logo

ҳуқуқ

ХАТЛОН. ҶИНОЯТҲОЕ, КИ ОШКОР ШУДАНД

Варқаи Зайниддин, ёрдамчии калони прокурори вилояти Хатлон иттилоъ дод, ки тайи чанд моҳи ахир дар натиҷаи гузарондани санҷишҳо дар шаҳру навоҳӣ аз ҷониби кормандони ин ниҳод як қатор қонуншиканиҳо ошкор гардид. Мавсуф чанде аз онҳоро тавзеҳ дод.
 

КУШТОРИ БЕРАҲМОНА АНВАРРО ЯК УМР ПАСИ ПАНҶАРА БУРД
Шуъбаи тафтиши парвандаҳои ҷиноятии махсусан муҳими прокуратураи вилоят парвандаи ҷиноятиро нисбат ба Анвар Саъдуллоев, ки қаблан се маротиба суд шудааст, бо моддаи 104 қисми 2 банди «п» Кодекси ҷиноятии Ҷумҳурии Тоҷикистон банду баст намуда, барои баррасӣ ба суд фиристод.
Зимни тафтишот муайян гашт, ки А. Саъдуллоев 12 – 13 апрели соли 2017 дар шаҳри Екатеринбурги Федератсияи Россия Идибек Садулоевро, ки нисбаташ хусумати шахсӣ доштааст, буғӣ карда куштааст. Бо мақсади пинҳон намудани изи ҷиноят ва ошкор нашудани кирдораш аъзои ҷасади ӯро бурида, ба борхалтаҳои полиэтиленӣ ҷой карда, дар мавзеи беодами шаҳри мазкур партофтааст. Пас аз як рӯзи ин ҳодиса Анвар Саъдуллоев ба шаҳри Душанбе баргаштааст.
Коллегияи судӣ оид ба парвандаҳои ҷиноятии суди вилояти Хатлон 23 июли соли равон нисбат ба Анвар Саъдуллоев якумра аз озодӣ маҳрум намуданро таъйин кард.
 

МУОМИЛОТИ ҒАЙРИҚОНУНИИ АСЪОРИ ХОРИҶӢ
Бо ин ҷурм Фозил Нуриддинов, сокини шаҳри Бохтар, дастгир гардид. Ӯ бар хилофи талаботи моддаи 9 Қонуни Ҷумҳурии Тоҷикистон «Дар бораи танзими асъор ва назорати асъор» ва дастурамали № 211 «Дар бораи тартиби анҷомдиҳии амалиёти мубодилавӣ бо асъори хориҷӣ» амал намуда, аз соли 2017 бидуни иҷозатномаи дахлдор ғайриқонунӣ  ба мубодилаи асъори хориҷӣ машғул шудааст. 22 апрели соли ҷорӣ ҳангоми гузарондани санҷиши вижаи прокурорӣ Ф. Нуриддинов аз харидори шартӣ Файзалӣ Ризоев дар бозори «Фаровон»-и шаҳри Бохтар, маблағи 3500 доллари ИМА-ро гирифта, бар ивазаш 39 550 сомонӣ додааст. Ҳамон лаҳза ҳолати мазкур аз ҷониби гурӯҳи кории Прокуратураи генералии Ҷумҳурии Тоҷикистон ошкор ва маблағи 3500 доллар ҳамчун далел ёфта гирифта шудааст.
Нисбат ба номбурда аз тарафи прокуратураи вилоят бо моддаи 286 қисми 2 Кодекси ҷиноятӣ парванда оғоз ва ба суд ирсол гардид. Бо ҳукми суди шаҳри Бохтар Фозил Нуриддинов ба андозаи сад нишондиҳанда барои ҳисобҳо баробар ба 5800 сомонӣ ҷарима шуд.
 

САРМУҲОСИБ МАБЛАҒИ КОРХОНАРО АЗ ХУД СОХТ
Санҷиши прокурорӣ нишон дод, ки сармуҳосиби маркази стоматологии ноҳияи Ёвон Шуҳратҷон Ашӯров давоми қариб ду сол (аз сентябри соли 2018 то апрели соли 2020) бо роҳи суиистифода аз ваколатҳои мансабӣ ба тасарруфи маблағи воридшуда ба миқдори махсусан калон даст задааст. Ӯ дар баробари сармуҳосибӣ бинобар холӣ будани вазифаи хазинадор иловатан боз ин корро иҷро карда, аз сентябри соли 2018 ҳаррӯза пули ба хазина аз ҳисоби пардохти маблағҳои барои хизматрасонии тиббӣ аз мизоҷон воридшударо қабул намуда, аз он як миқдорашро ба суратҳисоби махсуси буҷети марказ ба филиали Бонки давлатии амонатгузории Ҷумҳурии Тоҷикистон  «Амонатбонк» № 17 дар ноҳияи Ёвон супурда, боқимондаашро ба манфиати шахсиаш сарф мекардааст. Дар маҷмӯъ, бо ин амалҳои ҷинояткоронааш маблағи 218248 сомонии ба хазина воридшударо аз худ карда, ба маркази стоматология зарари махсусан калони моддӣ расондааст. Нисбат ба Ш. Ашӯров аз ҷониби прокуратураи вилоят парвандаи ҷиноятӣ бо моддаи 245 қисми 4 банди «б» Кодекси ҷиноятӣ оғоз шуда, пас аз анҷоми тафтишоти пешакӣ ба суд фиристод. Бо ҳукми суди ноҳияи Ёвон аз 3 августи соли равон Шуҳратҷон Ашӯров ба муҳлати 9 сол зиндонӣ ва маблағи зарар рӯёнда шуд.

Маҳмуд МИРЗОЁН, «Ҷумҳурият»
 


Баёни ақида (0)    Санаи нашр: 26.08.2020    №: 162    Мутолиа карданд: 344
28.10.2020


ЛАХШ. РУШДИ ТОЗАИ БОҒДОРӢ

САНОАТИ МАЪДАНҲОИ КӮҲӢ. СУРЪАТИ РУШД БА 12,5 ДАРСАД РАСИД

ПАНҶ. ОМОДАГИҲО БА ҶАШНИ ФАРХУНДА

СҶТ АЗ КОҲИШИ СИРОЯТИ COVID-19 ДАР ҶАҲОН БАЪДИ ХУРУҶИ БЕСОБИҚА ХАБАР ДОД

ҶАҲОН ДАР ЯК САТР

27.10.2020


СУҒД. 73 КОРХОНАВУ КОРГОҲИ НАВ БА ФАЪОЛИЯТ ШУРӮЪ КАРД

ТАҒЙИРОТ ДАР ФАЪОЛИЯТИ ЖУРНАЛИСТӢ

ПАРВОЗҲОИ МУСТАҚИМ МИЁНИ ТОҶИКИСТОНУ ӮЗБЕКИСТОН БАРҚАРОР МЕШАВАНД

ҶАҲОН ДАР ЯК САТР

"СИПАР" – ҚАҲРАМОНИ ЛИГАИ КАСБИИ ФУТЗАЛ

26.10.2020


Дар Қирғизистон интихоботи парламентиро мавқуф гузоштанд

Кремл шарти ҷалби Туркияро ба музокироти Қарябоғ гуфт

Ҷавоби Путин ба рақибоне, ки интизори фанои Россия ҳастанд

Табиби олмонӣ барои табобати беморони SARS-CoV-2 ба Тоҷикистон омад

ҶАҲОН ДАР ЯК САТР

СПИТАМЕН. БУНЁДИ МАРКАЗИ ХИЗМАТРАСОНӢ ВА ЧОЙХОНАИ “РОҲАТ”

94 ҲАЗОРУ 262,2 ТОННА ПАХТА ҶАМЪОВАРӢ ШУД

ХУҶАНД. БОЗ ЯК ШУЪБАИ ТАБОБАТӢ ДАР ХИЗМАТИ МАРДУМ

22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО


Дар сомонаҳои дигари Тоҷикистон хонед