logo

ҳуқуқ

КОРРУПСИЯ. АГЕНТӢ ОМОРИ ҶИНОЯТҲОРО ЭЪЛОН КАРД

Воҳидҳои ҳифзи ҳуқуқи Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар нимсолаи аввали соли равон 1218 ҷинояти коррупсионӣ, иқтисодии хусусияти коррупсионидошта ва ҷиноятҳои ба андоз алоқамандро ошкор карданд, ки 482 - тои он ба гурӯҳи ҷиноятҳои вазнин шомиланд. Ба феҳристи ҷиноятҳои вазнин, аз ҷумла азонихудкунӣ ва исрофкорӣ, тасарруфи пулу моли ба тариқи кредит додашуда ва ғайриқонунӣ додану гирифтани кредит, қаллобӣ, қочоқ, саркашӣ аз пардохти андоз, гирифтану додани пора, ришвадиҳии тиҷоратӣ ва гирифтани мукофот бо роҳи тамаъҷӯӣ, суистифода ва баромадан аз ваколатҳои мансабӣ, сохтакории хизматӣ ва ғайриқонунӣ додани қитъаи замин шомил мебошанд.
Сулаймон Султонзода, директори агентӣ, зимни ҷамъбасти фаъолияти нимсолаи ин ниҳод гуфт: «Таҳлили вазъи ҷинояткорӣ нишон медиҳад, ки дар ин давра аз ҷониби кормандони мақомоти иҷроияи маҳаллии ҳокимияти давлатӣ 116, соҳаҳои маориф ва илм 88, тандурустӣ ва ҳифзи иҷтимоии аҳолӣ 41, нақлиёт 9, кишоварзӣ 71, адлия 21, меҳнат, муҳоҷират ва шуғли аҳолӣ 22, саноат ва технологияҳои нав 2, молия 2, энергетика ва захираҳои об 1, кумитаҳои давлатии идораи замин ва геодезӣ 60, сармоягузорӣ ва идораи амволи давлатӣ 4, кумитаҳои андоз 8, меъморӣ ва сохтмон 3, кор бо ҷавонон ва варзиш 6, Агентии стандартизатсия, сертификатсия, метрология ва нозироти савдо 3, ШСХК «Барқи тоҷик» 7, соҳаи бонк 96, субъектҳои хоҷагидори ғайридавлатӣ 260, соҳибкорони инфиродӣ ва шаҳрвандон 225 ва дигар идораю корхонаҳо 84 ҷиноят содир гардидааст.
Муфаттишони агентӣ аз 372 парвандаи ҷиноятӣ тафтиши пешакии 266 - тои онро нисбат ба 361 нафар ба анҷом расонданд. Аз ин шумора 213 парвандаи ҷиноятӣ нисбат ба 266 нафар бо тасдиқи фикри айбдорӣ ба суд ирсол гардида, 53 парванда нисбат ба 95 нафар дар пешбурд қатъ шудааст, ки 38 - тои он нисбат ба 74 нафар бо татбиқи Қонуни Ҷумҳурии Тоҷикистон «Дар бораи авф» мебошад.
Кормандони агентӣ вобаста ба рӯёндани маблағҳои зарар ба мақомоти судӣ 38 аризаи даъвоӣ ба маблағи 23 миллион сомонӣ пешниҳод намуда, то ҳол 9 ариза бо маблағи 3,1 миллион сомонӣ қонеъ, боқимонда дар баррасии суд қарор доранд.
Дар маҷмӯъ, агентӣ аз рӯи ҳамаи самтҳои фаъолият дар ин давра 53,6 миллион сомонӣ ба Буҷети давлатӣ ворид намудааст, ки аз он ба суратҳисоби буҷети ҷумҳуриявӣ 36,6 миллион, буҷетҳои маҳаллии вилоятҳо ва шаҳру ноҳияҳо 10,5 миллион, фонди ҳифзи иҷтимоии аҳолӣ 1,6 миллион ва суратҳисоби муваққатии Вазорати молия барои пардохти қарзҳои мушкилситон 4,9 миллион сомонӣ рост меояд.
Ҷиҳати бартараф намудани омилҳои коррупсионӣ ва шароитҳои ба онҳо мусоидаткунанда аз ҷониби кормандони агентӣ 1155 пешниҳод ирсол гардида, бо натиҷаи баррасии онҳо нисбат ба 480 нафар огоҳӣ, 231 нафар сарзаниш, 273 нафар танбеҳ татбиқ гардида, 2 нафар ба вазифаи паст ва 75 нафар аз вазифаҳои ишғолнамудаашон озод карда шуданд.
Аз тарафи воҳидҳои ҳифзи ҳуқуқи агентӣ 798 ҳуқуқвайронкунии маъмурии хусусияти коррупсионидошта мавриди баррасӣ қарор дода шуда, нисбат ба ҳуқуқвайронкунандагон 922,6 ҳазор сомонӣ ҷарима татбиқ гардид.
- Дар ин давра 41 ҳолати вайрон намудани талаботи моддаи 9 Қонуни Ҷумҳурии Тоҷикистон «Дар бораи мубориза бар зидди коррупсия», ки хизмати якҷоя ва таъйини хешовандони наздик ба мансабҳои давлатӣ ё ба мансабҳои ба онҳо баробаркардашударо манъ намудааст, ошкор ва ҳуқуқвайронкуниҳои мазкур бо пешниҳоди санадҳои эътиноӣ бартараф шуданд. Чунончи, сардори шуъбаи истифодаи оби раёсати беҳдошти замин ва обёрии вилояти Суғд духтараш Манижа Бобоҷоноваро ба ҳайси мутахассиси пешбари ҳамин шуъба, ки зери тобеияташ қарор дорад, таъйин намудааст, - гуфт С. Султонзода.
Ба агентӣ ҷиҳати аз экспертизаи давлатии зиддикоррупсионӣ гузарондан 613 лоиҳаи санадҳои меъёрии ҳуқуқӣ ворид гардидааст, ки 521 - тои он мавриди баррасӣ қарор гирифта, дар 75 лоиҳа омилҳои бавуҷудоварандаи коррупсия ошкор шуд, ки баҳри бартараф намудани камбудиҳо ба мақомоти таҳиякунандаи лоиҳа бозпас гардонда шуданд.

Лашкар ШАРИФЗОДА, «Ҷумҳурият»


Баёни ақида (0)    Санаи нашр: 03.08.2020    №: 143    Мутолиа карданд: 491
28.10.2020


ЛАХШ. РУШДИ ТОЗАИ БОҒДОРӢ

САНОАТИ МАЪДАНҲОИ КӮҲӢ. СУРЪАТИ РУШД БА 12,5 ДАРСАД РАСИД

ПАНҶ. ОМОДАГИҲО БА ҶАШНИ ФАРХУНДА

СҶТ АЗ КОҲИШИ СИРОЯТИ COVID-19 ДАР ҶАҲОН БАЪДИ ХУРУҶИ БЕСОБИҚА ХАБАР ДОД

ҶАҲОН ДАР ЯК САТР

27.10.2020


СУҒД. 73 КОРХОНАВУ КОРГОҲИ НАВ БА ФАЪОЛИЯТ ШУРӮЪ КАРД

ТАҒЙИРОТ ДАР ФАЪОЛИЯТИ ЖУРНАЛИСТӢ

ПАРВОЗҲОИ МУСТАҚИМ МИЁНИ ТОҶИКИСТОНУ ӮЗБЕКИСТОН БАРҚАРОР МЕШАВАНД

ҶАҲОН ДАР ЯК САТР

"СИПАР" – ҚАҲРАМОНИ ЛИГАИ КАСБИИ ФУТЗАЛ

26.10.2020


Дар Қирғизистон интихоботи парламентиро мавқуф гузоштанд

Кремл шарти ҷалби Туркияро ба музокироти Қарябоғ гуфт

Ҷавоби Путин ба рақибоне, ки интизори фанои Россия ҳастанд

Табиби олмонӣ барои табобати беморони SARS-CoV-2 ба Тоҷикистон омад

ҶАҲОН ДАР ЯК САТР

СПИТАМЕН. БУНЁДИ МАРКАЗИ ХИЗМАТРАСОНӢ ВА ЧОЙХОНАИ “РОҲАТ”

94 ҲАЗОРУ 262,2 ТОННА ПАХТА ҶАМЪОВАРӢ ШУД

ХУҶАНД. БОЗ ЯК ШУЪБАИ ТАБОБАТӢ ДАР ХИЗМАТИ МАРДУМ

22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО


Дар сомонаҳои дигари Тоҷикистон хонед