logo

иқтисод

ШАҲРИ ИСТИҚЛОЛ. САНОАТ РӮ БА ПЕШРАФТ ДОРАД

Истиқлол аз шаҳрҳои саноатиии мамлакат аст, ки иқтисодиёташро танҳо аз ҳисоби фаъолияти корхонаҳои соҳа пеш мебарад. Аз ин рӯ, фаъолияти корхонаҳои саноатии амалкунанда бо иқтидори пурраи лоиҳавӣ ва ба ин васила  расидан ба нишондиҳандаҳои баландтари  рушд  ҳадафи асосии мақомоти иҷроияи ҳокимияти давлатии шаҳр маҳсуб меёбад.

Сохторҳои марбутаи он ҷиҳати татбиқи дастуру   супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи амалӣ гардондани ҳадафи чоруми миллӣ – саноатикунонии босуръат ва барои  боз ҳам тақвият бахшидани рушди саноати шаҳр тадбирҳои зиёди натиҷабахш роҳандозӣ карда, новобаста аз вазъи баамаломада ба дастовардҳои назаррас ноил шуда истодаанд.
 Ҳамин аст, ки нишондиҳандаҳои соҳа тӯли семоҳаи  аввали соли 2020 сарфи назар аз омилҳои таъсиркунанда, нисбат ба ҳамин давраи соли 2019 афзудаанд. Дар ин муддат  ҳаҷми маҳсулоти саноатии шаҳр  бо нархҳои муқоисавӣ ба зиёда аз 6 миллиону 912, 6 ҳазор сомонӣ расида, суръати рушд 133,4  дарсадро ташкил дод. Ҳаҷми истеҳсоли маҳсулот ҳамагӣ дар  4 корхонаи саноатӣ -  КВД “Нури Ховар”, ҶДММ “Нуқрафом”,  ҶДММ “Кафолат Азия” ва ҶСК “Табошар мрамор”  ба  3 миллиону 525 ҳазор сомонӣ баробар шуд, ки дар муқоиса ба ҳамин давраи  соли пешӣ  38,1 дарсад афзудааст.
Дар таркиби  маҳсулоти  саноатии шаҳр маводи резинавӣ-техникӣ,  оҳании КВД  “Нури Ховар” ва  коркарди консентрати нуқраи ҶДММ “Нуқрафом” нақши асосӣ доранд. Баланд бардоштани  иқтидори истеҳсолии корхонаҳои дигари шаҳр низ мавриди таваҷҷуҳи роҳбарияти шаҳр қарор дорад. Ҳоло соҳибкорони маҳаллӣ  вобаста ба тақозои  бозор,   аз ҷумла ба  истеҳсоли маҳсулоти  нонӣ,  ширу гӯштӣ,  филизӣ, мебелҳои гуногун,  либосҳои мактабӣ ва маводи полимерӣ, рӯ овардаанд.
Зери таваҷҷуҳи Ҳукумати кишвар имрӯзҳо барои бо суръати баланд роҳандозӣ намудани  калонтарин комбинати металлургӣ дорои  иқтидори коркарди солонаи 50 ҳазор тонна сурб ва 50 ҳазор тонна руҳ корҳои зиёд ба роҳ монда шудаанд. Дар ин корхона  бо ҷойи кори доимӣ ва  музди маоши хуб таъмин намудани беш аз 500  сокини маҳаллӣ пешбинӣ шудааст.  Дар назар аст, ки корхонаи азим  имсол  ба фаъолияти муътадил ба кор медарояд.
Ба ғайр аз ин,  дар минтақаи саноатии шаҳр, дар масоҳати қариб  70 гектар бунёди  панҷ корхонаи муҳими саноатӣ, аз ҷумла дар самти тавлиди  маҳсулоти сохтмониву кимиёӣ, бо таъсиси зиёда аз 1000 ҷои кор дар назар аст. Амалишавии  нақшаҳои тарҳрезишуда имкон медиҳад,  ки  баробари  саноат, бахшҳои дигари   ҷомеа, пеш аз ҳама, вазъи  иҷтимоӣ, фарҳангу хизматрасониҳо беҳбудӣ ёфта, иқтисодиёт пеш меравад, шаҳр боз ҳам ободу зебо мегардад, ки ин ҳама зиндагии шоистаи мардумро бозгӯ менамоянд.

Ташрифулло САЪДУЛЛОЕВ,  “Ҷумҳурият”


Баёни ақида (0)    Санаи нашр: 22.05.2020    №: 97    Мутолиа карданд: 56
22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ

ИҚДОМИ ЯК ДОНИШКАДА

ХУҶАНД. ВЕБ-СЕМИНАР ОИД БА ТАШХИС ВА ТАБОБАТИ COVID – 19

САНОАТ. ҲАҶМИ ИСТЕҲСОЛ 15,3 ДАРСАД ЗИЁД ШУД

СУҒД.РОҲАНДОЗИИ ТАЪТИЛИ САМАРАНОК

ПАЙРАВӢ АЗ ИҚДОМИ ПЕШВОИ МИЛЛАТ

РАФАЭЛ НАДАЛ БЕҲТАРИН ВАРЗИШГАР ДАР ТАЪРИХИ ИСПАНИЯ

МАСТЧОҲ СИМОИ ИДОНА МЕГИРАД

18.05.2020


СУҒД. МУБОРИЗА АЛАЙҲИ БЕМОРИҲОИ СИРОЯТӢ ПУРЗӮР МЕГАРДАД

НУРОБОД ҲУСНИ НАВ МЕГИРАД

ФУТБОЛ. ЧЕМПИОНАТИ БЕЛГИЯ НИЗ ПЕШ АЗ МУҲЛАТ АНҶОМ ЁФТ

ТОҶИКИСТОНУ БЕЛАРУС ДАР МУБОРИЗА БО КОРОНАВИРУС ҲАМКОРӢ МЕКУНАНД

ҶАҲОН ДАР ЯК САТР

15.05.2020


МАШВАРАТИ КОРИИ МУОВИНИ САРВАЗИРИ МАМЛАКАТ ДАР ШАҲРИ БӮСТОН

ТОҶИКИСТОН. БОЗ 403 МУБТАЛОИ КОРОНАВИРУС ШИФО ЁФТ

ДАР ИСФАРА МАКТАБИ БАЙНАЛМИЛАЛИИ «ОРИОН» БУНЁД МЕШАВАД

КӮДАКОН. КОРОНАВИРУС ҚУДРАТИ "ЗАБТ" - И ОРГАНИЗМИ ОНҲОРО НАДОРАД

ДАРВОЗ. САҲМИ ЗАНОН ДАР РУШДИ НОҲИЯ БЕШТАР МЕГАРДАД

БОЗОРИ ТРАНСФЕРӢ. АРЗИШИ ФУТБОЛБОЗОНИ ДАСТАҲОИ ЛИГАИ ОЛӢ

ПЕШНИҲОДИ ВОХӮРИИ НАМОЯНДАҲОИ ИДМ ВА СҶТ БАРОИ МУБОДИЛАИ ТАҶРИБАИ МУБОРИЗА БО COVID – 19

ҶАҲОН ДАР ЯК САТР

ХАТЛОН. САҲМИ РАЁСАТИ КҲФ ДАР ПЕШГИРИИ COVID-19

14.05.2020


КИТОБХОНАИ МИЛЛӢ. ТАЪСИСИ МАХЗАНИ ЭЛЕКТРОНӢ


Дар сомонаҳои дигари Тоҷикистон хонед