logo

сиёсат

ИФТИТОҲИ МУАССИСАИ ТАШХИСИЮ ТАБОБАТИИ “АҲВАР - АҲВАТ”

1 сентябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Раиси Маҷлиси миллии Маҷлиси Олӣ, раиси шаҳри Душанбе Рустами Эмомалӣ дар кӯчаи Бохтари ноҳияи Исмоили Сомонии пойтахт Муассисаи ташхисию табобатии “Аҳвар – Аҳват”- ро мавриди баҳрабардорӣ қарор доданд.
Муассиси дармонгоҳ Ҷамъияти дорои масъулияти маҳдуди “Самти рушд” буда, дар ду ошёнаи аввали бинои 18-ошёнаи навбунёди истиқоматӣ ҷой гирифтааст. Он аз бахшҳои гинекологӣ, дандондармонӣ, ҷарроҳии умумӣ ва пластикӣ, косметологӣ, педиатрӣ, дар маҷмӯъ, аз 12 ҳуҷраи хизматрасонӣ ва гӯшаи гиёҳдармониву дорухона иборат мебошад. Ҳуҷраҳо ва нуқтаҳои хизматрасонии муассиса бо дастгоҳу таҷҳизоти тиббии ҷавобгӯ ба стандарти байналмилалӣ муҷаҳҳаз шудаанд.
Ба корафтодагон табибони баландихтисос, ҳамшираҳои шафқат ва дигар мутахассисони дорои таҷрибаи ғанӣ бо усули замонавӣ хизмат мерасонанд.
Зимни шиносоии Сарвари давлат, маълум гардид, ки дар муассиса се утоқи бистаринамоӣ мавҷуд буда, ҳар кадомашон шароити хуби корӣ  доранд. Бояд таъкид дошт, ки то имрӯз барои гузарондани якчанд намуд ҷарроҳии пластикӣ сокинони мамлакат ба хориҷа сафар мекарданд, ки маблағ ва  вақти зиёд сарф мегардид. Акнун, чунин имконият дар шаҳри Душанбе фароҳам омада, ниёзмандон метавонанд аз он бе мушкилӣ баҳравар гарданд.
Ташхисгоҳи муассиса аз 30 ҳуҷра, аз ҷумла ҳуҷраҳои ташхиси микробиологӣ, биохимиявӣ, иммунологӣ, патологӣ ва ғайра иборат буда, бо навтарин таҷҳизот таъмин мебошад. Дар он мутахассисони соҳибтаҷриба – вирусологони баландихтисос ба кор ҷалб шудаанд, ки бо истифода аз технологияи мавҷуда имкони гузарондани ҳамаи намуди ташхисро доранд. Ташхисгоҳ бо стандарти байналмилалии GMP фаъолият менамояд. Дастгоҳу таҷҳизоти он муосиртарин буда, аз ИМА, Олмон, Австрия, Туркия ва Чин дастрас шудаанд.
Рӯзҳои наздик ба марказ боз се таҷҳизоти замонавии ташхисию табобатӣ ворид мешавад, ки дар мамлакат беназиранд. Туфайли ба фаъолият шурӯъ намудани боз як муассисаи нави тиббӣ, дар маркази шаҳри Душанбе 75 нафар, аз ҷумла 26 табиби соҳибихтисос, ки дар хориҷи кишвар аз курсҳои бозомӯзӣ гузаштаанд, бо ҷои кори доимӣ ва маоши хуб таъминанд.
Муассисаи  ташхисию  табобатии  “Аҳвар - Аҳват” бо муассисаҳои машҳури тандурустии кишварҳои пешрафта робитаи зичи ҳамкорӣ дорад ва дар ин замина имконияти васеъ барои табодули таҷриба ва такмили ихтисоси кормандон фароҳам мебошад.
Бояд зикр намуд, ки муассисаи мазкур дуюмин муассисаи тиббӣ мебошад, ки аз ҷониби ҶДММ “Самти рушд” таъсис ёфтааст. Қаблан, ҷамъият дар кӯчаи Абайи ноҳияи Синои шаҳри Душанбе чунин маркази муосири ташхисию табобатиро ба истифода дод. Марказ аз шуъбаҳои нефрологӣ, гемодиализ ва ташхисгоҳ иборат буда, дар он 34 мутахассис ба мардум хизмат мерасонад.  Шуъбаи гемодиализ  дорои 11 дастгоҳи замонавии истеҳсоли Олмон мебошад. Дастгоҳу таҷҳизоташ истеҳсоли Австрия буда, ба стандартҳои ҷаҳонӣ ҷавобгӯянд. Марказ дорои мошини ёрии таъҷилии бо таҷҳизоти зарурӣ ҷиҳозонда буда,  шабонарӯзӣ фаъолият менамояд.
Ҳукумати мамлакат ба соҳаи тандурустӣ таваҷҷуҳи ҳамешагӣ  зоҳир намуда, барои рушду пешрафти он, ба хотири таъмини солимии аҳолӣ, ки бойигарии давлат аст, имконоти фарохро ба вуҷуд овард. Ин аст, ки имрӯз, баробари мукаммал гардидани шароити хизматрасониҳо, дар муассисаҳои давлатии тандурустӣ ҳавасмандии бахши хусусӣ низ ба ин самт бармало эҳсос мегардад. Имрӯз соҳибкорону сармоягузорон имкон доранд, ки дар шаҳру ноҳияҳои ҷумҳурӣ марказҳои наву замонавии солимгардонӣ таъсис дода, бо рақобати солим дар беҳбеҳбудии саломатии аҳолӣ саҳм гузоранд.
Утоқҳои корию хизматрасонӣ, долону ҷойҳои мунтазиршавии мизоҷон дар Муассисаи ташхисию табобатии “Аҳвар – Аҳват” бо истифода аз масолеҳи баландсифати сохтмонӣ таъмир гардидааст. Низоми кор ё қабул ва ташхису табобат, хоса хизматрасониҳо, дар муассиса марказондашуда буда, бо ин роҳ аз як ҷониб сифати ташхису табобат таъмин ва аз тарафи дигар вақт бамаротиб сарфа мегардад.
Сарвари давлат ба сифати корҳои анҷомёфта ва шароити фароҳамгардида дар муассисаи нави ташхисию табобатӣ баҳои баланд дода, иброз доштанд, ки бо чунин имконоти фарох аз кормандон равона намудани маҳорату малакаи касбӣ ва саҳми арзишманд гузоштан дар солимии аҳолӣ талаб мегардад.
 


Баёни ақида (0)    Санаи нашр: 02.09.2020    №: 167    Мутолиа карданд: 157
19.04.2021


МАШВАРАТИ ГУРӮҲИ КИШВАРҲОИ ВИШЕГРАД ВА ОСИЁИ МАРКАЗӢ

АҶАБ ШАҲРИ ДИЛОРОӢ, ДУШАНБЕ. РӮЗИ ПОЙТАХТ ХОТИРМОН ГУЗАШТ

Ҳамоиш бахшида ба Рӯзи илми тоҷик

«ДУШАНБЕ - ҚАЛБИ ТОҶИКИСТОН»

САҲМИ АЙНӢ ДАР РУШДИ ИЛМУ ФАРҲАНГИ МИЛЛӢ

МАРД БОЯД ТАНДУРУСТ БОШАД

ҲАРАКАТИ ВАҲДАТИ МИЛЛӢ ВА ЭҲЁИ ТОҶИКИСТОН ДАР ТОҶИКОБОД

9 ИНШООТИ ТАЪРИХИВУ ФАРҲАНГӢ БА ФЕҲРИСТИ ПЕШАКИИ ЮНЕСКО ШОМИЛ ШУД

ЛИГАИ ЧЕМПИОНҲО

Даъвати Байден аз Путин

ҶАҲОН ДАР ЯК САТР

15.04.2021


ВМКБ. ВОХӮРӢ БО НАМОЯНДАГОНИ МАРКАЗИ ИЛМӢ-ФАРҲАНГИИ РОССИЯ

ВАО: РАИСИ ҶМЧ БА ИШТИРОК ДАР САММИТ ОИД БА ИҚЛИМ МАЙЛ ДОРАД

ҶАҲОН ДАР ЯК САТР

НАВБАҲОР ГУЛ МЕКУНАД

НОҲИЯИ ФИРДАВСӢ. ҲАВАСМАНДГАРДОНИИ ХИЗМАТЧИЁНИ ҲАРБӢ ДАР МАДДИ АВВАЛ

“ПАРВИН”. БЕҲТАРИНҲО ҚАДР ШУДАНД

14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР


Дар сомонаҳои дигари Тоҷикистон хонед