logo

иқтисод

СУҒД. НАТИҶАГИРӢ АЗ ФАЪОЛИЯТИ НИМСОЛА

Дар маҷлиси фаъолони вилояти Суғд натиҷаҳои рушди иҷтимоию иқтисодии вилоят дар нимсолаи якуми соли равон мавриди баррасӣ ва таҳлил қарор гирифтанд.
Анвар Яъқубӣ, муовини раиси вилоят, оид ба натиҷаҳои рушди иҷтимоию иқтисодӣ дар нимсолаи якуми соли 2020 гузориш дода, таъкид кард, ки дар ин давра ҷиҳати бартарафсозии асари манфии омилҳои беруна, бахусус пайомадҳои бемории коронавируси COVID-19, ба таври мунтазам ба роҳ мондани таъминоти аҳолии вилоят бо молҳои ниёзи аввал, пешгирии ба таври сунъӣ болоравии нархҳо, баланд бардоштани самаранокии фаъолияти корхонаҳои соҳаи савдою хизматрасонӣ, таъсиси корхонаю коргоҳҳои саноатии нави истеҳсолӣ, баҳрабардории босамар аз иқтидорҳои мавҷуда, боло бурдани ҳосилнокии зироат, боғу токзор, зиёд кардани саршумори чорво, беҳтар ба роҳ мондани обрасонӣ ба деҳқонон, таъмири саривақтии пойгоҳҳои обкашӣ, азхудкунии заминҳои нав ва беҳтар кардани боздеҳи ҳар як ваҷаб замин  таваҷҷуҳи зиёд зоҳир гардид. Сарфи назар аз омилҳои воқеиву субъективӣ,  дар нимсола нақшаи даромади буҷети давлатӣ 100,8 дарсад таъмин гардида, ба буҷети вилоят 1 миллиарду 84,2 миллион сомонӣ ворид шуд. Истеҳсоли маҳсулоти хӯроквории воридотивазкунанда  марҳила ба марҳила тавсеа ёфта, дар ним сол ба миқдори 252,5 ҳазор тонна орд ва 2 ҳазору 740 тонна равғани рустанӣ истеҳсол шуд. Тавре зикр гардид, ин дар қиёс ба соли қаблӣ каме зиёд бошад ҳам, ҳанӯз ҷавобгӯйи талаботи рӯз нест.
Дар нимсола гардиши савдои хориҷии вилоят ба 811,6 миллион доллари амрикоӣ баробар шуда, ҳаҷми воридот 638,8 миллион ва содирот бошад,  172,8 миллион доллари амрикоиро ташкил дод, ки нисбат ба имконот кам буда, ба рушди бемайлони иқтисодиёти вилоят мусоидат намекунад. Бо назардошти вазъи иқтисодии мамлакат ва таъсири манфии бемории коронавирус таваҷҷуҳи асосии мақомоти иҷроияи ҳокимияти давлатии вилоят ба истеҳсоли номгӯи маҳсулоти саноатии воридотивазкунанда равона гардид.
Раҷаббой Аҳмадзода, раиси вилоят, дар робита ба ин масъала таъкид кард, ки раванди татбиқи супоришҳои Сарвари давлат  дар ин самт ҳанӯз қонеъкунанда нест. Ҳарчанд дар ҳудуди вилоят истеҳсолу коркарди маҳсулот ба роҳ монда шудааст, танҳо дар ним сол ба маблағи 300 ҳазор доллари амрикоӣ моҳӣ, 1 миллиону 855 ҳазор доллар маҳсулоти ширӣ, 3 миллиону 455 ҳазор доллар сабзавот, 5 миллиону 524 ҳазор доллар биринҷ, 20 миллион доллар равғани рустанӣ ва маҳсулоти дигар ворид шудааст, ки боиси нигаронист. Аз 38 ҳазору 500 тонна нахи пахта, ки дар вилоят истеҳсол мешавад, танҳо 7 - 8 ҳазор тоннаи он дар корхонаҳои саноатии шаҳру навоҳии вилоят то ҳадди ниҳоӣ коркард мешавад, ки қобили қабул намебошад.
Дар масъалаи татбиқи ҳадафи чоруми миллӣ - саноатикунонии босуръат низ нишондиҳандаҳо мувофиқи матлаб нестанд. Дар шаш моҳи соли равон дар 18 шаҳру навоҳии вилояти Суғд ҳамагӣ 48 корхонаву коргоҳи нав бо таъсиси 650 ҷойи нави корӣ бунёд шудааст, ки назар ба имконияту захираҳо кам аст. Президенти кишвар муҳтарам  Эмомалӣ Раҳмон 3 июл дар вохӯрӣ бо фаъолони вилоят  дар ноҳияи Бобоҷон Ғафуров дар робита ба ин масъала таъкид карда буданд, ки бо чунин нишондиҳандаҳо дар муҳлати муқарраршуда расидан ба ҳадафи чоруми стратегӣ мушкил мегардад.
Раиси вилоят аз масъулини соҳаҳо, раисони шаҳру навоҳӣ ва роҳбарони корхонаю муассисаҳо ислоҳи камбудиҳои мавҷуда ва ҷоннок кардани фаъолият дар ин самтҳоро талаб кард.

Ҷовиди АШТӢ,
“Ҷумҳурият”
 


Баёни ақида (0)    Санаи нашр: 17.07.2020    №: 133    Мутолиа карданд: 394
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед