logo

иҷтимоиёт

ТИБ СОҲАЕ, КИ ҶОМЕА МЕСОЗАД. БАРДОШТ АЗ НОҲИЯИ МИР САЙИД АЛИИ ҲАМАДОНӢ

Бо вуҷуди таъмин намудани шароити созгор ва бунёду навсозии муассисаҳои тиббию табобатӣ дар ноҳияи Мир Сайид Алии Ҳамадонӣ, як қатор камбудиҳое ҷой доштанд, ки монеи пешравии соҳа мегаштанд. Баҳри рафъи онҳо чораҳои зарурӣ андешидан ва бартараф кардани мушкилиҳо аз иқдомҳои роҳбарияти нави соҳа гардид. Роҳбарияти беморхонаи марказии ноҳия кӯшиш ба харҷ дода истодааст, то корро маҳз аз бартараф кардани мушкилот оғоз намоянд.  
Дар бахши тандурустии ноҳияи Мир Сайид Алии Ҳамадонӣ муассисаҳои кумаки аввалияи тиббию санитарӣ аз 1 маркази саломатӣ, 20 маркази саломатии деҳот ва 23 бунгоҳи саломатии деҳот иборат мебошад. Дар муассисаҳои тандурустии ноҳия алҳол 162 нафар табибони маълумоти олидор (6 нафар маълумоти олии ғайритиббӣ дорад), 741 нафар кормандони миёна ва 320 нафар кормандони хурди тиббӣ машғули кор мебошанд. Дар байни табибони муассисаҳои КАТС 32 нафар дараҷаи олӣ, 31 нафар дараҷаи якум ва 5 нафар дараҷаи дуюми тахассусӣ доранд. Аз ҳисоби кормандони миёнаи тиббӣ 128 нафар дорои дараҷаи олӣ, 29 дараҷаи якум ва 43 нафар дараҷаи дуюми тахассусӣ мебошанд, ки дар муқоиса ба солҳои гузашта хеле хуб аст.
Айни ҳол бахши бистарикунонии ноҳия, ки аз 10 шуъба (шуъбаҳои таваллуд, ҷарроҳӣ,  бемориҳои занона, амрози даруна, бемориҳои асаб, бемориҳои дил, бемориҳои кӯдакона, наҷот, ёрии таъҷилӣ ва ғайра) иборат мебошад, дорои 320 кат аст. Инчунин, 4 беморхонаи минтақавӣ дорои 125 кат, маркази зидди бемориҳои сил 20 кат, дар маҷмӯъ 465 кат мебошанд.
Бунёди беморхонаву марказҳои саломатӣ ва дигар иншооти тандурустӣ хуб ба роҳ монда шуда, ба гуфтаи масъулон, айни ҳол таъмири маркази саломатии ноҳиявӣ аз тарафи соҳибкорони маҳаллӣ идома дорад. Маркази саломатии ноҳиявии Халифаев аз таъмири асосӣ бароварда шуд. Сохтмони бунгоҳи тиббӣ дар деҳаи Таги Намак оғоз гардидааст. Сохтмони маркази саломатӣ дар деҳаи ба номи Пушкини деҳоти Қаҳрамон низ аз ҷониби соҳибкорони маҳаллӣ дар арафаи оғоз мебошад.
Дар муассисаҳои бахши бистарикунонӣ низ як қатор корҳои ободонӣ ба анҷом расонда шуданд. Аз ҷумла, бо дастгирии яке аз соҳибкорони маҳаллӣ бинои шуъбаи таваллуди беморхонаи деҳоти Меҳнатобод аз таъмири асосӣ бароварда шуд. Ошёнаи якуми шуъбаи ҷарроҳӣ бошад, аз ҳисоби маблағҳои ҷудонамудаи Вазорати тандурустӣ ва ҳифзи аҳолӣ ба таъмир фаро гирифта шудааст.
Ҳ. Розиқов, сардухтури беморхонаи марказии ноҳия, дар ин маврид зикр намуд: «Дар назди мо масъулияти бузурге гузошта шудааст. Ҳифзи сиҳатии мардум, ки боигарии асосии давлат аст, аз мо вобаста мебошад. Ҳадафи асосии мо низ хизмат ба халқ аст. Имрӯзҳо тамоми кӯшишу ғайрати худро ба он равона намудаем, ки онро сифатнок ва сари вақт адо намоем ва боварии халқро сазовор бошем».
Дар муассисаҳои табобатию профилактикии ноҳия мушкилоти ҳалталаб зиёданд. Бавижа оид ба таъмин намудани муассисаҳои соҳа бо мутахассисони соҳибтаҷриба мушкили зиёд доранд.  Бастҳои кории шуъбаи тандурустӣ алҳол аз ҳисоби кормандони миёнаи тиббӣ пур карда шудаанд. Дар ноҳия мутахассисони соҳа, аз қабили силшинос, стоматолог, табибони эҳёгар, неонотолог, амрози даруна ва табибони тибби оилавӣ намерасанд. Дар маҷмӯъ, 20 ҳиссаи корӣ мутахассисони маълумоти олидор намерасад. Норасоии сӯзишворӣ (бензин, солярка) дар беморхонаи марказии ноҳия, норасоии маблағ барои пардохти қувваи барқ, таъмирталаб будани шуъбаҳои беморхонаи марказӣ ва беморхонаҳои минтақавии деҳот, пурра нарасидани тестҳои оҷилӣ ва истифодаи маводи яккарата аз мушкилоти дигари соҳа ба шумор мераванд.
Ҳамзамон, бунгоҳҳои саломатии деҳаҳои Қарағоч ва Бузахонаи деҳоти Чӯбек дар хонаи истиқоматӣ ва вагон, бунгоҳҳои саломатии деҳаҳои Чойлобкамари деҳоти Чӯбек, Боғистони деҳоти ба номи Турдиев, Гулистони деҳоти Меҳнатобод ва деҳаи Панҷоби деҳоти Панҷоб дар муассисаҳои таълимӣ ҷойгир буда, бунгоҳҳои саломатии деҳаҳои Маслуқ, Чордара ва Қиёнчашмаи деҳоти Чӯбек бино надоранд.
Мо ҳам умед ба он мебандем, ки роҳбарияти нави беморхонаи марказии ноҳия баҳри ҳал намудани камбудиҳои ҷойдошта ва хубу сифатнок ба роҳ мондани хизматрасонии тиббӣ чораҳои зарурӣ меандешад.

