logo

маориф

МАОРИФ. АНДЕШАҲОЕ, КИ БОЯД ГУФТ

«Мусаллам аст, ки бе мавҷудияти озмоишгоҳҳои муҷаҳҳазу замонавӣ, пояи устувори моддиву техникӣ ва кадрӣ пешрафти илмҳои техникиву табиӣ ва хусусан илмҳои таҷрибавӣ (экспременталӣ) ғайриимкон аст».

Ин нуктаро Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар вохӯрӣ бо зиёиёни кишвар иброз дошта, таъкид карданд, ки ҳоло маҳз бо ҳамин сабаб, тақрибан, тамоми муассисаҳои таҳсилоти миёнаи умумиву олӣ, илмиву таҳқиқотӣ ва озмоишгоҳҳои соҳаи тандурустии кишвар наметавонанд таҳқиқоти самаранок ва ташхиси дақиқу саривақтиро ба анҷом расонанд.
Ба андешаи мутахассисон, ин гуфтаҳои Пешвои миллат бисёр масоили дигари ҳалталаби соҳаро пешорӯи мо мекушояд. Тавре Ҳайдар Одиназода, ректори Донишгоҳи техникии Тоҷикистон ба номи академик М. С. Осимӣ, зимни суҳбат иброз дошт, изҳори нигаронии Сарвари давлат аз таваҷҷуҳи ками ҷавонон ба фанҳои риёзию табиӣ, илмҳои техникӣ, коҳиши татбиқи илм дар истеҳсолот бисёр саривақтист. Зеро шурӯъ аз муассисаи таълимии умумӣ то донишгоҳу донишкадаҳои соҳавӣ корҳои озмоишӣ (лабораторӣ) аксар вақт «дар варақ» мегузаранд. “Дар ҳоле ки гузарондани корҳои озмоишӣ аз фанҳои физикаву химия бояд бахши амалии дарсҳоро ташкил диҳад, шифоҳӣ сурат мегирад, ки дар натиҷа хонанда аз хосияти моддаҳо, ҷисмҳо ва реаксияву алоқамандии онҳо бехабар мемонад”, - мегӯяд мавсуф.
Бояд гуфт, ки заминаи муҳими ба рушди тафаккури техникӣ расидан муҷаҳҳаз гардондани базаи моддӣ - техникии муассисаҳои таълимии оливу касбӣ ва миёна мебошад. Аммо, мутаассифона, на танҳо дар муассисаҳои таълимии умумӣ, балки дар бештари литсейу коллеҷҳои касбӣ ва ҳатто донишгоҳҳо лабораторияҳои вижаи фаннӣ вуҷуд надоранд, ки боиси нигаронист. Хушбахтона, дар Донишгоҳи техникӣ чун муҳимтарин муассисаи олӣ дар тайёр намудани мутахассисони соҳа,   ин мушкилот ҷой надорад ва базаи моддӣ - техникии муассиса иқтидори хуб дорад. Донишгоҳ бо истифода аз имкониятҳои парки технологӣ на танҳо худ, инчунин, муассисаҳои дигари таълимиро низ бо таҷҳизоти лабораторӣ таъмин карда метавонад. Чунончи, парки технологии донишгоҳ дар навбати аввал чор озмоишгоҳро аз фанни физика муҷаҳҳаз гардонда, инчунин, тавонист донишгоҳу донишкадаҳои ҷумҳурӣ, аз ҷумла филиали Донишгоҳи давлатии Москва ба номи М. В. Ломоносов дар шаҳри Душанбе, ДДК ба номи Абуабдуллоҳи Рӯдакӣ, Донишгоҳи технологии Тоҷикистон, Донишкадаи омӯзгории Тоҷикистон дар ноҳияи Рашт, ДДБ ба номи Носири Хусрав, коллеҷи техникӣ ва ДДОТ ба номи Садриддин Айниро бо таҷҳизот таъмин намояд.
- Асбоби лабораторие, ки олимони мо месозанд, аз ҳисоби дақиқияти ченкунӣ, мустаҳкамӣ ва тобоварӣ аз дастгоҳҳои лаборатории кишварҳои хориҷӣ камӣ надоранд. Нархашон ҳам ба маротиб арзон буда, дар ҳолати зиёд шудани фармоиш ҳаҷми истеҳсолро афзуда, саҳми худро дар тавлиди маҳсулоти ивазкунандаи воридот мегузорад, - изҳор дошт Ҳайдар Одиназода.
Ҳамин тариқ, тавре мутахассисон иброз доштанд, ҳалли мушкилоти соҳа ба такмили методика ва барномаҳои таълимӣ низ вобастагии зич дорад. Муаллим танҳо бо навиштани формула, алгоритм ва ё бо гуфтани таҷзия ва ҳосили моддаҳо қонеъ нагардад, балки мавқеи истифодашавии онҳоро бо гузарондани корҳои амалӣ ва озмоишӣ нишон диҳад. Гузашта аз ин, оғоз кардани омӯзиши компютер аз синфи чорум, бештар кардани соати фанҳои дақиқ дар барномаҳои таълимиро ба мақсад мувофиқ шумурда, куллан таҷдиди назар кардани барномаи таълимиро дар донишгоҳҳое, ки самти фаъолияташон бо илмҳои табиӣ рабт дорад, амри ногузир медонанд. Зеро дар китобҳои фанҳои табииву риёзӣ гоҳо масъала ва мисолҳое вомехӯранд, ки дарки он ба хонандаи ҳамон синну сол ниҳоят мушкил аст. Душвории масъалаҳо ва номафҳумии баъзе мисолҳо хонандаро аз фанҳои риёзӣ, химия, физика, геометрия дилсард мекунад.

Бузургмеҳри БАҲОДУР,
«Ҷумҳурият»


Баёни ақида (0)    Санаи нашр: 18.05.2020    №: 94    Мутолиа карданд: 45
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед