logo

иқтисод

РИСОЛАТ. ДАР БОРАИ ДАСТОВАРДҲОИ МАОРИФ ДАР НОҲИЯИ АЙНӢ

Таҳким бахшидани иқтидори илмии кишвар, ҷорӣ кардани ихтироот дар истеҳсолот, устувор гардондани пояҳои моддиву техникии муассисаҳои таълимӣ, баланд бардоштани сифати таълим дар ҳамаи зинаҳои таҳсилот, ҷалби боз ҳам васеи истеъдодҳои ҷавон ба омӯзиши технологияҳои муосир ва корҳои эҷодиву техникӣ вазифаи муҳимтарини соҳаҳои илму маориф мебошад.
Эмомалӣ РАҲМОН

Тавре Муллоғиёс Шарифзода, мудири шуъбаи маорифи ноҳияи Айнӣ, иброз дошт, фаъолияти шуъбаи  маорифи  мақомоти  иҷроияи  маҳаллии ҳокимияти  давлатии   ноҳия  ба  татбиқи  сиёсати  давлатӣ  дар  соҳаи  маориф,  дастуру  супоришҳои Асосгузори сулҳу ваҳдати миллӣ - Пешвои миллат,  Президенти  Ҷумҳурии Тоҷикистон муҳтарам Эмомалӣ Раҳмон баҳри баланд бардоштани сатҳи дониш ва таълиму тарбияи насли навраси  ноҳия дар рӯҳияи  ватандӯстӣ, созандагӣ ва арҷгузорӣ ба  арзишҳои милливу  умумибашарӣ  равона шудааст.  
Натиҷаи иштироки хонандагони ноҳия дар олимпиадаҳои вилоятӣ ва ҷумҳуриявӣ соли равон қобили таҳсин аст. Аз ҷумла, Басирҷон Нуров аз муассисаи таҳсилоти миёнаи умумии № 13  аз  фанни география ҷои 1 ва медали тилло  ва  Шаҳрбону Норова аз МТМУ № 16 аз фанни биология  ҷои 3 ва медали биринҷиро соҳиб гардиданд.
Дар маҷмӯъ, хонандагони муас-сисаҳои таҳсилоти миёнаи умумии ноҳия дар олимпиадаҳои вилоятӣ ва ҷумҳуриявӣ соҳиби 11 ҷои ифтихорӣ ва 2 медал  шуданд. Ҳамаи ин шаҳодати фаъолияти хуби кормандони шуъбаи маориф ва роҳбарону омӯзгорони муассисаҳои номбурда аст.
Имсол ба Маркази миллии тестии назди Президенти Ҷумҳурии Тоҷикистон 1055 нафар ҳуҷҷат супурд, ки нисбат ба соли гузашта 61 нафар зиёд мебошад. Аз ин шумора 855 нафар донишҷӯ  шуд, ки ин 81 дарсадро ташкил медиҳад.
Дар доираи нақшаи чорабиниҳои мақомоти иҷроияи маҳаллии ҳокимияти давлатии ноҳия бахшида ба 30 - солагии таҷлили Истиқлолияти давлатии Ҷумҳурии Тоҷикистон сохтмони бинои муассисаи таҳсилоти миёнаи умумии № 52 барои 200 ҷои нишаст аз ҳисоби соҳибкор Зинҳор Исрофилов оғоз гардида, бомаром идома дорад. Ҳамчунин, сохтмони бинои муассисаи таҳсилоти миёнаи умумии № 15 аз ҳисоби маблағҳои мақомоти иҷроияи ҳокимияти давлатии вилояти Суғд, таъмири асосии бинои муассисаи таҳсилоти миёнаи умумии № 29, деҳаи Гузари Бод аз ҳисоби мақомоти иҷроияи маҳаллии ҳокимияти давлатии ноҳия ба анҷом расонда шуда, муассиса аз ҳолати садамавӣ бароварда шуд. Сохтмони бинои интернати наздимактабии муассисаи таҳсилоти миёнаи умумии № 22 идома дошта, толори варзиш дар назди муассисаи таҳсилоти миёнаи умумии № 35 дар арафаи Ҷашни 28 - умин солгарди Истиқлолияти давлатӣ ба истифода дода шуд. Сохтмони бинои нав дар назди муассисаи таҳсилоти миёнаи умумии № 11, деҳаи Фатмев, ки дар ҳолати садамавӣ қарор дошт,  барои 320 ҷои нишаст аз ҳисоби маблағҳои мақомоти иҷроияи маҳаллии ҳокимияти давлатии ноҳия оғоз гардид.
Бо мақсади таъмини иҷрои барномаҳои давлатии соҳаи маориф то охири соли равон муассисаҳои таҳсилоти миёнаи умумии ноҳия бо 10 кабинети фаннии замонавӣ  ва 60 компютер таъмин карда мешаванд. Ҳамчунин, рӯзҳои наздик дар доираи нақшаи чорабиниҳо бахшида ба 30 - солагии Истиқлолияти давлатӣ муассисаҳои таълимие, ки ба ҷои нишаст эҳтиёҷ доранд, бо миқдори зарурии мизу курсӣ таъмин мешаванд.
Дар арафаи соли нави таҳсил ба 270 нафар хонандагони ятими кулл, ятим, бепарастор ва аз оилаҳои камбизоат аз ҷониби мақомоти иҷроияи маҳаллии ҳокимияти давлатии ноҳия ба таври ройгон либоси мактабӣ тақдим карда шуд.
Ба гуфтаи мудири маориф, дар нуҳмоҳаи  соли 2019 - ум  66 нафар хатмкардаҳои муассисаҳои таҳсилоти миёна ва олии касбӣ бо роҳхати Вазорати маориф ва илми Ҷумҳурии Тоҷикистон ба ихтиёри шуъбаи маорифи ноҳия фиристода шуданд, ки аз инҳо 56 нафар дорои маълумоти олии касбӣ ва 10 нафар дорои маълумоти миёнаи касбӣ мебошанд.
Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» дар назди падару модарон ва омӯзгорону хонандагон вазифаҳои зиёдеро гузоштааст. Рисолат ва вазифаи муҳимтарини падару модарон тарбияи хуб, ёд додани адаб ба фарзанд ва таъмини шароити мусоид барои ӯ мебошад. Агар ин рисолат бо фаъолияти созандаи омӯзгор, падару модар ва ҷомеа ба роҳ монда шавад, фарзандон таълиму тарбияи дуруст гирифта, ба роҳи рост ҳидоят карда мешаванд.

Мунаввари САФАР,
«Ҷумҳурият»


Баёни ақида (0)    Санаи нашр: 30.11.2019    №: 227    Мутолиа карданд: 532

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед