logo

иқтисод

ВМКБ. ТАЪМИНИ ВОЛОИЯТИ ҚОНУН АСОСИ ТАМОМИ ДАСТОВАРДҲОСТ

Ёдгор Файзов, раиси Вилояти Мухтори Кӯҳистони Бадахшон, дар нишасти матбуотӣ таъмини волоияти қонун дар қаламрави вилоятро дастоварди асосии соли сипаригашта унвон карда, зикр намуд, ки дар анҷоми муваффақи ин амал мақомоти иҷроияи ҳокимияти давлатӣ, ситоди байниидоравии таъмини амният дар вилоят, сохторҳои қудратӣ, рӯзноманигорон ва мардуми шарифи Бадахшон, бахусус ҷавонон, саҳмгузоранд.

Ба таъкиди ӯ таъмини волоияти қонун имконият фароҳам овард, ки вилоят дар иҷрои яке аз ҳадафҳои калидӣ – ҷалби сармояи дохилӣ ва хориҷӣ барои ҳалли масъалаҳои иқтисодию иҷтимоӣ гомҳои устувор гузорад. Дар ин самт раиси вилоят аз дастгирии пайвастаи Асосгузори сулҳу ваҳдати миллӣ - Пешвои миллат, Президенти Тоҷикистон муҳтарам Эмомалӣ Раҳмон изҳори сипос карда, зикр намуд, ки ҳамаи дархостҳои роҳбарияти вилоят вобаста ба ҳалли қазияҳои иқтисодию иҷтимоии ин минтақаи кӯҳии кишвар аз ҷониби Сарвари давлат дастгирӣ меёбанд. Бо вуҷуди мушкилот дар иҷрои Буҷети давлатӣ дар сатҳи ҷумҳуриявӣ, соли гузашта тамоми маблағҳои барои дастгирии буҷети вилоят пешбинигардида аз ҷониби Ҳукумати мамлакат пурра ва сари вақт гузаронда шуданд. Дар ин давра аз буҷети ҷумҳуриявӣ ба хоҷагии халқи вилоят бештар аз 186 миллион сомонӣ маблағи мақсаднок равона гардид. Бо кӯшиши мақомоти дахлдор буҷети худи вилоят (бо назардошти андози иҷтимоӣ) барзиёд иҷро шуд. Бақияпулии андози иҷтимоӣ дар вилоят 159 ҳазор сомонӣ кам гардид.
Як далели хушнудкунанда афзоиши пешниҳоди қарзҳо аз ҷониби шуъбаҳои Бонки давлатии амонатгузории “Амонатбонк” дар вилоят ва ноҳияҳои он ба аҳолӣ, бахусус соҳибкорон, мебошад. Ҳаҷми қарздиҳӣ соли 2019 нисбат ба соли пешӣ 14 миллион сомонӣ афзуд. Сармоягузории давлатӣ, шарикони рушд ва бахши хусусӣ дар рушди иқтисодиёти вилоят дар муқоиса бо солҳои пеш хеле зиёд гардид. 13 лоиҳаи давлатии сармоягузорӣ ба маблағи қариб 13 миллион сомонӣ ва дар доираи «Барномаи рушди иқтисодию иҷтимоии вилоят барои солҳои 2016-2018» 28 лоиҳаи дигар ба маблағи зиёда аз 875 миллион сомонӣ татбиқ шуд. Маҷлиси намояндагони Маҷлиси Олии Ҷумҳурии Тоҷикистон Созишномаи байни Ҳукумати Ҷумҳурии Тоҷикистон ва Бонки аврупоии таҷдид ва рушдро дар робита ба ҷудо намудани беш аз 80 миллион сомонӣ барои таъмини аҳолии маркази вилоят бо оби нӯшокӣ ва бунёди корхонаи коркарди партовҳо тасдиқ намуд ва моҳи марти соли равон амалисозии ин барнома шурӯъ мегардад.
Дар шаҳри Хоруғ сохтмони мактаби замонавӣ ва 6 майдончаи варзиш ба маблағи 2 миллион доллар шурӯъ гардида, корҳои асосӣ дар сохтмони Неругоҳи барқи обии “Себзор”-и ноҳияи Роштқалъа вусъати тоза мегиранд. Ҳамзамон, айни ҳол лоиҳаҳои рушди инфрасохтори сайёҳӣ ва таъмини аҳолии он деҳаҳои вилоят, ки то ҳол бо неруи барқ таъмин нестанд, бо неруи барқи хушсифат тариқи бунёди неругоҳҳои барқи офтобӣ амалӣ мегарданд.
Корҳо дар самти пайваст намудани шабакаҳои барқии вилоят бо шабакаи ягонаи ҷумҳуриявӣ имсол ба анҷом расонда мешаванд. Соли гузашта дар вилоят истеҳсоли неруи барқ назар ба соли пешӣ зиёд шуда, ба бештар аз 192 миллион кВт - соат расид.
Барои навсозии мактабҳои садамавӣ ва муассисаҳои табобатӣ аз ҳисоби Ҳукумати ҷумҳурӣ беш аз 80 миллион сомонӣ ҷудо шуда, корҳо дар ин самт то Ҷашни 30-солагии Истиқлолияти давлатии Тоҷикистон анҷом дода мешаванд. Муассисаҳои табобатии вилоят давоми соли гузашта ба маблағи бештар аз 5 миллион сомонӣ бо таҷҳизоти муосир таъмин гаштанд.
Раиси вилоят ба соҳибкорони вилоят изҳори сипос намуда, гуфт, ки бо маблағгузории онҳо соли гузашта дар қаламрави вилоят 200 иншоот мавриди истифода қарор гирифт. То Ҷашни 30-солагии Истиқлолияти давлатӣ бо маблағгузории давлатӣ, шарикони рушд ва бахши хусусӣ боз 613 иншооти таъйиноти гуногун бунёду навсозӣ мешавад.
Дар баробари ин, раиси вилоят аз ҷой доштани камбудиҳо дар самти дастгирии соҳибкорон аз ҷониби мақомоти иҷроияи ҳокимияти давлатӣ изҳори нигаронӣ карда, ислоҳи онҳоро аз вазифаҳои муҳими шахсони масъул арзёбӣ намуд.
Хабарнигорон ба саволҳои худ оид ба авзои демографии вилоят, таъмини кормандони муассисаҳои давлатӣ бо манзили зист, аз байн бардоштани изофанависӣ дар сохторҳои давлатӣ, бахусус соҳаҳои саноату кишоварзӣ, ташкили маркази тадқиқоти стратегӣ дар вилоят, тарбияи наврасону ҷавонон, интихобу ҷобаҷогузории кадрҳо, пешгирии воридоти маводи пастсифати ғизоӣ ва машрубот, ба кор андохтани кони ангишти Равноби ноҳияи Дарвоз ва дигар масъалаҳо ҷавобҳои мушаххас гирифтанд.

Раҳмони ГУЛЗОР, 
“Ҷумҳурият”


Баёни ақида (0)    Санаи нашр: 24.02.2020    №: 40    Мутолиа карданд: 157
10.07.2020


ТОҶИКИСТОН. АЗ COVID – 19 БОЗ 56 КАС ШИФО ЁФТ

41 000 СОМОНӢ БАРОИ МУБОРИЗА БО COVID – 19

ҚОҲИР РАСУЛЗОДА АЗ ШАҲРИ НОРАК ВА НОҲИЯИ ЁВОН ДИДАН НАМУД

ХОРУҒ. РӮ БА РУШД

ҶОМИ КФО – 2020. БОЗИҲОИ МАРҲИЛАИ ГУРӮҲӢ ДАР ТОҶИКИСТОН ДОИР МЕШАВАД?

09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"


Дар сомонаҳои дигари Тоҷикистон хонед