logo

ҳуқуқ

СУЛАЙМОН СУЛТОНЗОДА: "280 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД"

Давоми соли 2019 аз тарафи мутахассисони самти назорати давлатии молиявии Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вазорату идораҳо, мақомоти маҳаллии ҳокимияти давлатӣ, марказҳои татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 1102 тафтишу санҷиши молиявӣ гузаронда, зиёда аз 684 миллион сомонӣ зарари молиявӣ ошкор шудааст.

Дар ин бора Сулаймон Султонзода, директори Агентии назорати давлатии молиявӣ ва мубориза бо коррупсия, зимни натиҷагирӣ аз фаъолияти мақомот дар соли сипаришуда иттилоъ дод. Ба гуфтаи ӯ, аз зарари молиявии ошкоршуда, тавассути чораҳои андешидашуда 280 миллион сомонӣ барқарор гардидааст. Аз маблағҳои рӯёндашуда 72,6 миллион ба буҷетҳои ҷумҳуриявию маҳаллӣ ва 207,3 миллион сомонӣ ба ташкилоту муассисаҳо рост меояд. 
Воҳидҳои ҳифзи ҳуқуқи агентӣ дар ин давра 2154 ҷинояти коррупсионӣ, иқтисодии хусусияти коррупсионидошта ва ҷиноятҳои ба андоз алоқамандро ошкор намуданд, ки 644 - тои он ба гурӯҳи ҷиноятҳои вазнин шомиланд.
Соли гузашта аз ҷониби кормандони мақомоти иҷроияи маҳаллии ҳокимияти давлатӣ 249 ҷиноят, соҳаҳои маориф ва илм 122, тандурустӣ ва ҳифзи иҷтимоии аҳолӣ 135, нақлиёт 17, кишоварзӣ 32, меҳнат, муҳоҷират ва шуғли аҳолӣ 64, саноат ва технологияҳои нав 8, молия 7, Кумитаи давлатии идораи замин ва геодезӣ 87, Кумитаи андоз 19, меъморӣ ва сохтмон 8, ШСХК «Барқи Тоҷик» 32, соҳаи бонкӣ 273, субъектҳои хоҷагидори ғайридавлатӣ 359, соҳибкорони инфиродӣ 403 ва дигар идораву корхонаҳо 339 ҷиноят содир гардидааст.  
Инчунин, 83 ҳолати вайрон намудани талаботи моддаи 9 Қонуни Ҷумҳурии Тоҷикистон «Дар бораи мубориза бар зидди коррупсия», ки хизмати якҷоя ва таъйини хешовандони наздик ба мансабҳои давлатӣ ё ба мансабҳои ба онҳо баробаркардашударо манъ намудааст, ошкор шуда, ҳуқуқвайронкуниҳои мазкур бо пешниҳоди санадҳои эътиноии агентӣ бартараф гардидаанд.
Ҷиҳати бартараф намудани омилҳои коррупсионӣ ва шароитҳои ба онҳо мусоидаткунанда аз ҷониби кормандони агентӣ 1581 пешниҳод ирсол гардида, бо натиҷаи баррасии онҳо нисбат ба 480 нафар огоҳӣ, 420 нафар сарзаниш, 557 нафар танбеҳ татбиқ гардида, 249 нафари дигар аз вазифаҳои ишғолнамудаашон озод шудаанд.
Ба агентӣ ҷиҳати аз экспертизаи давлатии зиддикоррупсионӣ гузарондан, 1247 лоиҳаи санадҳои меъёрии ҳуқуқӣ ворид гардидааст, ки 1242 - тои он мавриди баррасӣ қарор гирифта, дар 111 лоиҳа омилҳои бавуҷудоварандаи коррупсия ошкор шуда, баҳри бартараф намудани камбудиҳо ба мақомоти таҳиякунандаи лоиҳа бозпас гардонда шудаанд.
Аз ҷониби воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон 1084 ҳуқуқвайронкунии маъмурии хусусияти коррупсионидошта ошкор гардида, нисбат ба ҳуқуқвайронкунандагон ба маблағи 1,4 миллион сомонӣ ҷарима татбиқ гардид.
- Ғайр аз ин, кормандони агентӣ дар ин давра 137 ҳолати вайронкунии талаботи Қонуни Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон» - ро ошкор намудаанд, ки 10 ҳолати он аз ҷониби шахсони мансабдор содир гаштааст, - гуфт директори агентӣ.

Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 12.02.2020    №: 32    Мутолиа карданд: 264
09.04.2020


НОҲИЯИ ҶАББОР РАСУЛОВ. ОБОДОНӢ ВУСЪАТИ ТОЗА МЕГИРАД

РАШТ. АВЛАВИЯТ БА РУШДИ КИШОВАРЗӢ

ЧЕМПИОНАТИ ТОҶИКИСТОН – 2020. ҒАЛАБАИ БУЗУРГИ "ИСТИҚЛОЛ" ДАР ОҒОЗИ МАВСИМ

07.04.2020


ДУШАНБЕ. ҶАМЪБАСТИ ОЗМУНИ «САЙРИ ГУЛИ ЛОЛА»

БОЗИҲОИ ОЛИМПӢ. ТОҶИКИСТОН ЛИБОСИ ЯГОНААШРО ИНТИХОБ КАРД

НАМОИШИ КИТОБИ КӮДАКОНУ НАВРАСОН

АМРИ ДИЛ. ҶАВОНОНИ СУҒД ИХТИЁРАН БА ХИЗМАТИ ҲАРБӢ РАФТАНД

ДОРУИ КОРОНАВИРУС ДАР РОССИЯ ҲАФТАИ ОЯНДА ПАЙДО МЕШАВАД

ДАР ТОҶИКИСТОН БАРОИ ПЕШГИРӢ АЗ КОРОНАВИРУС СУРАТҲИСОБ КУШОДАНД

ҲАВОИ ГАРМ МЕТАВОНАД ПАНДЕМИЯРО АЗ БАЙН БАРАД?

РОССИЯ БА ЧИН 80 МИЛЛИОН НИҚОБ ФАРМОИШ ДОД

БАРОИ ПЕШГИРӢ АЗ КОРОНАВИРУС ОБНӮШИИ ЗИЁД ТАВСИЯ ШУД

Ҷаҳон дар як сатр

06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН


Дар сомонаҳои дигари Тоҷикистон хонед