояҳои терроризм, идеологияи ифротгароии зӯроварӣ, радикализми динӣ асос ёфтаанд. Онҳо бо истифода аз он, ки мақоми гурезаро дар кишварҳои Иттиҳоди Аврупо дарёфт кардаанд, ба таҳрики адовати иҷтимоӣ - сиёсӣ ва адовати мазҳабӣ дар шабакаҳои иҷтимоӣ идома медиҳанд.
Риторикаи ҷангҷӯёнаи гурӯҳҳои террористӣ - экстремистӣ чанде пеш боиси он шуд, ки баъзе ҷонибдорони онҳо дар интернет ошкоро баромад намуда, барои сарнагун кардани сохти конститутсионӣ дар Тоҷикистон ва муқаррар кардани қоидаҳои шариат тарғиб доранд. Чунин амалҳои харобиовари гурӯҳҳои террористӣ, аз ҷумла  ТТЭ ҲНИ, ба назари мо, бояд ҳамчун таҳдиди кушоду мустақим ба амнияти аҳолии Тоҷикистон арзёбӣ карда шаванд. Дар давраи ҷангҳои иттилоотӣ, ки яке аз воситаҳои муосири барҳамдиҳии сохти конститутсионӣ дар бисёр кишварҳои дунё ҳастанд, мо бояд ба чунин таҳдидҳо вокуниши ҷиддӣ нишон диҳем.
Ба ин хотир, мақомоти дахлдор  барои  эҷоди монеа ба чунин чолишҳо ва таҳдид  мувофиқи ваколати худ амал намуда, бар зидди ин тамоюлҳои манфӣ муқовимати ҷиддӣ нишон хоҳанд дод.
Мавриди зикр аст, ки «Паймони миллии Тоҷикистон» моҳи сентябри соли 2018 дар хориҷ аз Тоҷикистон, бо муттаҳид сохтани ба ном ташкилотҳое, чун «Анҷумани озодандешони тоҷик», «Ҷунбиши ислоҳот ва рушди Тоҷикистон», «Анҷумани муҳоҷирини Осиёи Марказӣ» ва ҳизби дар Тоҷикистон мамнӯи наҳзати исломӣ таъсис ёфтааст.
Аксари коршиносони масоили сиёсӣ ва амниятӣ бар ин назаранд, ки ТТЭ ҲНИ бо иқдоми ташкили паймони нав ба мисли найрангҳои солҳои навадум азм дорад амалҳои тахрибкорона ва террористиву экстремистияшро зери ниқоби ин паймон амалӣ созад. Вале, мусаллам аст, ки «Паймони миллии Тоҷикистон» - ин ҳамон ТТЭ ҲНИ бо номи дигар аст.
Суди Олии Тоҷикистон моҳи сентябри соли 2015 фаъолияти Ҳизби наҳзати исломиро дар Тоҷикистон мамнӯъ ва онро ташкилоти террористӣ - экстремистӣ эълон намуд.

АМИТ «Ховар»


Баёни ақида (0)    Санаи нашр: 27.11.2019    №: 224    Мутолиа карданд: 423
21.09.2020


БАРРАСИИ МАСОИЛИ МУБОРИЗА АЛАЙҲИ ҶИНОЯТКОРИҲО

ДУРНАМОИ МУНОСИБАТҲО МАТРАҲ ГАРДИД

ҶАЛАСАИ НАВБАТИИ СИТОДИ ВИЛОЯТӢ ОИД БА ПУРЗӮР НАМУДАНИ ТАДБИРҲОИ ЗИДДИЭПИДЕМИЯВӢ

ОЗМУН БАРОИ ДАРЁФТИ СТИПЕНДИЯИ ПРЕЗИДЕНТИ ҶУМҲУРИИ ТОҶИКИСТОН

ТОҶИКИСТОН. 86,7 ДАРСАДИ БЕМОРОНИ COVID – 19 ШИФО ЁФТАНД

МАРЗҲОИ ӮЗБЕКИСТОН АЗ АВВАЛИ МОҲИ ОКТЯБР БОЗ МЕШАВАНД

ҶАҲОН ДАР ЯК САТР

17.09.2020


ТОҶИКИСТОН. АЗ COVID – 19 БОЗ 45 БЕМОР ШИФО ЁФТ

РОҒУН БА ИНТИХОБОТ ОМОДА АСТ!

