logo

иҷтимоиёт

КӮШОНИЁН. НОҲИЯЕ ДАР МАСИРИ РУШД

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид мекунанд, ки бо мақсади таъмини зиндагии хубу шоиста барои ҳар сокини кишвар аз марказҳои маъмурии шаҳру навоҳӣ то дурдасттарин деҳаҳо бояд дорои инфрасохтори зарурӣ бошанд. Татбиқи нисбатан хуби ин дастури Сарвари давлатро дар ноҳияи Кӯшониён ҳам дар марказ – Ҷамоати шаҳраки ба номи Исмоили Сомонӣ ва ҳам дар аксар деҳаҳо мушоҳида кардан мумкин аст.
Бисёр навгониҳоеро вомехӯрем, ки маҳсули ҳамагӣ се - чор моҳи охиранд. Шоҳроҳе, ки кӯчаи марказиро бо ноҳияи Вахш мепайвандад, симои муосир гирифтааст. Пиёдароҳҳо ба таври дилкаш кошинкорӣ шуда, дар гӯшаҳои мувофиқ шиору овезаҳои ҷолиб, ки мазмуни ватандӯстона ва ободгароӣ доранд, насб гардидаанд.
Шоми шаҳрак низ дигар мисли солиёни қабл тира нест. Кӯчаи марказӣ аз даромадгоҳ то охир бо чароғпояҳои зебо, симчароғҳои рангрези мунаққаш оро ёфта, атрофи биноҳо ҳам дилкашанд.
Бунёдкориҳо дар маҷмааи Парчам ва Нишони давлатӣ, бинои истиқоматии бисёрқабата, боғи фарҳангӣ - фароғатӣ, марказҳои замонавии хидматрасонӣ бомаром идома доранд.
Дар доираи омодагиҳо ба Ҷашни бузурги 30 - солагии Истиқлолияти давлатии Ҷумҳурии Тоҷикистон ба тадбирҳои ободонии маҳали зист, кӯчаву роҳҳо, хонаҳои истиқоматӣ, корхонаю ташкилотҳо, таъмиру рангубори истгоҳҳо ва насб кардани шиору навиштаҷоти ватандорӣ ва ҷалби шаҳрвандон ба корҳои созандагӣ дар ҳама деҳот таваҷҷуҳи хос зоҳир мегардад. Аксияҳои “Субҳи босафои Ватан”, “Тоҷикистони биҳиштосои ман!”, “Созандагӣ ва бунёдкорӣ мароми мост!”, “Деҳаамро дӯст медорам!” аз ҷумлаи ҳамин иқдомҳоянд.
Бо мақсади муҳайё сохтани мавзеъҳои варзишӣ барои наврасону ҷавонон дар шаҳрак ва деҳоти Исмоили Сомонӣ, “Сарвати Истиқлол”, Бӯстонқалъа ва “Меҳнатобод” дар маҷмӯъ, ҳафт майдон ва толор бунёд ёфт.
Дар ҳошияи таваҷҷуҳи рӯзафзуни Ҳукумати мамлакат ба фароҳамсозии истироҳату фароғати сокинон дар Ҷамоати шаҳраки Бӯстонқалъа парки оббозӣ сохта, ба истифода дода шуд. 
Соҳибкорон ва ҳам аҳолӣ дар самти беҳтар кардани таъминот бо оби тозаи ошомиданӣ ташаббуси қобили ситоиш нишон дода, ба деҳаи Зарафшон аз масофаи 500 метр, ба деҳаҳои Орзу ва Чорсӯ аз масофаи 1,5 километр ва ба деҳаи Тоҷикобод аз масофаи 5,1 километр об оварданд.
Бахшида ба 30 - солагии Истиқлолияти давлатии Ҷумҳурии Тоҷикистон дар ноҳия 326 иншооти таъйиноти гуногун бояд сохта шавад. Аллакай, 110 иншоот ба истифода дода шуд.
Маҳз маҷмӯи ҳамин тадбирҳои татбиқшуда буданд, ки дар 10 моҳ барои аҳолии ниёзманд ба кори доимию муваққатӣ 2 ҳазору 137 ҷойи нави кор ташкил гардид.
