logo

иқтисод

ГУМРУК. МИННАТДОРИИ ПЕШВОИ МИЛЛАТ МАСЪУЛИЯТРО БЕШТАР МЕКУНАД

Ба муносибати истиқболи Рӯзи касбии кормандони соҳаи гумрук дар  Хадамоти гумруки ҷумҳурӣ бо иштироки муовини якуми  Сарвазири Ҷумҳурии Тоҷикистон Давлаталӣ Саид ва сардори хадамот Хуршед Каримзода ҷамъомади тантанавӣ баргузор гардид. Дар он нахуст маросими савгандёдкунии ҷавонафсарон сурат гирифта, сипас, натиҷаҳои фаъолияти кормандони соҳаи гумруки кишвар натиҷагирӣ шуд.

Давлаталӣ Саид аз фаъолияти назарраси кормандони мақомоти гумрук ёдовар шуда, барои барзиёд иҷро намудани нақшаи пардохтҳои гумрукӣ миннатдории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба кормандони соҳа расонд.
Тавре  Хуршед Каримзода зикр намуд, гумрук  яке аз бахшҳои муҳими иқтисоди миллӣ маҳсуб гардида, барои таъмини рушди соҳаҳои дигари хоҷагии халқи мамлакат нақши бузург дорад.
- Соли гузашта кормандони мақомоти гумруки кишвар дар партави дастуру супоришҳои Сарвари давлат  ҷиҳати таъмини даромадҳои гумрукию пешгирии қочоқи молу маҳсулот фаъолияти самарабахш анҷом дода, ба дастовардҳои назаррас ноил гардиданд. Аз ҳисоби пардохтҳои гумрукӣ ба Буҷети давлатӣ 5,5 миллиард сомонӣ ворид гардид, ки 107,1 дарсади нақшаро ташкил медиҳад. Аз ҷониби иштирокчиёни фаъолияти иқтисодии хориҷии Ҷумҳурии Тоҷикистон бо 116 мамлакати ҷаҳон амалиёти содиротию воридотӣ гузаронда шудааст,- гуфт ӯ.
Солҳои охир заминаи моддию техникии сохторҳои соҳа мустаҳкам шуда, қариб тамоми дидбонгоҳҳои гумрукӣ ва биноҳои маъмурӣ бо шароити муосири кор таъмин  гардиданд. Дар зарфи 28 соли охир  беш аз 50 иншооти  нав  бунёд ва  зиёда аз сад иншоот таъмиру таҷдид  шудааст. Дар масоҳати 24 гектар дидбонгоҳи гумрукии «Панҷи Поён» ва Донишкадаи такмили ихтисоси кормандони Хадамоти гумрук бунёд ёфта, бо таҷҳизоти назоратии замонавӣ муҷаҳҳаз гардонда шуданд. Инчунин, дидбонгоҳҳои гумрукии «Кулма», «Қизил-Арт», «Қарамиқ», «Айвоҷ», «Қӯштегирмон» «Гулистон» ва  терминали «Дӯстӣ», биноҳои нави дидбонгоҳҳои гумрукии «Тем», «Рӯзвай», «Ишкошим», «Нов», «Пролетар», «Пахтаобод», «Хушодӣ» ва  «Патар» мавриди истифода қарор гирифтанд. Терминали гумрукии «Мурғоб» бунёд ва  бо таҷҳизоти замонавӣ таъмин гардид.
Амалисозии як қатор тадбирҳо оид ба такмили низоми маъмурикунонии соҳа,  татбиқи дурусти қонунгузории амалкунанда дар самти муайян намудани арзиши гумрукии молу воситаҳои нақлиёти воридотӣ, барасмиятдарории босифати молҳои ниёзи мардум, гузарондани машварату корҳои фаҳмондадиҳӣ бо субъектҳои иқтисодии хориҷӣ ва пурзӯр намудани фаъолият дар самти пешгирии воридоти ғайриқонунии маҳсулот барои барзиёд иҷро гардидани нақшаи пардохтҳои гумрукӣ мусоидат намуд. Дуруст муайян намудани арзиши гумрукии молу воситаҳои нақлиёт барои субъектҳои фаъолияти иқтисодии хориҷӣ шароити мусоид муҳайё сохта, ҳавасмандии онҳоро ба воридоти молҳои зарурӣ бештар намуд.
 Дар самти таҳкими ҳамкориҳои байналмилалии гумрукӣ бо намояндагони дипломатию созмонҳои байналмилалӣ, инчунин, ташкилотҳои хориҷӣ барои тақвияти ҳамкориҳо дар соҳаи гумрук даҳҳо вохӯрии судманд гузаронда шуд. Дар ин вохӯриҳо, пеш аз ҳама, ҷонибҳо доир ба масъалаҳои расондани ёрии моддию техникӣ, додугирифти маълумоти гумрукӣ, табодули таҷриба, иштироки фаъолона дар машваратҳои минтақавии соҳавӣ, ҳамкориҳо ҷиҳати омодасозии мутахассисони касбӣ ва як қатор масоили дигар ба мувофиқа расиданд.
Дар самти ҷорӣ намудани системаи равзанаи ягонаи гумрукӣ низ хадамот корҳои зиёдеро анҷом дода истодааст. Барасмиятдарории амалиёти содиротию воридотӣ ва транзитӣ тариқи муомилоти ҳуҷҷатҳои қоғазӣ дар кишвар марҳила ба марҳила аз байн рафта, дархосту пешниҳоди ҳуҷҷатҳои иҷозатдиҳӣ, мубодилаи иттилоот ва қабули пардохтҳои ҳатмӣ байни сохторҳои давлатии ба система пайвастшуда ба таври электронӣ ба роҳ монда мешавад.
Фаъолияти  кормандони мақомоти гумрук зери таваҷҷуҳи доимии давлату Ҳукумати мамлакат қарор  дошта,  барои таъмини рушди иқтисоди миллӣ  ва таҳкими ҳамкориҳои байналмилалӣ пайваста дастгирӣ меёбад.

Ташрифулло САЪДУЛЛОЕВ,
“Ҷумҳурият”


Баёни ақида (0)    Санаи нашр: 28.01.2020    №: 20    Мутолиа карданд: 143
06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ

ДЗЮДО. КУРСИ ТЕХНИКӢ БАРОИ МУРАББИЁН

АЛЕКСАНДР ЛУКАШЕНКО: «БЕЛАРУС БАР КОРОНАВИРУС ҒОЛИБ ОМАД»

ҶАҲОН ДАР ЯК САТР

02.07.2020


77 ДАРСАДИ БЕМОРОН ДАР ТОҶИКИСТОН СИҲАТ ШУДАНД

КУМАКИ ШИРКАТИ “ПОМИР ЭНЕРҶИ” БА НИЁЗМАНДОН

ҚАРИБ 650 ШАҲРВАНДИ ТОҶИКИСТОН АЗ РОССИЯ БАРГАШТ

ҶАҲОН ДАР ЯК САТР

01.07.2020


ҚАРОР ДАР БОРАИ ТАЪЙИН ВА ПАРДОХТИ КУМАКПУЛИИ ИҶТИМОӢ

4568 МУБТАЛОИ COVID – 19 ДАР ТОҶИКИСТОН ШИФО ЁФТ

ҶАЛАСАИ ШӮРОИ ИҚТИСОДИИ ИДМ

НИШАСТИ САТҲИ БАЛАНД ДАР ҚОЛАБИ С5+1

ЛИГАИ ОЛӢ. ЭҲСОН ВА ВИТАЛИЙ БЕҲТАРИНҲОИ МОҲИ ИЮН

НАҚШАИ РУШДИ ИДМ БО НАЗАРДОШТИ COVID-19 ТАТБИҚ МЕШАВАД

ҶАҲОН ДАР ЯК САТР

30.06.2020


МУРАШКО: «РОССИЯ ОМОДА АСТ, ВАКСИНАҲОИ КОРОНАВИРУСРО БА БОЗОРИ ҶАҲОНӢ ВОРИД СОЗАД»

ҶАҲОН ДАР ЯК САТР

26.06.2020


75 ДАРСАДИ СИРОЯТЁФТАГОНИ COVID – 19 ДАР ТОҶИКИСТОН ШИФО ЁФТАНД

БОХТАР. ХИЗМАТЧИЁНИ ДАВЛАТӢ САВГАНД ЁД КАРДАНД

ФУТБОЛ. БОЗИИ РАФИҚОНАИ ДУ КИШВАРИ ДӮСТ

СУТ ХУРУҶИ НАВИ КОРОНАВИРУСРО ДАР АВРУПО ТАСДИҚ НАМУД

ҶАҲОН ДАР ЯК САТР

25.06.2020


COVID – 19. ДАР ТОҶИКИСТОН 4194 СИРОЯТЁФТА СИҲАТ ШУД

24.06.2020


ХУШХАБАР. ДАР ТОҶИКИСТОН 73,8 ДАРСАДИ МУБТАЛОЁНИ КОРОНАВИРУС ШИФО ЁФТАНД

АРАБИСТОНИ САУДӢ ҲАҶРО БАРОИ ЗОИРИНИ ХОРИҶӢ МАНЪ КАРД

ҶАҲОН ДАР ЯК САТР


Дар сомонаҳои дигари Тоҷикистон хонед