ИНТИХОБОТИ ПРЕЗИДЕНТӢ. БА НОМЗАДҲО ШАҲОДАТНОМА СУПУРДА ШУД

16.09.2020


ТОҶИКИСТОН. 86,5 ДАРСАДИ ГИРИФТОРОНИ КОРОНАВИРУС ШИФО ЁФТАНД

ФАЙЗОБОД. ЧОРАБИНИИ СИЁСӢ ДАР САТҲИ БАЛАНД ХОҲАД ГУЗАШТ

ҶОМИ ТОҶИКИСТОН. ҶУФТҲОИ ДАВРИ НИМФИНАЛ МУАЙЯН ГАРДИДАНД

ИНТИХОБОТ. ВУСЪАТИ КОРҲОИ ОМОДАГӢ ДАР НОҲИЯИ РӮДАКӢ

ҶАВОНОН – ПАЙРАВОНИ ПЕШВОИ МИЛЛАТ. ҲАМОИШИ ИЛМӢ - СИЁСӢ ДАР АКАДЕМИЯИ ИДОРАКУНИИ ДАВЛАТӢ

ЛЕВАКАНТ. ПАХТАЧИНӢ ВУСЪАТ МЕГИРАД

ТОҶИКИСТОН НОЗИРОНИ ИДМ-РО БА ИНТИХОБОТИ ПРЕЗИДЕНТӢ ДАЪВАТ КАРД

ҶАҲОН ДАР ЯК САТР

15.09.2020


ТОҶИКИСТОН. 86,4 дарсади беморон шифо ёфтанд

НОҲИЯИ ВОСЕЪ. БОЗ 82 ШАҲРВАНД БО КОР ТАЪМИН ГАРДИД

ТАЪСИСИ 86 КОРХОНА ДАР ҲАФТ МОҲ

«ЛИДАР». АКНУН ТАРКИБИ МОЛЕКУЛАВИИ ҲАВО САНҶИДА МЕШАВАД

14.09.2020


ТОҶИКИСТОН. АЗ КОРОНАВИРУС 7816 БЕМОР ШИФО ЁФТ

ПАЙВАНДГАРИ ДИРӮЗУ ИМРӮЗ. БАРДОШТ АЗ ҲАМОИШИ ҶУМҲУРИЯВӢ БАХШИДА БА 90-СОЛАГИИ "ҶАВОНОНИ ТОҶИКИСТОН"

US OPEN. ТИМ ВА НАОМИ ҒОЛИБОНИ ИН МУСОБИҚА

СММ КИШВАРҲОИ ПЕШРАФТАРО ДАЪВАТ НАМУД, КИ АЗ ТАҲРИМОТ АЛАЙҲИ МАМЛАКАТҲОИ РУШДКУНАНДА ДАСТ КАШАНД

ҶАҲОН ДАР ЯК САТР

11.09.2020


ТОҶИКИСТОН. 7 ҲАЗОРУ 714 СИРОЯТЁФТА АЗ COVID – 19 ШИФО ЁФТ

ЛИГАИ БОНУВОН. «ЗЕБОНИСО» БОРИ ДУЮМ ЧЕМПИОНИ ТОҶИКИСТОН ШУД

САФОРАТ ВА ДОМОДЕДОВО ХАБАРҲО ДАР БОРАИ БАНД МОНДАНИ ТОҶИКОНРО ДАР ФУРУДГОҲ РАД КАРДАНД

ҶАҲОН ДАР ЯК САТР

10.09.2020


НИСФИ КӮДАКОНИ РУСИЯГӢ COVID-19-РО САБУК ГУЗАРОНДАНД

ҶАҲОН ДАР ЯК САТР

ОҒОЗИ НАШРИ КИТОБИ «ТОҶИКОН»-И БОБОҶОН ҒАФУРОВ

08.09.2020


ТОҶИКИСТОН. ШАБОНАРӮЗИ ОХИР 32 ҲОДИСАИ НАВИ БЕМОРИИ COVID – 19 ОШКОР ШУД


Дар сомонаҳои дигари Тоҷикистон хонед