Х. ИСЛОМ, рӯзноманигор


Баёни ақида (0)    Санаи нашр: 19.12.2019    №: 241 - 242    Мутолиа карданд: 226
21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД

 РАШТ: МУЛОҚОТИ  РАИСИ  МАҶЛИСИ НАМОЯНДАГОН  БО  ИНТИХОБКУНАНДАГОН

 ШАҲРИ ГУЛИСТОН: АВҶИ СОХТМОНИ ИНШООТИ ҶАШНӢ

 ТАФСИЛОТИ ЯК ҶИНОЯТ. Ё ЧАРО «ҚОЗӢ»-И АВФШУДА ПАСИ ПАНҶАРА РАФТ?

 ТАЪСИСИ КОРХОНАИ НОДИРИ ИЛМИВУ ИСТЕҲСОЛӢ

 ТАЪМИНИ МАРКАЗҲОИ ИЛМӢ ВА МУАССИСАҲОИ ТАЪЛИМӢ БО РЕАКТИВҲОИ КИМИЁӢ

 ПЕШНИҲОДИ БОСТОНШИНОСОН БА ЮНЕСКО

08.01.2021


ВОХӮРИИ МАҲМАДТОИР ЗОКИРЗОДА БО СОКИНОНИ НОҲИЯИ САНГВОР

ДАВРИ ҶУМҲУРИЯВИИ ОЗМУНИ «МУРАББИИ СОЛИ ТОҶИКИСТОН – 2020» ОҒОЗ ГАРДИД

НАВИДҲОИ ФАРҲАНГӢ

МИЁНИ ТОҶИКИСТОНУ ӮЗБЕКИСТОН БОЗ ЯК БУНГОҲИ НАЗОРАТӢ КУШОДА ШУД


Дар сомонаҳои дигари Тоҷикистон хонед