logo

маориф

ХАТЛОН. БУНЁДИ 33 МУАССИСАИ ТАЪЛИМӢ ДАР НОҲИЯИ ДАНҒАРА

Дар доираи корҳои ободонӣ то соли 2021 аз ҳисоби соҳибкорони  маҳаллӣ  ва  дигар  сарчашмаҳо дар ноҳияи Данғара 33 муассисаи  таҳсилоти миёнаи  умумӣ бунёду навсозӣ  мегардад, ки  ба рушди  минбаъдаи  соҳаи маориф  мусоидат хоҳад кард. То 10 декабри соли равон 16 иншооти таълимӣ мавриди баҳрабардорӣ қарор гирифт. Илова бар ин, дар деҳоти Лолазор муассисаи таълимии №25, дар деҳоти Исмат Шарифов №58, дар деҳоти Корез №79, дар деҳоти Оқсу №32 ва дар деҳоти Пушинг мактабҳои №№ 39,45 то моҳи сентябри соли 2020 ба истифода дода мешаванд.

- Тавре ба ҳамагон маълум аст, соли равон Пешвои муаззами миллат  муҳтарам Эмомалӣ Раҳмон бо сафари корӣ ба ноҳия  ташриф оварда, бо  буридани лентаи рамзӣ як қатор иншооти таъйиноти гуногун, аз ҷумла биноҳои муассисаи таълимии  №№ 5, 28, 33 ва 51 - ро мавриди истифода қарор доданд. Бинои нави муассисаи таҳсилоти миёнаи умумии № 5 барои 1520 хонанда дар  ду  баст  дар  маркази  деҳаи Пушинг қомат афрохт, - гуфт зимни  суҳбат ба хабарнигори «Ҷумҳурият» Фаридун Давлатзода, мудири шуъбаи маорифи ноҳия.
Ба гуфтаи ӯ, муассисаи таълимии пешинаи деҳа куҳнаю фарсуда шуда,    ба шароити рӯз  ва талабот ҷавобгӯ набуд. Бо дастгирии Пешвои миллат  мушкилии сокинон  ҳал  шуд ва онҳо  соҳиби боргоҳи замонавии  илму  маърифат  гардиданд.
Бинои нави дуошёнаи МТМУ № 28 - и  деҳаи Шар - шари  деҳоти  Себистон дар масоҳати  2 гектар барои 480 толибилм бо истифодаи дастовардҳои муосири меъморӣ бунёд гардида, атрофи он бо гулу буттаҳои ороишӣ ва дарахтони сояафкан зебу оро ёфтааст. Барои таълиму тарбияи  насли наврас  шароиту имконияти беҳтарин фароҳам оварда шудааст. Синфхонаҳо бо аёнияти таълимӣ, тахтаҳои электронӣ, компютер ва дастгоҳҳои лабораторӣ таъминанд.
Муассисаи таълимии № 33 - и  деҳаи Кӯли Сӯфёни деҳоти Оқсу аз  ҷониби соҳибкорони маҳаллӣ барои дар ду баст ба таҳсил фаро  гирифтани 480 хонанда бунёд гардидааст. Иншооти ҷашнӣ дорои 10 синфхона, аз ҷумла синфхонаҳои компютерӣ, физика, химия, биология, китобхона ва дафтарҳои корӣ мебошад. Қаблан дар деҳаи Кӯли Сӯфён  муассисаи таълимӣ бо 150 ҷойи нишаст фаъолият дошт, вале бо  сабаби  ҷавобгӯ набудан ба талаботи замони муосир ва афзоиши шумораи хонандагон сокинон мушкилӣ мекашиданд.
Бинои асосии МТМУ № 51 дар деҳаи Талхоби деҳоти Оқсу  аз ду ошёна ва 11 синфхона иборат буда, барои ба таҳсил фаро  гирифтани 528 хонанда дар ду баст бо муосиртарин дастгоҳу таҷҳизоти таълимӣ муҷаҳҳаз гардонда шудааст.
Ба гуфтаи Фаридун Давлатзода, бинои нави  боргоҳи донишу  маърифат  дар ҷои  иморати  қаблии  муассисаи таҳсилоти миёнаи умумии №51, ки  соли 1987 аз тарафи аҳолии деҳа тариқи  ҳашар барои 90 хонанда сохта шуда буд, қомат афрохт. Бинои мактаби нав барои хонандагони деҳаи Талхоб дар доираи омодагиҳо ба Ҷашни бошукӯҳи 30 - солагии Истиқлолияти давлатии Тоҷикистон бунёд ёфт ва мавриди истифода қарор гирифт.
Ҳоло корҳои  сохтмонӣ  дар бинои  дуюми муассиса, ки дорои толорҳои  маҷлис, варзиш ва ошхона аст, идома доранд. Муҳлати бунёди ин  иншоот ду сол аст, вале сохтмончиён талош доранд, то онро пеш аз муҳлат мавриди баҳрабардорӣ қарор диҳанд.
Пешвои миллат зимни суханронӣ иброз доштанд: «Сокинони  меҳмоннавозу заҳматпешаи  ноҳияи Данғара  барои дар сатҳи  баланд ва  бо эҳсоси  гарми ватандӯстиву ватанпарварӣ истиқбол гирифтани Ҷашни  мубораку муқаддаси 30 - солагии Истиқлолияти давлатии Тоҷикистон азму талоши бештар мекунанд ва зодгоҳу диёри хешро боз ҳам ободу  пешрафта мегардонанд».
Соли равон дар арафаи Ҷашни 28 - умин солгарди Истиқлолияти давлатии Ҷумҳурии Тоҷикистон аз тарафи соҳибкорони маҳаллӣ дар деҳоти Себистон ва Пушинг ду муассисаи таҳсилоти миёнаи умумӣ - №№ 18, 63  барои  480  хонанда  дар  ду  баст  сохта ба истифода дода шуд. Инчунин, аз тарафи соҳибкорон мактаби № 57 дар деҳоти Оқсу мавриди баҳрабардорӣ қарор гирифт.
Сол ба сол шумораи муассисаҳои таҳсилоти умумӣ дар ноҳия  зиёд шуда  истодааст, ки ин ба беҳшавии сифати таълиму тарбия мусоидат мекунад. Ҳоло иштироки хонандагон дар олимпиадаҳои ҷумҳуриявии фаннӣ ва дохилшавӣ ба муассисаҳои таҳсилоти олӣ ва миёнаи касбӣ бештар мегардад. Хонандагони ноҳия дар ёздаҳ моҳи соли равон дар олимпиадаҳои ҷумҳуриявӣ соҳиби 72 медал шуда, бо ин нишондиҳанда дар  вилояти Хатлон дар ҷойи якум мебошанд. Инчунин, соли равон 85 дарсади хатмкунандагони синфҳои 11 ба донишкадаҳои олӣ ва миёнаи касбӣ дохил шуданд.
- Дар оянда барои таъмин намудани шароити боз ҳам беҳтари илму  ҳунаромӯзӣ ва ба машқу тамрин фаро гирифтани хонандагон дар муассисаҳои навбунёд сохтмони толору майдончаҳои варзиш, маҷлисгоҳу ошхона ва дигар  иншооти ёрирасон, аз ҷумла  барои  таъминот  бо гармӣ  ва оби  нӯшоӣ, ба  нақша гирифта  шудааст, - гуфт Фаридун Давлатзода.

Кароматулло  АТО,
«Ҷумҳурият»


Баёни ақида (0)    Санаи нашр: 23.12.2019    №: 244 - 245    Мутолиа карданд: 1314
01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД


Дар сомонаҳои дигари Тоҷикистон хонед