logo

туризм

САЙЁҲӢ. БА МУТАХАССИСОНИ БАЛАНДИХТИСОС НИЁЗ ДОРЕМ!

Тайи ду соли охир соҳаи сайёҳии кишвар ба марҳилаи нави рушд ворид гардида, вуруди сайёҳон бамаротиб беш аз пеш меафзояд. Дар ин раванд, талабот ба мутахассисони баландихтисоси соҳа бештар мегардад, зеро ба андешаи таҳлилгарон, барои хизматрасонии 1 миллион сайёҳ қариб 10 ҳазор мутахассиси соҳаҳои гуногун лозим аст.

Тибқи иттилои Кумитаи рушди сайёҳӣ айни ҳол дар 14 муассисаи олии таълимии ҷумҳурӣ аз рӯи 16 ихтисоси соҳаи сайёҳӣ донишҷӯён ба таҳсил фаро гирифта шудаанд. Ғайр аз ин, кумита дар доираи татбиқи Барномаи рушди сайёҳӣ дар Ҷумҳурии Тоҷикистон барои кормандони субъектҳои хоҷагидор ва муассисаҳои таълимие, ки дар риштаи сайёҳӣ мутахассис омода менамоянд, мунтазам курсҳои омӯзишӣ  ташкил менамояд.

CИФАТИ ТАЪЛИМ БА ТАЛАБОТИ БОЗОР ҶАВОБГӮ НЕСТ!
Фаридун Ҳамроев, менеҷери ширкати сайёҳии “Панҷакент-интур”, мегӯяд, ки базаи илмии донишгоҳу донишкадаҳое, ки  дорои ихтисосҳои сайёҳӣ ва хизматрасонӣ мебошанд, сустанд, аз ин лиҳоз  сатҳи дониши хатмкардагони ин муассисаҳо ба стандартҳои ҷаҳонӣ ҷавобгӯ нест. Гузашта аз ин, асарҳои илмиву тадқиқотии мутахассисон, ки ба масоили рушди соҳаи сайёҳии кишвар бахшида шуда бошанд, кам ба назар мерасанд. Ҳамчунин, барномаҳои таълимии макотиби олӣ (бо назардошти стандартҳои байналмилалӣ) таҷдиди назар мехоҳанд.
Устоди Донишкадаи соҳибкорӣ ва хизмат Фазлиддин Қодиров вобаста ба ин масъала иброз медорад, ки дар шароити имрӯза ширкатҳои сайёҳӣ ва хизматрасонӣ аз корманд фарҳанги нави меҳнат ва маҳорати сари вақт дарк намудани таҳаввулотҳо дар соҳаро талаб менамоянд. Зеро ин омилҳо ба афзоиши ҳаҷми даромади ширкатҳо мусоидат хоҳад кард. Ба ин хотир, макотиби олии соҳа бояд ин хусусиятҳоро ба инобат гирифта, мутахассисонро тибқи талаботи бозори меҳнати сайёҳӣ омода созанд.

РОҲБАЛАД КАДРИ АСОСӢ МЕБОШАД
Мавриди зикр аст, ки яке аз талаботи хизматрасонӣ дар соҳаи сайёҳӣ ин тайёр намудани роҳбаладҳои донандаи забонҳои хориҷӣ  мебошад. Ба андешаи мутахассисони соҳа алҳол дар ҷумҳурӣ чунин кадрҳо ангуштшуморанд. 
Қайд кардан зарур аст, ки барои мутахассиси соҳаи туризм, махсусан роҳбаладҳо, донистани на кам аз ду забони хориҷӣ ҳатмист. Чуноне роҳбарони ширкатҳои сайёҳӣ таъкид мекунанд, дар баъзе намудҳои туризм, бавижа намудҳои экстремалӣ, мо қариб ки роҳбалад надорем. Пас барои омода намудани роҳбаладони забондон ва дар айни ҳол касбӣ ҳарчи зудтар бояд чораҳои зарурӣ андешида шаванд.

ҲАМКОРИҲО ГУСТАРИШ МЕХОҲАНД
Дар ин раванд, барои беҳтар намудани сатҳи дониши кормандони соҳа ташкили конфронсҳо ва ҷудо кардани маблағҳо ба шахсоне, ки дар ин самт корҳои илмию тадқиқотӣ мебаранд, зарур аст. Тақвияти робитаҳои тарафайни ширкатҳои туристӣ ва меҳмонхонаҳо бо макотиби олӣ, баргузории курсҳои кӯтоҳмуддат дар муассисаҳои таълимӣ, ширкатҳои сайёҳӣ ва меҳмонхонаҳо, омӯхтани таҷрибаи кишварҳои пешрафта ва ташкили бозомӯзии мутахассисони ҷавон дар ширкатҳои бонуфузи сайёҳӣ аз омилҳои муҳим ба ҳисоб меравад.

ПАЁМ: ДОНИШКАДАИ САЙЁҲӢ, СОҲИБКОРӢ ВА ХИЗМАТ ТАЪСИС ДОДА ШАВАД
Ба ин нукта низ Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон ба Маҷлиси Олӣ таваҷҷуҳ намуда, зикр карданд, ки бо мақсади рақобатпазир гардондани соҳа дар бозори ҷаҳонии сайёҳӣ моро зарур аст, ки мутахассисони забондон, донандаи фарҳангу таърих ва технологияҳои муосирро омода кунем, кормандони ширкатҳои сайёҳӣ, роҳбаладҳо, тарҷумонҳо ва дигар мутахассисони соҳаро мутобиқ ба талаботи бозори сайёҳӣ ба воя расонем. Рушди сайёҳӣ ва тарбияи кадрҳои баландихтисос дар ин самт ба пешрафти иқтисоди миллии кишвар такони ҷиддӣ бахшида, ташрифи сайёҳонро ба мамлакат зиёд менамояд ва барои таъсиси ҷойҳои корӣ имкони бештар фароҳам меорад. Маҳз ба хотири ин омилҳо, Пешвои миллат пешниҳод намуданд, ки дар заминаи Донишкадаи соҳибкорӣ ва хизмат Донишкадаи сайёҳӣ, соҳибкорӣ ва хизмат таъсис дода шавад.

Комрон САФАР, «Ҷумҳурият»


Баёни ақида (0)    Санаи нашр: 02.03.2020    №: 45    Мутолиа карданд: 918
04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД

ЛИГАИ БОНУВОН. "ХАТЛОН" БА САДРИ ҶАДВАЛ БАРОМАД

СҶТ: «ДУНЁ ТАНҲО ЯК МАВҶИ КОРОНАВИРУСРО АЗ САР ХОҲАД ГУЗАРОНД»

ҶАҲОН ДАР ЯК САТР


Дар сомонаҳои дигари Тоҷикистон хонед