logo

иҷтимоиёт

БӮСТОН. ШАҲРЕ ДАР МАСИРИ РУШД

Агар ба нишондиҳандаҳои иқтисодиву иҷтимоии кишвар назар афканем, баръало маълум мегардад, ки дар ҳафт соли охир рушди иқтисодиёти кишвар ҳамасола ба ҳисоби миёна дар сатҳи 7 дарсад таъмин гардида, маҷмӯи маҳсулоти дохилӣ аз 45,6 миллиард то 78 миллиард сомонӣ афзудааст.
Дар ин марҳила дар тамоми соҳаҳои иқтисодиву иҷтимоии мамлакат тағйироти куллӣ ба миён омада, барои кору зиндагии арзандаи сокинон ҳамчун яке аз ҳадафҳои аввалиндараҷаи давлату Ҳукумати кишвар шароити мусоиду устувор фароҳам оварда шуд. 
Дар шаҳри Бӯстон низ дар заминаи татбиқи бонизоми дастуру ҳидоятҳои Пешвои миллат ҷиҳати ободониву созандагӣ, бунёди коргоҳу муассисаҳои наву замонавӣ, марказҳои хизматрасонӣ, фароҳам намудани шароити кору зиндагии шоиста барои сокинон ва амсоли инҳо иқдомҳои судманд рӯи кор омаданд. Нишондиҳандаҳои рушди иқтисодиву иҷтимоии шаҳр сол ба сол тамоюли афзоиш касб намуда истодаанд. Масалан, нақшаи буҷети шаҳр соли 2013 - ум 13 миллиону 843 ҳазор сомониро ташкил медод ва ин нишондод соли ҷорӣ ба 42 миллиону 990 ҳазор сомонӣ баробар гардид, яъне дар 7 соли охир ба андозаи 3,1 маротиба афзуд. Шумораи корхонаҳои саноатии шаҳр низ дар 7 сол аз 7 ба 32 адад расид.
Ҳаҷми истеҳсоли маҳсулоти саноатӣ низ (бо назардошти хизматрасониҳои пулакии барқу об ва бахши хусусӣ) аз 18 миллион сомонии нимсолаи аввали соли 2013 ба 272,2 миллион сомонӣ дар нимсолаи аввали соли равон баробар гардид, ки дар қиёс 15 маротиба зиёд аст.
Дар натиҷаи таваҷҷуҳ ва ғамхориҳои пайвастаи Роҳбари давлат шаҳр босубот рушд  намуда, сол ба сол ободу шукуфотар мешавад ва дар тамоми соҳаҳо нишондиҳандаҳои чашмрас ба мушоҳида мерасанд. Бунёд ва мавриди истифода қарор додани корхонаву коргоҳҳои азим дар шаҳри Бӯстон ҳамчун шаҳри саноатӣ дар мадди назари ҳамешагии Пешвои  муаззами  миллат муҳтарам Эмомалӣ Раҳмон қарор дорад. Ин аст, ки корхонаҳои истеҳсоли халтаҳои полипропиленӣ (“Суғд - Пак”), нах ва ришта аз сангҳои вулканӣ (“Элегант”), дорусозӣ (“Фарм Суғд”), истеҳсоли орд (“Анҳор”), либос ва пойафзол ("Палос"), масолеҳи сохтмон (“Тоҷфилиз”), маҳсулоти коғазӣ (“Дурахшон - Бӯстон”), лӯлаҳои пластикӣ (“Сифатпласт”), маҳсулоти полиэтиленӣ (“Суғдполитекс”), шифер ва лӯлаҳои асбестӣ (“Воситзода”)  аз қабили он корхонаҳое мебошанд, ки дар шаҳри Бӯстон бо ҳузури мубораки Пешвои муаззами миллат муҳтарам Эмомалӣ Раҳмон мавриди баҳрабардорӣ қарор гирифтанд.
Инчунин, дар ин давра меҳмонхонаи муосири “Сипеҳр”, маҷмааи хизматрасонии “Баҳор”, маркази хизматрасонии “Бӯстон” ба истифода дода шуданд ва баҳри қабули меҳмонону сайёҳон шароити мусоид фароҳам гардид.
