logo

порлумон

БАДАХШОН. ОМОДАГӢ РАВАНДИ ТОЗА МЕГИРАД

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми пурмуҳтавои ояндасозашон ба Маҷлиси Олии кишвар чунин ироа намуданд: «Барои дар сатҳи баланд баргузор намудани интихоботи дарпешистода мақомоти иҷроияи маҳаллии ҳокимияти давлатӣ вазифадоранд, ки дар доираи талаботи қонун ба комиссияҳои интихоботӣ шароити мусоид муҳайё созанд». Нишондодҳо ва вазифаҳои дар Паём ба миёнгузоштаи Пешвои муаззами миллатро мақомоти иҷроияи маҳаллии ҳокимияти давлатии Вилояти Мухтори Кӯҳистони Бадахшон ва шаҳру ноҳияҳои он дар асоси талаботи Конститутсияи Ҷумҳурии Тоҷикистон ва қонунҳои амалкунанда хуб ба роҳ монда, корҳои тадорукотиро ба ҷо оварданд. Ҳоло дар ҳамаи ҳудудҳои шаҳри Хоруғ ва навоҳии вилоят - аз ноҳияи Дарвоз то Мурғоб ҳавзаҳо ва участкаҳои интихоботӣ баъди дар рӯзномаи «Бадахшон» ва нашрияҳои шаҳрӣ ва ноҳиявӣ чоп шудани рӯйхати аъзои комиссияҳои ҳавзавӣ ва участкавӣ фаъолияти доманадори худро ба роҳ мондаанд.
Барои шаффофу демократӣ баргузор кардани интихоботи вакилони Маҷлиси намояндагони Маҷлиси Олии Ҷумҳурии Тоҷикистон ва вакилони маҷлисҳои маҳаллӣ иқлим ва табиати сарди Бадахшон низ ба эътибор гирифта шудааст. Зеро дар моҳҳои феврал ва март дар минтақаҳои қисмати ғарбии вилоят дар деҳоти водиҳои Вахё, Ванҷи Боло, Бартанг, Ғунд, Ҷавшангози ноҳияҳои Дарвоз, Ванҷ, Рӯшон, Шуғнону Роштқалъа ҳаво хеле сард мешавад, дар авулҳо ва мавзеъҳои чорводори водиҳои Аличуру Булункӯл, Қароқӯлу Рангкӯл ва Вахони ноҳияҳои Мурғобу Ишкошим хунукиҳо то ба 40 дараҷа мерасанд. Дар ин водиҳо то миёнаҳои моҳи март барфрезиҳо, тармафароиҳо ва яхбандиҳои зиёд ба амал меоянд. Аз ҳамин хотир, мақомоти иҷроияи маҳаллии ҳокимияти давлатии ноҳияҳо кӯшиш ба харҷ медиҳанд, ки ин маъракаи муҳими сиёсӣ дар участкаҳо ва ҳавзаҳои интихоботие, ки дар деҳоти ин минтақаҳо воқеанд, дар сатҳи баланд ва муташаккилона доир гардад.
Тибқи иттилое, ки аз дастгоҳи раиси ВМКБ гирифтем, муассисаҳои давлатии нигаҳдории роҳҳои автомобилгарди даҳ минтақаи роҳдории вилоят вазифадор гардидаанд, ки роҳу пулҳои нақлиётгузарро дар масири ин водиҳои баландкӯҳ дар ҳолати хуби истифодабарӣ қарор диҳанд. Ҳангоми боришоти барфу борон роҳдорон навбатдории шабонарӯзиро ба роҳ монанд, алоқаи телефонӣ мунтазам барқарор бошад. Участкаҳои интихоботӣ бо дастурамалҳо оид ба интихобот, рӯзнома ва маҷаллаҳо, маводи сӯзишворӣ ва дигар воситаҳои зарурӣ таъминанд. Дар шаҳру навоҳии Бадахшон дарҳои ҳавзаҳо ва участкаҳои интихоботӣ аз субҳ то шом кушода буда, навбатдории шабонарӯзӣ фаъол аст. Рӯйхатҳои интихобкунандагон тайёр мебошад. Ҳавзаҳо ва участкаҳои интихоботӣ дар беҳтарин биноҳои навсохт ҷойгир шудаанд.
