logo

иҷтимоиёт

ДИРӮЗ ВА ИМРӮЗ. АЗ НАВБАТИ НОН ТО РОҲАТИ ҶОН

- Соли 1993 ҷанги шаҳрвандӣ идома дошту ман ҳамагӣ 25 сол доштам ва дар қатори дигар ҳамсоязанон бо либоси фарсуда сару рӯямро бо рӯймол печонда дар навбати нон меистодам. Яке мегирист, дигаре кӯдак дар даст зери лаб худ ба худ чизе мегуфту сеюмӣ барои навбаташро касе нагирифтан кӯшиш мекард. Дигарон маъюсу ғамгин ба ҳамдигар менигаристанд. 
Ин порае аз хотироти Саидабону Нусратуллоева, сокини ноҳияи Рашт, аст, ки аз даврони ҷанги таҳмилии шаҳрвандӣ дар хотираш нақш бастааст. Вақте ӯ аз ин солҳо ёдовар шуд, оби чашмаш бе ихтиёр ҷорӣ гардид ва суханонашро давом дод: “Он солҳо, ки мардум пойи лучу сари бараҳна ва бо шиками гурусна аз ҷанг гурезон буданд, ин байти Ашӯр Сафар вирди забонашон буд:
Як бори дигар ханда ба лаб мешуда бошад,
Дар кӯчаи мо базму тараб мешуда бошад.
Имрӯзҳо, ки мебинам дар тамоми хонаҳо, бозору мағозаҳо на танҳо нон, балки тамоми маводи озуқавориро ба осонӣ дастрас карда метавонем, шукрона мегӯям, ки саломат ба ин давра расидем”.
- Ҳоло ба дилхоҳ ҷо озоду оромона сафар карда, ободиву шукуфоии  Тоҷикистони азизамонро дида, шод мегардем ва шукри сулҳу субот ва озодию оромии кишвар мекунем, - гуфт Саидабону.
Воқеан, ҷанги таҳмилии шаҳрвандӣ, на танҳо нооромию  низоъҳои мусаллаҳона, қатлу куштори бераҳмона, балки хавфи аз байн рафтани Тоҷикистони тозаистиқлолро низ ба миён оварда буд. Маъюсию ноумедӣ ҳамаи қишрҳои ҷомеаро фарогир шуд. Бисёриҳо ба ояндаи нек умед надоштанд. Зеро гурӯҳҳои силоҳбадаст дар минтақаҳои даргир ба қатлу куштори мардуми бегуноҳ даст зада, ҳар чи дар бисоташон буд, бо худ мебурданд. Ҳизбу ҳаракатҳои террористию экстремистӣ ва гурӯҳҳои ҷудоихоҳ барои ноил гардидан ба ҳадафҳои хеш ба тафаккури мардуми сода ва аз надоштани дониши кофии динии онҳо ба манфиати худ истифода мебурданд. 
Арзишмандтарин дастоварди мо дар таърихи давлатдории навин ин аст, ки таҳти роҳбарии хирадмандонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон сулҳу ваҳдати комилро ба даст оварда дар фазои беғубори он зиндагии нишотбахш дорем. Аммо қисмати талху сангини миллат дар солҳои навадуми асри гузашта ҳанӯз хотираҳои мардумро тарк накардааст.  Аз хотимаи ҷанги шаҳрвандӣ қариб чоряк аср гузашт. Касе, ки монанди  Саидабону Нусратуллоева шоҳиди воқеии он рӯзҳо буд, медонад, ки ҷанги бародаркуш чӣ бадбахтӣ ва хисороту нокомиҳо дошт.
Бигзор он рӯзҳои мудҳишу воқеаҳои даҳшатнок дар хотираи таърих бимонанд ва сулҳу ваҳдати мо ҷовидонӣ бошанд.
 
Сафаргул АЛИМОВА, «Ҷумҳурият»
 


Баёни ақида (0)    Санаи нашр: 26.06.2020    №: 118    Мутолиа карданд: 321
12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД

02.04.2021


ХИЗМАТИ ҲАРБӢ. ВМКБ ВА 5 НОҲИЯИ ХАТЛОН НАҚШАРО ИҶРО КАРДАНД

МУЛОҚОТИ РУСТАМИ ЭМОМАЛӢ БО ПАК БЁН СОК

ҶОНИБДОРИИ ВАНХЁРК АЗ МУКОЛАМАИ ВАШИНГТОН БО МОСКВА

ҶАҲОН ДАР ЯК САТР

01.04.2021


ЛИГАИ ОЛӢ. Бори аввал легионерҳои нидерландӣ ва ҷопонӣ ҳунарнамоӣ мекунанд


Дар сомонаҳои дигари Тоҷикистон хонед