Бо назардошти сол ба сол афзудани хонандагон, дар назди муассисаҳои таълимӣ 28 синфхонаи иловагии дорои 700 ҷойи нишаст бунёд ёфт ва феълан дар назди нуҳ муассиса сохтмони 33 синфхона бо 775 ҷойи нишаст идома дорад, ки дар моҳҳои наздик мавриди баҳрабардорӣ қарор мегиранд. Бинои муассисаи таҳсилоти миёнаи умумии рақами 8 вазъи хуб надошт. Пас аз маблағгузорӣ аз буҷети вилоят, бинои нави дуошёнаи таълимии иборат аз 16 синфхона бо 400 ҷойи нишаст сохта, ба истифода дода шуд.
Қобили зикр аст, ки бунёдкории бештар баъд аз мавриди амал қарор гирифтани “Барномаи рушди иҷтимоию иқтисодии ноҳияи Кӯшониён барои солҳои 2016 - 2020” ба вуқӯъ пайвастанд. Барномаи мазкур бо мақсади таъмини рушди устувори соҳаҳои иқтисодиёт дар асоси коркарди маҳсулоти саноатӣ ва истифодаи ашёи хоми маҳаллӣ, беҳтар кардани хизматрасонии иҷтимоӣ мураттаб гардидааст. Амалишавии 217 лоиҳа ба маблағи умумии 248 миллиону 806  ҳазор сомонӣ пешбинӣ гаштааст. Аз ин шумора 70 ба бахши иқтисодӣ, 94 ба иҷтимоӣ, 36 ба инфрасохтор, 10 ба ҳифзи муҳити зист ва ҳолатҳои фавқулода ва 7 лоиҳа ба бахши таъминоти захиравӣ мансуб мебошад. То кунун 83 лоиҳа ба маблағи умумии 65 миллиону 154 ҳазор сомонӣ аз худ карда шудааст.
Алҳол дар ноҳия иҷрои нуҳ лоиҳаи давлатии сармоягузорӣ бо маблағи 1 миллиону 69 ҳазор доллари амрикоӣ дар нақша ҳаст. Дар натиҷаи амалисозии комили онҳо ноҳияи Кӯшониён ба марҳилаи нисбатан тозаи рушд ворид хоҳад гашт. 
Роҳҳои автомобилгарди ноҳия, ки 231,9 километр мебошанд, ҳам бо маблағи Вазорати нақлиёти Ҷумҳурии Тоҷикистон ва ҳам аз ҳисоби буҷети маҳаллӣ таъмиру нигоҳдорӣ мешаванд.
Дар ҷодаи кишоварзӣ, ки яке аз соҳаҳои асосии ноҳия дониста мешавад, муваффақиятҳои назаррас кам нестанд. Пахтакорон дар вилоят яке аз аввалинҳо шуда 10 ноябр дурнаморо 100,4 дарсад иҷро карданд. Аз майдони 11 ҳазору 300 гектар 25 ҳазору 11 тонна “тиллои сафед” ба даст оварданд, ки ин дар қиёс ба ҳамин давраи соли гузашта 3 ҳазору 768,7 тонна зиёд мебошад.
Дар ин давра ба хориҷи кишвар 4 ҳазору 156 тонна маҳсулот содирот шуд, ки ин 100,1 дарсади нақшаро дар бар мегирад.
Дар доираи Солҳои рушди деҳот, сайёҳӣ ва ҳунарҳои мардумӣ як қатор корҳои назаррас ба анҷом расонда шуданд. Ҳоло баҳри истифодаи сайёҳони хориҷиву дохилӣ 4 меҳмонхона, 6 тарабхона, 5 мабрази сарироҳӣ ва 30 китобхонаи деҳотӣ муҳайё буда, баҳри тамошои сайёҳон дар ҳудуди шаҳраку деҳоти ноҳия 7 ёдгории таърихӣ ва мавзеъҳои тамошобоб пешниҳод мегарданд. Мағозаи фурӯши армуғон, гӯшаи иттилоотии сайёҳӣ ва харитаи сарироҳии ноҳия низ мавҷуданд. Ҳамзамон, 279 ҳунарманде, ки дар ҳудуди ноҳия фаъолият мекунад, бо маҳсули ҳунарҳои гулдӯзӣ, чакандӯзӣ, кӯрпачадӯзӣ, танӯрсозӣ, оҳангарӣ, шерозбофӣ, гилембофӣ, заргарӣ, зардӯзӣ, кулолӣ ва ҳоказо ҳам чорабиниҳои ноҳияро зинат мебахшанд ва ҳам меҳмонони хориҷиро шефтаи офаридаҳояшон мекунанд.

Муҳаммадзоиршо ШАРИФЗОДА,
Зокир ҲАСАН,
“Ҷумҳурият”


Баёни ақида (0)    Санаи нашр: 30.11.2019    №: 227    Мутолиа карданд: 274

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед