logo

ҳуқуқ

ПАДАР БАРОИ ЛАТУКӮБИ ФАРЗАНД ДУ СОЛ ЗИНДОНӢ ШУД

21 майи соли равон дар шабакаи иҷтимоии "Фейсбук" наворе мунташир шуд, ки дар он марди номаълум фарзанди ноболиғи худро бераҳмона латукӯб мекард. Навори изтиробангез нафрат ва нороҳатии шадидро миёни ҷомеа, хусусан, корбарони шабакаҳои иҷтимоӣ, ба вуҷуд овард. Зимни гузарондани чорабиниҳои фаврӣ - ҷустуҷӯӣ аз тарафи кормандони кофтукови ҷиноятии раёсати Вазорати корҳои дохилӣ дар вилояти Суғд сокини шаҳри Хуҷанд Фирдавс Иномзода боздошт шуд.

Баъди ин амали бераҳмона нисбат ба Фирдавс Иномзода бо моддаи 174 (иҷро накардани уҳдадорӣ оид ба таълиму тарбияи ноболиғ) – и Кодекси ҷиноятии Ҷумҳурии Тоҷикистон парвандаи ҷиноятӣ оғоз ва барои баррасӣ ба суди шаҳри Хуҷанд ирсол шуд. Муайян гардид, ки номбурда қаблан бо моддаи 281 қисми 2 бандҳои «а,б» (тайёр кардан ё ба муомилот баровардани пул ё коғазҳои қиматноки қалбакӣ (сохта)- и Кодекси ҷиноятӣ 5 сол зиндонӣ шуда, баъди ду соли ҳабс дар асоси Қонуни Ҷумҳурии Тоҷикистон «Дар бораи авф» аз адои боқимондаи ҷазо озод гардидааст.
Тафтишот муайян кард, ки Фирдавс Иномзода соли 2012 бо шаҳрванд Мавлудахон Иномова оиладор гардида, аз зиндагии якҷоя ду фарзанд доранд. Моҳи марти соли 2017 ҳангоми дар зиндон будани Фирдавс ҳамсараш Мавлудахон барои пешбурди зиндагӣ ба Россия рафта, фарзандони хурдсолашро таҳти парастори хушдоманаш мегузорад.
Тавре худи Фирдавс Иномзода дар маҷлиси судӣ гуфт, дар давраи адои ҷазо буданаш, хабар меёбад, ки ҳамсараш ба ӯ хиёнат карда, бо мардони бегона рафтуомад дорад. Аммо аз ҳисоби оне, ки ӯ дар маҳбас буд ягон «илоҷ» надошт. Баъди ба озодӣ баромадан низ аз ҳамсояҳо мефаҳмад, ки ҳангоми дар маҳбас будан, ба хонааш мардони бегона бо автомашинаҳои гаронарзиш меомадаанд. Инро ҳатто фарзандонаш дар мурофиаи судӣ тасдиқ карданд. Баъди шунидани ин ҳолат ӯ ба хулосае меояд, ки аз ҳамсараш ҷудо шуда, оилаи нав бунёд намояд. Бо ҳамин мақсад ба ҳамсараш, ки дар Россия қарор дошт, занг зада, хоҳиш мекунад, ки ба Тоҷикистон баргардад. Аммо ӯ бо сабабҳои ба тафтишот номаълум рад мекунад.
Бинобар ин, ӯ бо мақсади баргардондан ҳамсараш, аз ғазаб бо бераҳмии махсус нисбат ба кӯдакони худ муомилаи бешафқатона намуда, писарашро мавриди латукӯб қарор медиҳад. Ҳолати латукӯби фарзадони ноболиғашро ба навор гирифта, аз тариқи шабакаи интернетӣ ба ҳамсараш мефиристад, то бераҳмии ӯ ва азоби фарзандонашро дида, ба Тоҷикистон ояд ва бо ҳамин восита аз ӯ ҷудо шуда, оилаи нав барпо намояд.
Мувофиқи хулосаи ташхиси равоншиносӣ, наворҳои сабтгардида ба ҳолати рӯҳӣ ва равонии кӯдакони хурдсол таъсири сахти эмотсионалӣ мерасонад, ки дар оянда барои инкишофи шахсияти кӯдакон, саломатии рӯҳӣ - равонӣ ва ахлоқӣ хавфнок мебошад.      
Суд баъди баррасии парванда Фирдавс Иномзодаро дар содир намудани ҷиноят гунаҳгор донист. Нисбат ба ӯ бо моддаи 174 - и Кодекси ҷиноятӣ ҷазо дар намуди маҳрум сохтан аз озодӣ ба муҳлати 2 сол бо нигоҳ доштан дар муассисаи ислоҳии низомаш сахт таъйин кард.

Зафар САИДШОЗОДА, муовини аввали раиси суди шаҳри Хуҷанд,
Лашкар ШАРИФЗОДА, “Ҷумҳурият”


Баёни ақида (0)    Санаи нашр: 21.08.2020    №: 158 - 159    Мутолиа карданд: 454
28.10.2020


ЛАХШ. РУШДИ ТОЗАИ БОҒДОРӢ

САНОАТИ МАЪДАНҲОИ КӮҲӢ. СУРЪАТИ РУШД БА 12,5 ДАРСАД РАСИД

ПАНҶ. ОМОДАГИҲО БА ҶАШНИ ФАРХУНДА

СҶТ АЗ КОҲИШИ СИРОЯТИ COVID-19 ДАР ҶАҲОН БАЪДИ ХУРУҶИ БЕСОБИҚА ХАБАР ДОД

ҶАҲОН ДАР ЯК САТР

27.10.2020


СУҒД. 73 КОРХОНАВУ КОРГОҲИ НАВ БА ФАЪОЛИЯТ ШУРӮЪ КАРД

ТАҒЙИРОТ ДАР ФАЪОЛИЯТИ ЖУРНАЛИСТӢ

ПАРВОЗҲОИ МУСТАҚИМ МИЁНИ ТОҶИКИСТОНУ ӮЗБЕКИСТОН БАРҚАРОР МЕШАВАНД

ҶАҲОН ДАР ЯК САТР

"СИПАР" – ҚАҲРАМОНИ ЛИГАИ КАСБИИ ФУТЗАЛ

26.10.2020


Дар Қирғизистон интихоботи парламентиро мавқуф гузоштанд

Кремл шарти ҷалби Туркияро ба музокироти Қарябоғ гуфт

Ҷавоби Путин ба рақибоне, ки интизори фанои Россия ҳастанд

Табиби олмонӣ барои табобати беморони SARS-CoV-2 ба Тоҷикистон омад

ҶАҲОН ДАР ЯК САТР

СПИТАМЕН. БУНЁДИ МАРКАЗИ ХИЗМАТРАСОНӢ ВА ЧОЙХОНАИ “РОҲАТ”

94 ҲАЗОРУ 262,2 ТОННА ПАХТА ҶАМЪОВАРӢ ШУД

ХУҶАНД. БОЗ ЯК ШУЪБАИ ТАБОБАТӢ ДАР ХИЗМАТИ МАРДУМ

22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО


Дар сомонаҳои дигари Тоҷикистон хонед