logo

ҳуқуқ

ИНСОФ. ҚИМАТФУРӮШОНИ ДОРУ БА ҶАВОБГАРӢ КАШИДА ШУДАНД

Мақомоти прокуратура ва раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар шаҳри Душанбе зимни як санҷиши муштарак ҳолатҳои ғайриқонунӣ ба муомилот баровардани маводи дорувории пастсифат, қалбакӣ ва ба таври сунъӣ баланд бардоштани нархро дар дорухонаҳои пойтахт ошкор ва дастандаркорони ин амали носавобро ба ҷавобгарӣ кашиданд.
Маркази матбуоти Прокуратураи генералӣ бо пешниҳоди чанд мисоли рӯшан дар ин бора хабар дод. Манбаъ бо такя ба натиҷаҳои санҷиш изҳор медорад, ки як қатор соҳибкорон ва шаҳрвандони алоҳида, бо истифода аз хуруҷи пандемияи бавуқӯомада (COVID-19), даст ба фиреби истеъмолкунандагон зада, доруҳои зиддивирусиро бо қимати баланд ба фурӯш гузоштанд. Чунончи, зимни хариди санҷишӣ дар дорухонаи № 29 - и ҶДММ «Шифои Сино», воқеъ дар кӯчаи Ҳилолӣ 17-и пойтахти мамлакат  маълум шудааст, ки шаҳрванд Исмоил Таҷалов бидуни маълумоти махсуси фармасевтӣ ба фурӯши маводи доруворӣ машғул шуда, доруи зиддивирусии «Арбидол» - ро ба ҷойи 45 – 57  сомонии муқарраршуда, ба харидори шартӣ бо нархи 250 сомонӣ фурӯхтааст. Дар ҳамин ҳол, аз дорухонаи мазкур 4 номгӯи маводи дорувории муҳлати истеъмолашон гузашта дарёфт ва аз муомилот гирифта шуд.
Намояндагони мақомоти номбурда, дар идомаи санҷиш боз як доруфурӯши ғайрикасбии дигарро ошкор намуданд, ки дар дохили мошини худ ба савдои дору машғул буд. Тавре таъкид мешавад, шаҳрванд Абдурофеъ Саидов бе доштани маълумоти махсуси фармасевтӣ ба чунин кор даст зада, 100 адад ниқоби тиббии махсус, 50 адад дорувории «Левофлаксатсин», 5 адад доруи «Арбидол», 5 адад доруи «Азитромитсин», 5 адад доруи «Эргоферон» - ро берун аз дорухонааш, яъне дар дохили нақлиёти шахсӣ бо нархи баланд ба фурӯш гузоштааст. Зимнан, санҷишгарон аз дорухонаи мансуб ба ин шаҳрванд 15 номгӯи доруеро ошкор карданд, ки бе сертификат ва ҳуҷҷати расмии воридотӣ ба савдо гузошта шудааст.
Чунин амалро Гулғунча Ёқубова низ ба худ раво дида, ҳуқуқи истеъмолкунандагонро поймол кардааст. Кормандони мақомоти ҳифзи ҳуқуқ аз дохили нақлиёти шахсии ӯ маводи гуногуни тиббӣ, аз қабили дастпӯшак, либоси махсуси тиббӣ, айнакҳои муҳофизатӣ дарёфт намуданд, ки бидуни ҳуҷҷатҳои расмӣ ва иҷозати Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо нархи бамаротиб гарон ба фурӯш гузоштааст.
Сарчашма зикр менамояд, ки шахсони номбурда ба ҷавобгарии маъмурӣ кашида шуда, маводи тиббиву дорувории аз онҳо мусодирашуда дар  ихтиёри раёсати тандурустии шаҳри Душанбе гузошта шуд.
Ин дар ҳолест, ки чанде қабл мақомоти милитсияи пойтахт низ дар доираи амалиёти шартӣ таҳти унвони «Дорухона» чанд ҳолати ба таври сунъӣ боло бурдани арзиши маводи доруворӣ ва дигар лавозимоти тиббиро ошкор ва муҷримони онро ба ҷавобгарии ҷиноятӣ кашиданд. Зимнан, раёсати Вазорати корҳои дохилӣ дар шаҳри Душанбе ҳушдор дода буд, ки амалиёт дар ҳудуди пойтахтро идома дода, чунин амалҳои ғайриқонуниро бе посух намегузорад.

Ф. ҶУМЪАЕВ,  «Ҷумҳурият»   


Баёни ақида (0)    Санаи нашр: 15.05.2020    №: 93    Мутолиа карданд: 127
02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД


Дар сомонаҳои дигари Тоҷикистон хонед