logo

ҳуқуқ

ХАДАМОТИ ИҶРО. ИҶРО НАШУДАНИ САНАДҲОИ СУДӢ АЗ МУШКИЛОТИ ДОҒ БОҚӢ МЕМОНАД

Соли 2019 ба Хадамоти иҷрои назди Ҳукумати Ҷумҳурии Тоҷикистон ва зерсохторҳои он дар маҳалҳо зиёда аз 51 ҳазор мавод ва арзу шикояти шахсони воқеӣ ва ҳуқуқӣ вобаста ба таъмини иҷрои санадҳои судӣ ва санадҳои дигар мақомот ворид гардидааст. Аз ҷониби иҷрочиёни хадамот бо татбиқи чораҳои маҷбурӣ иҷрои воқеии 40 394 (69,9 дарсад) ҳуҷҷатҳо таъмин гардидааст.

Аз 51 ҳазор арзу муроҷиати шахсони воқеӣ ва ҳуқуқӣ зиёда аз 38 ҳазори он аз мақомоти судӣ мебошад. Бояд гуфт, ки тайи солҳои охир сари вақт ё дар бештари ҳолат, умуман, иҷро нашудани санадҳои судӣ асосан, дар самти ҷуброни зарар зиёд ба мушоҳида мерасад.
Илёс Идрисзода, сардори Хадамоти иҷро, зимни натиҷагирӣ аз фаъолияти яксолаи ин ниҳод гуфт, ки омилҳои иҷро нашудани санадҳои судӣ ин надоштани шароити баргардондани қарз ё зарар аз ҷониби нафароне, ки бо ҳукми суд муваззаф шудаанд, инчунин, дар хориҷа ҳузур доштани онҳо мебошад. 
Сардори хадамот, аз ҷумла дар вокуниш ба матлаби рӯзномаи «Ҷумҳурият», ки 11 декабри соли 2019 бо номи «Ҳукми суд иҷро намешавад, чаро?» мисол овард, ки аз ҷониби иҷрочии хадамот дар ноҳияи Темурмалик бо мақсади таъмини иҷрои санади судӣ ҷиҳати аз ҳисоби қарздор Ш. Сафарова ба фоидаи С. Давлатов рӯёндани маблағи зарар амалҳои иҷро пурра гузаронда шуд, аммо молу мулк, маблағҳои пулӣ ва даромади дигари қарздор Ш. Сафарова дарёфт нагардид. Аз баёноти қарздор бармеояд, ки айни замон ӯ донишҷӯи коллеҷи омӯзгории шаҳри Кӯлоб буда, бо сабаби надоштани шароити молию пулӣ имконияти пардохти маблағи зарари расондаашро надорад. Падари ӯ Р. Сафаров низ дар баёноташ қайд кардааст, ки имконияти молиявии пардохти зарари расондаи духтарашро надорад. Ҳамчунин, тибқи маълумотномаи ҷамоат ва бахши ҳифзи иҷтимоии аҳолии ноҳияи мазкур оилаи Ш. Сафарова ҳамчун оилаи камбизоат эътироф гардидааст.
Бо вуҷуди танҳо наздик ба 70 дарсад иҷро шудани санадҳои судӣ дар қиёс ба солҳои қаблӣ вазъ дар ин самт хубтар ва рӯ ба беҳбудӣ арзёбӣ мешавад. Чунончи Мавлуда Қаландарзода, раиси Суди Олии иқтисодии Ҷумҳурии Тоҷикистон, мегӯяд, ки баъди таъсиси Хадамоти иҷрои назди Ҳукумати Ҷумҳурии Тоҷикистон вазъ ва сатҳи иҷрои санадҳои судӣ аз пештара дида беҳтар шудааст.
Ба гуфтаи сардори Хадамоти иҷро, бо назардошти аз манфиат холӣ набудани истифода ва ҷорӣ намудани таҷрибаи пешқадами дигар давлатҳо дар самти истеҳсолоти иҷро барои иҷрои саривақтӣ ва босифати санадҳои судӣ ва санадҳои дигар мақомот хадамот дар ин самт тадбирҳои заруриро роҳандозӣ намуд.
Бо ҳамин мақсад, соли 2019 хадамот бо роҳбарияти барномаи «Мусоидат ба волоияти қонун дар кишварҳои Осиёи Марказӣ» - и Ҷамъияти ҳамкории байналмилалии Олмон (GIZ) созишномаи ҳамкорӣ ба имзо расонд. Дар заминаи ин созишнома хадамот бо ҷалби мушовирони байналмилалӣ дар шаҳри Душанбе ва вилоятҳои Хатлону Суғд бо иҷрочиён машғулиятҳои омӯзишӣ баргузор намуд.
Илова бар ин, ҷиҳати беҳтар шудани шароити кории иҷрочиён дар Суди Олии иқтисодӣ ва шаҳру ноҳияҳои Ваҳдат, Левакант, Дарвоз, Роштқалъа, Вахш, Фархор, Спитамен, Деваштич, Рӯдакӣ, Варзоб ва Лахш пурра таъмир ва бо таҷҳизоти зарурӣ таъмин карда шуданд.
- Хадамоти иҷро бо Бюрои иҷрои маҷбурии назди Прокуратураи генералии Ҷумҳурии Ӯзбекистон низ созишномаи ҳамкорӣ ба имзо расонд, ки он минбаъд ба сифати беҳтар гардидани иҷрои санадҳои судӣ ва санадҳои дигар мақомот ва омӯзиши таҷрибаи пешқадами соҳа мусоидат хоҳад кард. Инчунин, феълан ҷиҳати ба роҳ мондани ҳамкориҳо бо Иттифоқи байналмилалии судиҷрочиён, мақомоти иҷрои маҷбурии Россия ва ҷумҳуриҳои Беларусу Арманистон тадбирҳои зарурӣ роҳандозӣ шуда истодаанд, - гуфт сардори хадамот.

Лашкар ШАРИФЗОДА,
«Ҷумҳурият»


Баёни ақида (0)    Санаи нашр: 19.02.2020    №: 37    Мутолиа карданд: 157
02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ


Дар сомонаҳои дигари Тоҷикистон хонед