Таваҷҷуҳи Пешвои миллат ба раванди таъмини шароити мусоиди хизмат дар сафҳои Қувваҳои Мусаллаҳ ва фароҳам  намудани шароити зисти хизматчиёни ҳарбӣ низ хеле зиёд аст. Аз ҷумла, Сарвари давлат моҳи октябри соли 2013 ба шифохонаи Вазорати мудофиаи ҷумҳурӣ, воқеъ дар шаҳри Бӯстон, ташриф оварда, аз ҳоли сарбозон хабар гирифтанд, кумакҳои моддӣ расонданд ва ҷиҳати пешниҳоди хизмати хушсифати тиббӣ ба онҳо супоришҳои мушаххас доданд.
Инчунин, Ҷаноби Олӣ моҳи сентябри соли 2014 аз қароргоҳи доимии дастаи таъйиноти махсуси  милитсияи  раёсати Вазорати корҳои дохилӣ дар вилояти Суғд, ки бо харҷи беш аз 3 миллион сомонӣ мавриди навсозии куллӣ қарор гирифт, дидан ба амал оварданд ва хизматчиёни ин ниҳодро баҳри хизмати софдилонаю содиқона ба халқу Ватан ҳидоят намуданд.
Бо супориши Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Бӯстон маркази таълимии Кумитаи давлатии амнияти миллии Ҷумҳурии Тоҷикистон дар масоҳати 1,5 гектар бо зиёда аз 10 иншооти таъйиноти оинномавӣ, бинои маъмурию таълимии дуошёна, таҳхона, синфхонаҳои таълимӣ, 2 толори машқҳои ҳарбӣ - варзишӣ ва маҷлисгоҳ, ду майдончаи машқҳои амалиёти ҳарбӣ барои таҳкиму татбиқи донишҳои назариявӣ, обутоби ҷисмонӣ  ва  омӯзиши  роҳу  усулҳои ҷангӣ бунёд гардида, соли 2016 дар остонаи Ҷашни байналмилалии Наврӯз бо ҳузури Сарвари давлат мавриди баҳрабардорӣ қарор дода шуд.
Соли 2016 дар остонаи таҷлили Ҷашни Истиқлолияти давлатии Ҷумҳурии Тоҷикистон бо иштироки Пешвои муаззами миллат муҳтарам Эмомалӣ Раҳмон дар шаҳри Бӯстон бинои истиқоматӣ барои хизматчиёни ҳарбии ҷузъу томҳои Вазорати мудофиаи Ҷумҳурии Тоҷикистон мавриди истифода қарор дода шуд. Он аз ҳисоби маблағҳои буҷетӣ бо харҷи беш аз 4 миллион сомонӣ бунёд шуда, 32 хонаи истиқоматии як, ду ва сеҳуҷрагии бино бо ҷиҳози зарурии рӯзгор таъминанд.
Таваҷҷуҳи Ҷаноби Олӣ нисбати шахсони дорои имкониятҳои маҳдуди шаҳри Бӯстон низ беандоза аст. Моҳи октябри соли 2015 Пешвои муаззами миллат муҳтарам Эмомалӣ Раҳмон бо фаъолияти ҷамъияти маъюбони шаҳр шинос шуда, ба онҳо кумаки моддӣ расонданд. 
Бо мақсади баланд бардоштани эҳсоси хештаншиносиву худогоҳии насли наврасу ҷавон майдони Парчами давлатӣ бо баландии 48, паҳноии 7 ва дарозии 14 метр қомат афрохт. Иншооти Нишони давлатӣ ва боғҳои фарҳангу фароғатӣ бунёд гардиданд.
Дар доираи омодагӣ ҷиҳати истиқболи сазовори Ҷашни 30 - солагии Истиқлолияти давлатии  Ҷумҳурии  Тоҷикистон  дар шаҳр бунёду навсозии 167 иншооти гуногун ба нақша гирифта шудааст. Аз 42 иншооти нақшавии соли ҷорӣ давоми шаш моҳ 21 иншоот бунёду навсозӣ гардид. Дар маҷмӯъ, 126 иншооти ҷашнӣ бунёду навсозӣ шудааст, ки 75,4 дарсади нақшаро ташкил медиҳад.

Раъно ҲОШИМЗОДА, раиси шаҳри Бӯстон
 


Баёни ақида (0)    Санаи нашр: 28.08.2020    №: 164    Мутолиа карданд: 245
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед