logo

иқтисод

НАҚЛИЁТИ АВТОМОБИЛӢ. ШАКЛҲОИ НАВИ ХИЗМАТРАСОНӢ РОҲАНДОЗӢ МЕШАВАНД

25 июл ҳамасола кормандони соҳаи нақлиёти автомобилӣ иди касбии худро таҷлил менамоянд. Дар шароити кишвари кӯҳистони мо рушд додани ин самти муҳими соҳа - нақлиёт кори бисёр заҳматталаб аст.
Ҳукумати Ҷумҳурии Тоҷикистон барои таъмини фаъолияти нақлиёти автомобилӣ дар тамоми фаслҳои сол бо ҷалби сармояи дохилию хориҷӣ роҳу инфрасохтори роҳдорӣ бунёд намуда, аз бунбасти коммуникатсионӣ баровардани мамлакат ва ба кишвари транзитӣ табдил додани онро ҳадафи стратегӣ муайян кард. Бо татбиқи амалии ин ҳадафи стратегӣ кишвари мо пурра аз бунбасти коммуникатсионӣ баромада, нақлиёт аз шабакаи маҳдуди дохилӣ ба шабакаи васеи доимоамалкунанда табдил ёфт.
Тибқи маълумоти Хадамоти давлатии назорат ва танзим дар соҳаи нақлиёт, дар миқёси ҷумҳурӣ 1674 субъекти хоҷагидори нақлиёти автомобилӣ ба қайд гирифта шудааст. Ҳоло дар Тоҷикистон 221 корхонаи нақлиёти автомобилӣ (90 корхонаи нақлиёти мусофирбар, 131 корхонаи нақлиёти боркаш), 51 терминали мусофирбар, 11 терминали боркаш, 77 қароргоҳи нақлиётӣ ва 1314 нуқтаи хизматрасонии техникӣ ва таъмир фаъолият менамоянд. Дар самти ҳамлу нақли байналмилалии боркашонӣ бошад, 28 ширкати нақлиёти автомобилӣ фаъолият дорад. Ҳамчунин, ба мусофирон дар 17 хатсайри байналмилалӣ ба самти Ӯзбекистон, Қазоқистон, Россия, Қирғизистон ва Ҷумҳурии Исломии Афғонистон (алҳол бинобар сабаби таъмини амнияти марзӣ муваққатан фаъолият намекунад) хизмат расонда мешавад. Дар шаш моҳи соли ҷорӣ  тавассути нақлиёти автомобилӣ 292 миллиону 283,7 ҳазор мусофир интиқол дода шуд, ки нисбат ба ҳамин давраи соли гузашта зиёд мебошад. Дар ҳамлу нақли байналмилалӣ ба 71,2 ҳазор мусофир хидмат расонда шуд.
Айни замон ҳаракати воситаҳои нақлиёти байналмилалии автомобилӣ танҳо тариқи 18 гузаргоҳи сарҳади давлатӣ роҳандозӣ гардида, ҷиҳати пешгирии паҳншавии касалии сироятии коронавирус COVID - 19 муваққатан танҳо 6 гузаргоҳ (Гулистон, Фотеҳобод, Панҷи Поён, Дӯстӣ ва Кулма) амал мекунад.
Тавре Фаррух Неъматзода, сардори раёсати нақлиёти рӯйизаминии Вазорати нақлиёти ҷумҳурӣ, изҳор дошт, шурӯъ аз 24 январи соли 2020 бо сабаби пайдоиши вируси сироятӣ фаъолияти гузаргоҳи “Кулма” маҳдуд шуда, 30 апрели соли 2020 аз нав барқарор гардид. Ҳоло интиқоли молу маҳсулот тавассути истифодаи механизми контейнерҳо амалӣ шуда истодааст.
-  Сарфи назар аз мушкили баамаловардаи пандемия дар миқёси ҷаҳон ва дар карантин қарор доштани сокинон, мутахассисони соҳа тавонистанд дар ҳолати зарурӣ аҳолиро бо нақлиёти автомобилӣ саривақт таъмин ва хизматрасонии хубу босифат пешниҳод кунанд. Барои устувор гардидани нақши мусофирбарии байналмилалии автомобилӣ дар бозори хизматрасонии нақлиётӣ кушодани хатсайрҳои нав дар назар аст ва гуфтугӯҳо дар ин самт бо сохторҳои дахлдори Федератсияи Россия ва Ҷумҳурии Қазоқистон, инчунин, таҳияи лоиҳаи созишномаҳои дуҷониба оид ба ҳамлу нақл тавассути роҳҳои дипломатӣ бо 9 кишвари хориҷи дуру наздик, аз ҷумла Арманистон, Лаҳистон, Литва, Молдова, Олмон ва Словения, идома дорад, - гуфт Ф. Неъматзода.
Ҷиҳати боз ҳам беҳтар гардондани таъминоти аҳолӣ бо нақлиёт дар дохил ва хориҷи кишвар ва баланд бардоштани сатҳи хизматрасонӣ шаклу усулҳои наву муосири хизматрасонӣ роҳандозӣ мешаванд. 

Оҳистамоҳи ВАФОБЕК, “Ҷумҳурият”


Баёни ақида (0)    Санаи нашр: 27.07.2020    №: 139    Мутолиа карданд: 171
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед