logo

туризм

ШОҲРОҲИ БУЗУРГИ АБРЕШИМ - ОМИЛИ ҶАЛБИ САЙЁҲОН БА ТОҶИКИСТОН

Вақтҳои охир дар Осиёи Марказӣ ба эҳёи Шоҳроҳи бузурги Абрешим диққати зиёд зоҳир мешавад. Мутахассисон бар он назаранд, ки Шоҳроҳи бузурги Абрешим омили хуби ҷалби сайёҳон ба минтақа мебошад ва онро бояд самаранок истифода бурд.

ОСОРИ ШОҲРОҲ ДАР ТОҶИКИСТОН
Тоҷикистон, ки дар ин пайроҳаи таърихӣ қарор гирифтааст, бо дастгириҳои пайвастаи Пешвои миллат, Кумитаи рушди сайёҳӣ бо баргузории чорабиниҳои гуногуни байналмилалӣ талоши онро дорад, ки бо таблиғу ташвиқи Шоҳроҳи бузурги Абрешим теъдоди бештари сайёҳони хориҷиро ба кишвар ҷалб намояд. Ба шарофати тадқиқотҳои бостоншиносӣ осори тамаддуни баланд, ки аз қадимулайём вуҷуд дошт, дар тамоми гӯшаҳои Тоҷикистон ёфт шудаанд. Мо медонем, ки тӯли шоҳроҳи Абрешим дар мамлакат бисёр шаҳрҳо, минтақаҳои аҳолинишин, корвонсаройҳои давраҳои гуногун мавҷуданд. Машҳуртарини онҳо Панҷакенти Қадим, пойтахти Уструшана Бунҷикат, Ҳисори асримиёнагӣ, мадрасаи Хоҷамашҳад, шаҳри антиқии Тахти Сангин, дайри буддоии Аҷинатеппа, пойтахти Хуталон - Ҳулбук ва қалъаи Ямчун мебошанд, ки ба рӯйхати мероси фарҳанги ғайримоддии ЮНЕСКО пешниҳод шудаанд. Дар ҳар кадоми онҳо хатсайрҳои сайёҳӣ ташкил шуда, сайёҳон аз онҳо дидан мекунанд. 

БАЛАНД БАРДОШТАНИ НАҚШИ БРЕНД
9 - 11 сентябри соли 2019 дар Форуми иқтисодии АвруОсиё, ки дар шаҳри Сиани музофоти Шенсии Ҷумҳурии Мардумии Чин баргузор шуд, масъалаи баланд бардоштани нақши бренди «Шоҳроҳи бузурги Абрешим» мавриди баррасӣ қарор гирифта, муфид арзёбӣ гардид. Иштирокдорони форум, инчунин, маҷмӯи масоили марбут ба рушди ҳамкории кишварҳои СҲШ - ро дар самти рушди саёҳати байналмилалӣ, тақвияти ҳамкории кишварҳои аъзо ҷиҳати омода намудани роҳбаладон, таҳкими сохтори институтсионалии идоракунии бахши сайёҳӣ, андешидани тадбирҳо оид ба ҷалби теъдоди бештари сайёҳон ба кишварҳои СҲШ, талошҳо барои таҳияи маҳсулоти сайёҳӣ ва ба бозори сайёҳӣ пешкаши гардондани онро баррасӣ намуда, қарорҳои дахлдор қабул намуданд.

ИҚТИДОРИ САЙЁҲИИ ТОҶИКИСТОН ДАР ИН САМТ
Эълон гардидани Солҳои рушди деҳот, сайёҳӣ ва ҳунарҳои мардумӣ ба рушди соҳа такони бузург бахшид. Имрӯзҳо кишвари мо барои рушди сайёҳӣ инфрасохтори ҷавобгӯ ба талаботи байналмилалӣ бунёд менамояд. Сохтмону таҷдиди роҳҳо, меҳмонхонаҳо, ободонии шаҳру деҳот ва таваҷҷуҳи хоса ба ҳифзи ёдгориҳои таърихиву меъморӣ ба ҷалби бештари сайёҳон ба кишвар дар солҳои наздик мусоидат хоҳад кард.
Мутахассисон иброз медоранд, ки қисми зиёди шаҳрвандони хориҷӣ, ки ба Осиёи Миёна сафар мекунанд, орзуи дидани зебоиҳои шоҳроҳи Помир ва долони Вахонро доранд. Вале тартиботи будубош дар ноҳияҳои сарҳадии Тоҷикистон бо Афғонистон ва системаи мавҷудаи посгоҳҳо монеаи ҷиддӣ барои сафар ба ин минтақаҳои аҷибу зебои табиӣ мебошад. Сайёҳони хориҷиро, ҳамчунин, аҳолии ин минтақаҳо, ки фарҳанги ба худ хосро нигоҳ доштаанд, ҷалб менамояд.
Дар баробари ин, намояндагони ширкатҳои сайёҳии вилояти Суғд пешниҳод доранд, ки иқтидори Тоҷикистони шимолӣ ва таваҷҷуҳ ба кӯҳҳои Фону Ҳафткӯл, ки шакли табиии худро нигоҳ доштаанд, баррасӣ шаванд. Дараҳои зебои қаторкӯҳҳои Зарафшон бо кӯлҳои зиёд кайҳо боз байни сайёҳони хориҷӣ маъруфият пайдо кардаанд. Вақтҳои охир ташрифи сайёҳон ба кӯҳҳои Фон ва Ҳафткӯл тавассути Ӯзбекистон зиёд шуда истодааст. Бо сохтмони нақби Шаҳристон ва роҳи автомобилгарди Хуҷанд – Айнӣ – Панҷакент сайёҳон бе монеа зебоиҳои табиати кӯҳҳои Зарафшонро тамошо мекунанд.   

САРАЗМ – ЁДГОРИИ ТАЪРИХИИ ҶАҲОН
Яке аз ёдгориҳои тоҷикон, ки боиси ифтихори миллату давлат ва ҳар шаҳрванди Тоҷикистон ба ҳисоб меравад, Саразм мебошад. Бо пешниҳоди Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҷлили 5500-солагии Саразми бостонӣ далели ин гуфтаҳо буда, ифодагари арҷгузорӣ ба таъриху маданияти гузаштагон аст. Айни ҳол Тоҷикистон ба ҷашни шаҳри қадимаи Саразм, ки ба феҳристи ёдгориҳои ҷаҳонии ЮНЕСКО ворид шудааст, омодагӣ мебинад. Сохтмони осорхонаи шаҳри қадима, меҳмонхона ва мустаҳкамсозии биноҳо идома доранд. Бешубҳа, иштироки олимони ҷаҳонӣ дар ин ҷашн ба ташаккули имиҷи нави Саразм ва шинохти мардуми тоҷик чун миллати тамаддунофар мусоидат хоҳад кард.

ПАЙВАНДГАРИ ТАМАДДУНҲО
Шоҳроҳи бузурги Абрешим аз замонҳои қадим Шарқ ва Ғарбро ба ҳам пайванд месохт. Корвони пур аз молҳо аз биёбонҳои гарму тафсон гузашта, тавассути кишварҳои Шарқи Наздик ба Чин мерафтанд ва баръакс. Шоҳроҳи бузурги Абрешим дар интиқоли арзишҳои моддӣ ва фарҳангӣ нақши бузург дошта, тамаддунҳои нотакрори Шарқи Наздик, Шарқи Миёна, Шарқи Дур ва Осиёи Марказиро ба ҳам пайванд сохтааст. Таърихи Шоҳроҳи бузурги Абрешим аз рушду нумӯи тамаддунҳо шаҳодат медиҳад. Шаҳрҳо, динҳо аз байн мерафтанд, миллатҳо аз арсаи таърих дур мешуданд, пайроҳаҳо ва корвонсаройҳо зери қум мемонданд, вале онҳоро рагҳои нави роҳи шимолӣ ё нишебиҳои ҷануби баландкӯҳ иваз мекарданд. Таърихи Шоҳроҳи бузурги Абрешим ба ҳазорсолаи II–I-и пеш аз милод рост меояд. Дар ин хусус бозёфтҳои бостоншиносон шаҳодат медиҳанд.

ОСИЁИ МАРКАЗӢ - МИНТАҚАИ ЯГОНАИ САЙЁҲӢ
Мутахассисони соҳа андеша доранд, ки Осиёи Марказӣ бояд чун минтақаи ягонаи сайёҳӣ истифода шавад. Зеро ҳар сайёҳе, ки ба Қирғизистон ё Ӯзбекистон сафар мекунад, ҳатман мехоҳад аз зебоиҳои табиати Тоҷикистон низ дидан намояд. Бинобар ин, нақшаи ташкили хатсайрҳои шаҳрҳои Шоҳроҳи бузурги Абрешим аз манфиат холӣ набуда, таваҷҷуҳи бештарро тақозо дорад. Дар ин раванд ба инобат гирифтани манфиатҳои баробари ширкатҳо ва кишварҳо, муддати будубош дар ҳудуди ин ё он мамлакат, истифодаи инфрасохтори он низ бояд дуруст ба роҳ монда шавад. Инчунин, бояд сайёҳонро хуб пешвоз гирифт ва сазовор гусел намуд, даромадҳоро байни ширкатҳо одилона тақсим кард, баён медоранд мутахассисон.

Шаҳноз ҚУРБОН, «Ҷумҳурият»


Баёни ақида (0)    Санаи нашр: 23.01.2020    №: 17    Мутолиа карданд: 1617
04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР


Дар сомонаҳои дигари Тоҷикистон хонед