logo

сиёсат

ТОҶИКИСТОНУ ӮЗБЕКИСТОН. МАШЪАЛАФРӮЗОНИ ФАРҲАНГИ ДӮСТӢ

Забону адабиёт ва фарҳангу ҳунар аз бахшҳоеанд, ки халқияту миллатҳои ҷаҳон бо рушду густариш додани онҳо мақому мартабаи худро баланд мебардоранд. Мардуми Осиёи Миёна, хусусан тоҷикону ӯзбекон,  бо доштани ҳамин авсофи адабӣ ва  хислати неки башарӣ байни ҳам аз қадим равобити дӯстию ҳамсоядорӣ доштанд. Дӯстию ҳамсоягӣ ин  ду амали нек мебошанд, ки равобиту ҳамкории ҳасанаро байни инсонҳо устувор сохта, риштаи меҳру муҳаббатро таҳким мебахшанд.

Таърих бори дигар собит намуд, ки дар як обу хок ба сар бурда, ҷудо зистан ғайриимкон аст. Замоне буд, ки  осмони Тоҷикистону Ӯзбекистон  зери абрҳои тира қарор дошт ва неруҳои бадхоҳ ин ду ситораи дурахшони халқи ҷаҳонро аз фарҳанги асилу волои худ хостанд канор гузоранд, то аз чароғи ҳидоят, заковату адаб ба сӯи ҷаҳолат равон гарданд.
Вале некӣ болои бадӣ ғолиб омад. Роҳбарони нексиришту башардӯст  тавонистанд фазои кишварҳои бо ҳам дӯсту ҳамсоя- Тоҷикистону Ӯзбекистонро, ки  солҳо боз тираву торик буд, бо қадамҳои муборакашон нуронӣ созанд. Роҳбарони дилсӯзи ҳар  ду кишвар,  Асосгузори  сулҳу  ваҳдати  миллӣ -  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев чароғи дӯстиро аз нав фурӯзон намуда, тирагии фазои ҳамсоядориро аз байн бурданд. Баргузории  Конфронси байналмилалӣ дар мавзӯи "Саҳми сарварони Тоҷикистону Ӯзбекистон дар таҳкими дӯстӣ”  бо ибтикори Академияи миллии илмҳои Тоҷикистон бори дигар муносибати хубу неки ҳамзистии  миллатҳои тоҷику ӯзбекро дар тӯли таърих ва имрӯз рӯшан сохт.
Мо ифтихор дорем, ки Тоҷикистон чун кишвари озоду мустақил ва  дорои сиёсати дарҳои боз қадамҳои хешро устувор гузошта, бо  тамоми  мамолики  ҷаҳон,  аз ҷумла мамлакати ҳамсоя ва дӯст - Ӯзбекистон, равобити худро рӯз аз рӯз тақвият бахшида истодааст. Ин буд, ки мардуми шарифу фарҳангдӯсти ду кишвар бо меҳмоннавозиву  меҳрубонӣ, ҳамсоягиву  дӯстӣ зери  сояву пояи вафову камоли меҳру сафо ба ҳамкорӣ дубора оғоз карданд. Мо инро аз чашмони шарарбор, оғӯшҳои боз ва ашкҳои шодии халқҳои тоҷику ӯзбек дидему хондем.
 Ҷумҳурии Ӯзбекистон Истиқлолияти давлатии худро 1 сентябри соли 1991 эълон намуда, баъди ҳамагӣ як сол  22 октябри соли 1992 муносибатҳои дипломатиашро бо Ҷумҳурии Тоҷикистон барқарор кардааст. Аз соли 1995 дар шаҳри Тошканд Сафорати Ҷумҳурии Тоҷикистон ба фаъолият оғоз намуд. Аз соли  1992 то имрӯз байни ҷумҳуриҳои Тоҷикистону Ӯзбекистон  дар сатҳҳои байнидавлатӣ, байниҳукуматӣ ва соҳавӣ зиёда аз 100 созишномаи ҳамкорӣ  ба имзо расидааст.
Аҳдномаи  дӯстӣ, ҳусни ҳамҷаворию ҳамкорӣ байни ду кишвар яке аз санадҳои асосист,ки дар сатҳи роҳбарони ду мамлакат  аз 4 январи соли 1993 ба имзо расид ва  баҳори соли 2018 баъди сафари расмии Президенти Ҷумҳурии Ӯзбекистон муҳтарам Шавкат Мирзиёев ба ҷумҳурии мо  дубора мавриди таъйиди ҷонибҳо қарор гирифт.
Дар партави ҳамин мулоқотҳо тарафҳо бори дигар исбот карданд, ки доштани дӯстию ҳамсоядории хуб ягона роҳест, ки пешрафт ва рушди кишварҳоро тақвият мебахшад.
Рушди ҳамкориҳои фарҳангӣ заминаи асосии дӯстии Тоҷикистону Ӯзбекистон аст. Ҳузури муштараки адибони тоҷику ӯзбек дар ҳавзаҳои адабии Хуросону Мовароуннаҳр аз он шаҳодат медиҳад, ки  ин робитаи неку инсондӯстона ва меҳру муҳаббати ду миллат аз замони ошноию рафоқати  Абдураҳмони Ҷомӣ ва Алишери Навоӣ – аз  саҳифаи дурахшоне дар таърихи равобити фарҳангии халқҳои тоҷику ӯзбек маншаъ мегирад. Ин воситаест, ки умумиятҳои фарҳангии мардуми тоҷику ӯзбекро қавитар месозад.
Солҳои охир доираи робитаҳои дӯстона байни ин ду кишвар боз ҳам васеътар гардида истодааст. Аз ҷумла, бо ташрифи расмии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Ӯзбекистон пояҳои дӯстиву ҳамкории ду давлат боз ҳам таҳким ёфта, ҳамчун шарикони стратегӣ боқӣ монданд.
Минбаъд низ Тоҷикистону Ӯзбекистон фарҳангу адабиёт ва таҷрибаи  ҳамдигарро бештар омӯхта, дар бахшҳои сиёсат, иқтисод, тиҷорат, илм, ҳифзи сарҳад, сайёҳӣ ва дипломатия истифода хоҳанд бурд. Баробари ин, дӯстии ҳарду миллат боз ҳам мустаҳкаму афзунтар мегардад. Зеро: 
Дӯстиро ҷустуҷӯ дорем мо,
Аз амонӣ гуфтугӯ дорем мо.    

Мирсаид РАҲМОНОВ,
ходими илмии Институти омӯзиши масъалаҳои
давлатҳои Осиё ва Аврупои АМИТ


Баёни ақида (0)    Санаи нашр: 22.09.2020    №: 181    Мутолиа карданд: 191
15.04.2021


ВМКБ. ВОХӮРӢ БО НАМОЯНДАГОНИ МАРКАЗИ ИЛМӢ-ФАРҲАНГИИ РОССИЯ

ВАО: РАИСИ ҶМЧ БА ИШТИРОК ДАР САММИТ ОИД БА ИҚЛИМ МАЙЛ ДОРАД

ҶАҲОН ДАР ЯК САТР

НАВБАҲОР ГУЛ МЕКУНАД

НОҲИЯИ ФИРДАВСӢ. ҲАВАСМАНДГАРДОНИИ ХИЗМАТЧИЁНИ ҲАРБӢ ДАР МАДДИ АВВАЛ

“ПАРВИН”. БЕҲТАРИНҲО ҚАДР ШУДАНД

14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД


Дар сомонаҳои дигари Тоҷикистон хонед