Собиқадори Ҷанги Бузурги Ватанӣ ва меҳнат Додихудо Солеҳов, ки дар деҳаи Зинги Ҷамоати деҳоти Қалъаихумби ноҳияи Дарвоз ба сар мебарад ва умраш ба 97 расидааст, гуфт, ки дар даврони шӯравӣ ҳавзаҳо ва участкаҳои интихоботӣ дар манзилҳои истиқоматӣ ва вагонҳо ҷой мегирифтанд. Ҳоло дар айёми Истиқлолияти давлатии Ҷумҳурии Тоҷикистон авҷи босуръати амалҳои ободонӣ, бунёдкорӣ ва созандагӣ тавассути дастгириҳои беназири Пешвои муаззами миллат ба роҳ монда шудаанд. Дар ҳама кунҷу канори вилоят ва, аз ҷумла дар ноҳияи Дарвоз толорҳо, қасрҳои бошукӯҳи фарҳангӣ, хонаҳои фарҳанг, клубу китобхонаҳо, марказҳои тиббӣ ва дигар иншооти мутобиқ ба талаботи шаҳрсозӣ ва меъмории ҳозиразамон хеле зиёд бунёд гаштаанд. Ҳамаи ин ободгариҳои бесобиқаи даврони соҳибистиқлолии кишвар ба он мусоидат менамояд, ки ҳавзаҳо ва участкаҳои интихоботӣ дар муносибтарин биноҳо ҷойгир бошанд.
Аз нахустин рӯзҳои омодагӣ ба маъракаи нави интихоботӣ Ҷаббори Қосим, раиси ноҳияи Ванҷ, масъулони мақомоти иҷроияи маҳаллии ҳокимияти давлатӣ, раисони деҳотро вазифадор намуд, ки ҳавзаи ҳудудии якмандатии интихоботии Ванҷ, рақами 40 ва ҳамаи 40 участкаи интихоботиро дар беҳтарин биноҳо ҷойгир карда, шароитҳои муносиби кориро барои онҳо муҳайё намоянд. Аз ҷумла, ҳавзаи ҳудудии якмандатии интихоботии Ванҷ, рақами 40 дар бинои бисёрошёнаи маркази саломатии шаҳраки Рохарв, ки панҷ сол муқаддам дар расми мавриди баҳрабардорӣ қарор гирифтани он Президенти Ҷумҳурии Тоҷикистон муҳтарам Эмомалӣ Раҳмон зимни сафари кориашон ба шаҳру навоҳии Бадахшон иштирок намуда буданд, ҷой гирифтааст. Раиси комиссияи ҳавзавӣ, раиси кумитаи иттифоқи касабаи кормандони шуъбаи маорифи ноҳия Ёдгоршо Файзов ва 11 нафар аъзои комиссияи ҳавзавӣ ҳамарӯза машғули кор мебошанд. Дар гӯшаи интихобкунандагон Конститутсияи Ҷумҳурии Тоҷикистон, Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон», адабиётҳо ва дастурҳои зарурӣ, инчунин, дастаҳои рӯзномаҳои зиёд, аз ҷумла рӯзномаҳои «Ҷумҳурият», «Бадахшон», «Ватан», ки ҷараёни маъракаи интихоботиро мунтазам инъикос менамоянд, рӯйхати рақамҳои телефонии ҳамаи раисони комиссияҳои участкавии интихоботӣ, дафтарҳои бақайдгирии номзадҳо ва шахсоне, ки ба ҳавза барои маълумот гирифтан меоянд, дафтари арзу шикоятҳо мавҷуд мебошад.
Омодагиҳои комил ба он далолат менамоянд, ки ин маъракаи муҳими сиёсӣ дар ҳамаи шаҳру ноҳияҳо дар асоси талаботи Конститутсия ва қонунҳои амалкунандаи Ҷумҳурии Тоҷикистон ба таври демократӣ, шаффоф ва ба дараҷаи баланди ташкилӣ, худшиносии миллӣ ва эҳсосоти ватанпарастии сокинони вилоят баргузор мегардад.
 
Муҳаммадзоиршо
ШАРИФЗОДА, «Ҷумҳурият», 
Сироншоҳи ДИЛОВАР, рӯзноманигор


Баёни ақида (0)    Санаи нашр: 05.02.2020    №: 27    Мутолиа карданд: 127
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед