logo

Хабарҳо

МАСТЧОҲ СИМОИ ИДОНА МЕГИРАД

Имрӯзҳо дар ноҳияи Мастчоҳ корҳои  созандагиву ободонӣ вусъат ёфта,  хурду калони он бо рӯҳияи баланди ватандорӣ дар сабзу хуррамгардонии кӯчаю роҳравҳо, шинондани ниҳоли дарахтон, гулу буттаҳо, рангубори биноҳои шаҳраки Бӯстон ва деҳот саҳм мегузоранд.
Имсол баргузории Ҷашни Ваҳдати миллӣ дар ин ноҳия дар назар аст. Сокинони меҳнатқарини  он мехоҳанд, ки  диёри худро то фарорасии иди дарпешистода зиёдтар ободу бо ҳусни идона ороста намоянд.
 - Чунин корҳои ободонию созандагӣ на танҳо  дар шаҳраки Бӯстон, балки дар 7 ҷамоати деҳоти ноҳия низ ба роҳ монда шудаанд. Сохтмони силсилаиншооти таъйиноти гуногун, аз ҷумла  марказҳои хизматрасонию савдо, бунгоҳҳои тиббӣ, қаҳвахона, кӯдакистонҳо,  идома дорад. Дар рӯзҳои тантанаи Иди Ваҳдати миллӣ мавриди баҳрабардорӣ қарор гирифтани маҷмааи варзишию фарҳангӣ  иборат аз варзишгоҳ  барои 10 ҳазор ҷои нишаст, қасри варзиши “Паҳлавонони Суғд” бо 400 ҷойи нишаст, боғи фарҳангию фароғатии ба номи устод Абуабдуллоҳи Рӯдакӣ бо масоҳати 3 гектар, қасри фарҳанг бо 1000 ҷойи нишаст,  бунёди иншооти Парчами давлатии Тоҷикистон ва майдони он дар  маркази ноҳия ба нақша гирифта шудааст. Кормандони муассисаю ташкилотҳо ва сокинон рӯзҳои истироҳат бо риояи талаботи санитарию эпидемиологӣ ба ҳашар баромада, дар маркази ноҳия ба сабзкорӣ, шинондани гулу буттаҳои рангоранг, тоза кардани  роҳраву гулгаштҳо машғул мешаванд, - гуфт  Тоҳирҷон Азиззода, раиси ноҳия.
Барои истиқболи сазовори Ҷашни Ваҳдати миллӣ танҳо дар шаҳраки Бӯстон бо маблағгузории Ҳукумати ҷумҳурӣ ва соҳибкорони маҳаллӣ нахустин кӯдакистони инноватсионӣ бо тамоми шароити таълиму тарбия ва ҷавобгӯ ба меъёрҳои байналмилалӣ, биноҳои нави бахшҳои адлия, ҲХДТ, маориф, хобгоҳи коллеҷи омӯзгорӣ, дар маҷмӯъ, 15 иншоот бунёду навсозӣ мешавад.
Аҳли ноҳия бо шукргузорӣ аз ин фазои орому ваҳдати устувор  талош доранд, ки  дар пайи иҷрои дастурҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба натиҷаҳои аз ин ҳам баландтар ноил гарданд.

Ҷовиди АШТӢ, “Ҷумҳурият”


Баёни ақида (0)    Санаи нашр:    №:    Мутолиа карданд: 1561
12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД

02.04.2021


ХИЗМАТИ ҲАРБӢ. ВМКБ ВА 5 НОҲИЯИ ХАТЛОН НАҚШАРО ИҶРО КАРДАНД

МУЛОҚОТИ РУСТАМИ ЭМОМАЛӢ БО ПАК БЁН СОК

ҶОНИБДОРИИ ВАНХЁРК АЗ МУКОЛАМАИ ВАШИНГТОН БО МОСКВА

ҶАҲОН ДАР ЯК САТР

01.04.2021


ЛИГАИ ОЛӢ. Бори аввал легионерҳои нидерландӣ ва ҷопонӣ ҳунарнамоӣ мекунанд


Дар сомонаҳои дигари Тоҷикистон хонед