logo

ҳуқуқ

МИЛИТСИЯИ ПОЙТАХТ. АЗ БОЗДОШТИ ДОРУФУРӮШОНИ БЕВИҶДОН ТО ИДОМАИ АМАЛИЁТ

Раёсати Вазорати корҳои дохилӣ дар шаҳри Душанбе, дар доираи баргузории амалиёти шартӣ таҳти унвони «Дорухона» чанд ҳолати ба таври сунъӣ боло бурдани арзиши маводи доруворӣ ва дигар лавозимоти тиббӣ аз ҷониби савдогаронро ошкор ва муҷримонро ба ҷавобгарӣ кашид. Зимни амалиёти вижа, ҳамчунин, муайян шудааст, ки доруфурӯшон маводи дорувории муҳлати истифодаашон гузаштаро бе сертификати мутобиқати сифат ба савдо гузоштаанд.
Дар ин бора маркази матбуоти РВКД дар шаҳри Душанбе хабар дод. Тибқи иттилои манбаъ, мақомоти милитсия баъд аз омӯзиши таклифу муроҷиати шаҳрвандон ҷиҳати ба таври сунъӣ боло бурдани арзиши маводи доруворӣ чунин амалиётро роҳандозӣ намуда, муайян кард, ки воқеан, як гурӯҳ фурӯшандагони дорухонаҳо бо эҷоди фазои сунъӣ худсарона арзиши маводи доруворӣ ва дигар лавозимоти тиббиро бамаротиб боло бурдаанд. Сарчашма менависад, ки доруфурӯшони бевиҷдон баъд аз ба қайд гирифтани пандемияи COVID-19 дар ҳудуди ҷумҳурӣ даст ба чунин амал задаанд.
Вале ин тоифа фаромӯш кардаанд, ки дар ҷомеаи қонунсолор ҳеҷ як амали худсаронаву ғайриқонунӣ дер давом нахоҳад кард ва мунтаҳо ба дасти мардумфиребашон завлона зада хоҳад шуд. Яке аз чунин нафарон Ёдгор Бойбобоев мебошад, ки кормандони милитсия ӯро 4 май ҳангоми ба фурӯш баровардани лавозимоти тиббӣ бо арзиши сунъии болобурдашуда дар дохили автомашинаи - тамғаи «Лексус» - аш дастгир намуданд. Дар идомаи чорабиниҳои тафтишот аз манзили истиқоматии номбурда, воқеъ дар деҳоти Зайнабободи ноҳияи Рудакӣ як қатор лавозимоти тиббии худсохт, аз ҷумла 15600 адад даспӯшаки тиббии рангаш кабуд ва 88 ҳазор дастпӯшаки тиббии рангаш сафед, мусодира шуд, ки як қуттии онро ба ҷойи 45 сомонии муқарраршуда бо арзиши 180 сомонӣ, 290 адад ниқоби тиббиро, ки нархи як ададаш 2 сомонӣ тасдиқ шудааст, бо арзиши 10 сомонӣ ба фурӯш баровардааст. Ҳамчунин, аз манзили зисти ӯ 59 айнаки тиббӣ, 10 ҳазор қутии холӣ бо навиштаҷоти “сабр”, барои ҷойгир намудани дастпӯшакҳои тиббӣ, 50 қутии “бахил”, 1000 дона чӯбчаи тиббии барои маҳлулгирӣ дарёфт гардидааст, ки ба қимати беш аз ҳад савдо мекард.
Тавре тафтишот муайян намуд, дастгиршуда дар ҳоле ба ин амал даст задааст, ки маълумоти соҳавӣ надорад ва бидуни иҷозатномаи мақомоти ваколатдор дар шароити хона, ғайрисанитарӣ ба омодасозӣ, нигоҳубин ва фурӯши маводи тиббӣ машғул шуда, дар як муддати кӯтоҳ аз ин ҳисоб ду нақлиёти гаронарзиши тамғаи «Лексус RX-350» ба даст овардааст.
Ба нақл аз маркази матбуоти РВКД, боздоштшудаи дигар Файзулло Алиев низ бо  истифода  аз  вазъияти  баамаломада  арзиши  маводи  дорувориро худсарона чор - панҷ маротиба боло бурдааст. Ӯ ҳангоме дастгир шуд, ки доруи “Арбидол” - ро ба ҷойи 40 сомонии муқарраршуда 250 сомонӣ мефурӯхт. Ғайр аз ин, доруфурӯши беинсоф 91 адад ниқоби дуфилтраи 20 - сомониро 40 сомонӣ ва 19 адад хилъати тиббии 110 - сомониро бо арзиши 220 сомонӣ ба фурӯш гузоштааст.
Ҳамчунин, дар доираи амалиёт кормандони милитсия дар ду ҳолат аз дорухонаҳои ҶДММ «Ориёнфарм» ва ҶСП «Азиз-вако», дар маҷмӯъ, 95 капсулаи «Арбидол», миқдори зиёди дорувориҳои «Батферон», «Анаферон» ва «Сиклоферон» - ро мусодира карданд, ки нисбат ба арзиши аслияшон чанд маротиба қиматтар фурӯхта мешуданд. Дар натиҷа нисбат ба нафароне, ки даст ба қонуншиканӣ заданд, мавод барои оғоз кардани парвандаи ҷиноятӣ тартиб дода шуда, дар баррасӣ қарор доранд. Дар ҳамин ҳол, тибқи иттилои манбаъ, маводи доруворӣ ва лавозимоти тиббии мусодирагардида тавассути сохторҳои тандурустии шаҳри Душанбе ба беморхонаҳои пойтахт тақсим шудааст.
Раёсати ВКД дар шаҳри Душанбе ҳушдор медиҳад, ки бо мақсади ошкор намудани чунин ҳолатҳо амалиёти шартии “Дорухона” дар пойтахти мамлакат идома ёфта, нафароне, ки бо истифода аз вазъияти баамаломада даст ба чунин кирдори номатлуб мезананд, дастгир ва ба ҷавобгарӣ кашида мешаванд.

Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 08.05.2020    №: 89    Мутолиа карданд: 222
26.01.2021


 ПАЁМИ ПРЕЗИДЕНТИ ҶУМҲУРИИ ТОҶИКИСТОН БА МАҶЛИСИ ОЛИИ ҶУМҲУРИИ ТОҶИКИСТОН

 ҶАЛАСАИ ШӮРОИ НОЗИРОН ОИД БА МАСЪАЛАҲОИ МИНТАҚАҲОИ ОЗОДИ ИҚТИСОДӢ БАРГУЗОР ГАРДИД

 ВОХӮРӢ БО САФИРИ АРАБИСТОНИ САУДӢ

 «ТОҶИКОН» БА НОҲИЯИ ЛАХШ РАСИД

 НАШРИ КИТОБНОМАИ ШАРҲИҲОЛИИ БОҚӢ РАҲИМЗОДА

 «ҒУНЧАҲОИ ХАТЛОН»

 МУРОҶИАТИ ШАҲРВАНДОН. БЕЭЪТИНОӢ НИСБАТ БА ОН БОИСИ ҶАВОБГАРӢ ШУД

 СОХТАКОРӢ. БОЗДОШТИ НАФАРОНЕ, КИ ҲУҶҶАТҲОИ ҚАЛБАКӢ МЕСОХТАНД

 ТАМАЪҶӮӢ ЗАНИ 32 – СОЛАРО БА КУРСИИ АЙБДОРӢ ШИНОНД

22.01.2021


ҶАЛАСАИ XVII ВАЗИРОНИ КОРҲОИ ХОРИҶИИ КИШВАРҲОИ УЗВИ МУКОЛАМАИ ҲАМКОРИҲОИ ОСИЁ

21.01.2021


ДАР КӮЛОБ КОРХОНАИ ИСТЕҲСОЛӢ БА ИСТИФОДА ДОДА ШУД

ҶАЛАСАИ ҶАМЪБАСТИИ НАТИҶАҲОИ РУШДИ ИҶТИМОИЮ ИҚТИСОДИИ ВИЛОЯТИ ХАТЛОН

ВАҚТИ ПАЙВАНДИ ИЛМ БО АМАЛ АСТ

НАВИДҲОИ ФАРҲАНГ

ФИФА. ТОҶИКИСТОНРО 14 ДОВАР МУАРРИФӢ МЕКУНАД

НАХУСТИН ФИЛМИ ТОҶИКИЮ БРИТАНӢ АЗ РӮИ ФИЛМНОМАИ АНИСА СОБИРӢ НАВОРБАРДОРӢ МЕШАВАД

ҶАҲОН ДАР ЯК САТР

ДАР РОССИЯ АЗ КОРОНАВИРУС ЗИЁДА АЗ 3 МИЛЛИОН БЕМОР ШИФО ЁФТ

ҶАҲОН ДАР ЯК САТР

ДУ БОЗИИ РАФИҚОНАИ МУНТАХАБИ ТОҶИКИСТОН

КОМЁБИИ ДАСТПАРВАРОНИ МТМУ № 45

РУЙДОДҲОИ ИЛМӢ

19.01.2021


СҶТ-РО ДАСТРАСИИ НОБАРОБАРИ ДАВЛАТҲО БА ВАКСИНА САХТ НИГАРОН НАМУДААСТ

ҶАҲОН ДАР ЯК САТР

ХАТЛОН. СОДИРОТИ БАРЗИЁДИ МАҲСУЛОТИ КИШОВАРЗӢ

“САФЕДДАРА”. ЯТИМОНИ КУЛЛИ ВИЛОЯТИ ХАТЛОН АЗ БЕҲТАРИН МАВЗЕИ САЙЁҲӢ ДИДАН КАРДАНД

ТАҚДИМИ КИТОБИ «ТОҶИКОН» БА СОКИНОНИ НОҲИЯИ ИШКОШИМ

ҲИСОР. ХИЗМАТРАСОНИИ ТИББӢ РӮ БА БЕҲБУДӢ ДОРАД

15.01.2021


ҶАМЪБАСТИ ОЗМУНИ “ОМӮЗГОРИ СОЛИ ТОҶИКИСТОН – 2020”

ҶАЛАСАИ СИТОДИ КОРӢ ОИД БА ТАҶЛИЛИ 30-СОЛАГИИ ИСТИҚЛОЛИЯТИ ДАВЛАТӢ БАРГУЗОР ШУД

МАОРИФ. НАТИҶАГИРӢ АЗ ФАЪОЛИЯТИ ВАЗОРАТ

НАВИДҲОИ ФАРҲАНГ

ТОҶИКИСТОН. БОЗ ЯК ШИРКАТ БА БОЗОРИ САЙЁҲӢ ВОРИД ГАРДИД

РӮЙДОДҲОИ ИЛМӢ

12.01.2021


 ҶДММ «ММК АГРО» МАЙДОНИ ГАРМХОНАИ ИННОВАТСИОНИРО МЕАФЗОЯД


Дар сомонаҳои дигари Тоҷикистон хонед