logo

туризм

ЛАХШ МАКОНИ САЁҲАТИ КӮҲНАВАРДӢ, ШИКОР, ЛИЖА ВА ВЕЛОСИПЕДРОНИСТ

Дар доираи эълон гардидани Солҳои рушди деҳот, сайёҳӣ ва ҳунарҳои мардумӣ (солҳои 2019 – 2021) барои таъмини рушди сайёҳӣ мақомоти иҷроияи маҳаллии ҳокимияти давлатии ноҳияи Лахш тадбирҳои муҳим андешидааст. Бояд зикр намуд, ки барои рушди соҳаи сайёҳӣ, махсусан туризми экологӣ ва кӯҳию варзишӣ, табиати ноҳия хеле мусоид мебошад. Иқлими хуб, боду ҳавои форам, манзараҳои зебою дилкаш имконият медиҳанд, ки соҳаи сайёҳӣ тараққӣ намояд.
Лахш яке аз ноҳияҳои назаррабои кишвар буда, дар баландии зиёда аз 1700 метр аз сатҳи баҳр қарор дорад ва беш аз 95 дарсади ҳудуди онро қаторкӯҳҳо ташкил медиҳанд.
Тибқи иттилои роҳбари дастгоҳи раиси ноҳияи Лахш Хуршед Икромов, бо мақсади таъмини иҷрои Амри Президенти Ҷумҳурии Тоҷикистон, аз 6 марти соли 2019, № АП – 1176 «Дар бораи нақша – чорабиниҳо бахшида ба «Солҳои рушди деҳот, сайёҳӣ ва ҳунарҳои мардумӣ» бо қарори раиси ноҳия нақша – чорабиниҳо қабул гардид, ки баҳри таъмини рушди соҳаи сайёҳӣ мусоидат менамояд.
Пеш аз ҳама, ҷиҳати муйян намудани имкониятҳои мавҷуда барои ташкил ва рушди сайёҳӣ таҳия намудани маводи иттилоотию сайёҳии ноҳия, тарғиби васеи манзараҳои зебо корҳои муайяне ба анҷом расиданд.
Дар бораи минтақаҳо, шароиту имкониятҳо ва мавзеъҳои сайёҳӣ аз тарафи масъулони мақомоти иҷроияи маҳаллии ҳокимияти давлатӣ маълумотномаи махсус таҳия гардида, дар сомонаи расмии ноҳия сабт гашт.
Дар рӯзномаи «Ҷумҳурият» маълумотҳо дар бораи мавзеъҳои сайёҳии ноҳия нашр гардиданд. Ҳафтаномаи «Паёми Ҷиргатол» китоби махсус бо номи «Лахши неъматбахш» ба чоп расонд, ки дар он дар бораи мавзеъҳои сайёҳию таърихии ноҳия маълумот оварда шудаанд. Маълумоти иттилоотӣ дар бораи осоишгоҳи «Тандиқул», ки дар масофаи 26 километр дуртар аз маркази ноҳия, дар яке аз дарраҳои зебо ҷойгир аст ва бо оби гарми шифобахшаш машҳур аст, дар сомонаи электронии алоҳида ҷойгир мебошад.
Оби он барои бемориҳои ҷигар, пӯст, асаб, тарбод давобахш мебошад. Оби чашма аз таги замин фаввора зада мебарояд ва 95 дараҷа гармӣ дорад. Ҳамагӣ 2 метр дуртар аз он чашмаи оби хунук ҷорӣ аст, ки ба ҳар шахс ҳаловати тоза мебахшад. Мавзеи Тандиқул зебову дилфиреб ва афсонавӣ буда, диққати садҳо сайёҳони хориҷиву дохилиро ба худ ҷалб менамояд. Бо ҷалби соҳибкорон 7 меҳмонхона ва 5 ошхона сохта шуд. Дар мағозаҳо гӯшаҳои намоиш ва фурӯши маҳсулоти ҳунари дастиии мардум ташкил гардид, ки меҳмонони дохилию хориҷӣ аз дастранҷи ҳунармандон баҳра мебардоранд.
Дар самти дастгирии соҳибкории сайёҳӣ дар ноҳия 2 ширкати сайёҳӣ таъсис ёфт. Аз ҷумла, ширкати сайёҳии «Алтин – мазор» ба шикор, ширкати сайёҳии «Арча – сайр» ба шикору лижаронӣ ва дучархаронӣ сайёҳонро ҷалб менамоянд.
Дар деҳаҳои Қалъаи Занкон ва Ҷаилған ошхонаҳои замонавӣ ва меҳмонхонаву бунгоҳҳои тиббии сарироҳии ҷавобгӯ ба талабот дар хизмати сайёҳону меҳмононанд.
Дар хатсайрҳои сайёҳӣ 1 банкомати маблағдиҳанда, 9 банкомати пардохти ҳаққи хизмати алоқаи мобилӣ, 4 маркази хизматрасонии автомобилии сарироҳӣ фаъолият доранд, ки сайёҳон метавонанд аз онҳо истифода баранд.
Бо мақсади шинос шудан бо мавзеъҳои сайёҳии ноҳия тӯли солҳои охир аз давлатҳои Россия, Украина, Чехия, Эрон, Булғористон, Франсия, Олмон, Туркия ва дигар кишварҳо беш аз 2000 сайёҳу кӯҳнавард ташриф овардааст.
Дар наздикии қуллаи Исмоили Сомонӣ (баландиаш 7495 метр) майдончаи «Москвина» мавҷуд аст, ки макони асосии кӯхнавардон буда, барои будубош ва истироҳати онҳо хеле мувофиқ мебошад. Сайёҳоне, ки дар мавсими асосии сайру гашт, яъне моҳҳои июл ва август ба ноҳияи Лахш меоянд, асосан кӯҳнавардонанд ва онҳо барои фатҳ намудани қуллаҳои Исмомили Сомонӣ, Корженвская ва тамошо кардани пиряхи Федченко ва дигар манзараҳо ташриф меоранд.
Дар  ҳудуди  ноҳия  ёдгориҳои таърихӣ (петроглиф) - ҳо мавҷуданд. Яке аз онҳо дар деҳаи Ачиқолмаи Ҷамоати деҳоти Алға ҷойгир мебошад ва он Ғори Сиёҳ ном дорад. Таърихшиносон муайян кардаанд, ки ин ғор ба давраи то милод мансуб буда, одамони қадим дар ин мавзеъ умр ба сар бурдаанд. Дар сангу шухҳои ин ҷо акси одамони қадим, ҳайвонот ва дигар расмҳои диданиву тамошобоб нақш бастаанд. Чунин навиштаҷоту аксҳо дар наздикии деҳаи Шилбилии Ҷамоати деҳоти Сурхоб ва дар мавзеи Тандиқули Ҷамоати деҳоти Янгишаҳр низ ҳастанд. Мавзеъҳои мазкур шаҳодат аз он медиҳанд, ки ноҳияи Лахш дорои таърихи бою ғанӣ мебошад. Ёдгориҳои таърихиву мавзеъҳои зебо, кӯҳҳои сарбаланду чашмаҳои мусаффо ва дашту дамани фаррох диққати ҳар бинандаро ба худ ҷалб месозанд.

Дилшод АМИРОВ, «Ҷумҳурият»


Баёни ақида (0)    Санаи нашр: 19.05.2020    №: 95    Мутолиа карданд: 322
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед