logo

иҷтимоиёт

РӮЗГОРЕ БАРОИ ИБРАТ

Маҷид Салим фаъолияти меҳнатияшро пас аз хатми муассисаи таҳсилоти олии касбӣ ҳамчун рӯзноманигор оғоз бахшидааст. Чанд муддат хабарнигори рӯзномаи вилоятии «Ҳақиқати Хатлон», «Субҳи Ховалинг» ва «Зафар» (ноҳияи Мир Сайид Алии Ҳамадонӣ) буд.

Фаъолияташ дар Телевизиони Тоҷикистон пас аз Истиқлолияти давлатӣ сурат гирифт. Дар даврони фоҷиабори кишвар аз нуқтаҳои доғ гузоришу барномаҳои муҳиму ҷолибу диданӣ таҳия мекард. Камтар аз муҳаррирони идораи ин телевизион бо ҷасорати том, иқдоми худ бо чунин нуқтаҳои ноорому даргир мерафтанд. Гузоришу барномаҳои ӯ дар он рӯзгори вазнин ба хотири барқарориву пойдории сулҳ ва тарғибу дастгирии сиёсати хирадмандонаи Пешвои муаззами миллат муҳтарам Эмомалӣ Раҳмон буданд.
Соли 1997 ӯро бо Ҷоизаи Иттифоқи журналистони Тоҷикистон ба номи Абулқосим Лоҳутӣ қадр карданд.
Дар замони осоиштаи кишвар мавзӯъҳои марказии барномаҳояш дар бораи олами ҳайвонот, табиату муҳити атроф буданд. На танҳо зебоиҳои кишвари маҳбубамон, олами рангини ҳайвонотро тавсифу тарғиб менамуд ва асрори онҳоро мекушод, балки барои ҳифзашон низ масъала мегузошт. Зимни ҳар барномаву намоишаш таъкид менамуд, ки мо – инсонҳо масъулему вазифадорем, ки табиати зебоямонро ҳифз намоем, ба ҳайвоноту парандагони кишварамон ба хотири зинда монданашон тадбирҳои муҳиму заруриро биандешем. Инчунин, онҳоро дӯст бидорем. Тухми ин муҳаббатро аз хурдӣ дар замири дилҳо бояд кошт,- хулоса мекард дар барномаву намоишҳояш.
Барои муассиру боварибахш шудани барномаву намоишҳояш ҷиддӣ ва бо эҳсоси масъулият пажӯҳиш мекард, андешаву пешниҳодҳои мутахассисони соҳаро ҷӯё мешуд.
Асари неки ин пажӯҳишҳо ба фаъолияти адабии ӯ низ расид. Ҳамин аст, ки ҳикояву қиссаҳояш дар мавзӯи табиати нотакрори кишвар ва олами ҳайвонот мебошанд. Китобҳояш бо унвонҳои «Гурги похӯрда», «Зоғеву доғе», «Дунё ва марди танҳо», «Панҷаи ҳасрат», «Ҳикояҳо  дар бораи ҳайвонот», «Сангодавак», «Мурғи даштӣ», «Ҳикоёти бешаи палангон», «Рози ҷангал», «Хирс», «Аз пайи паланг», «Шабпарак ва рангинкамон», «Темурмалик», «Мавлонои Чархӣ» далел бар ин мебошанд. Асарҳои «Каштанка»-и А. Чехов ва «Муму»-и С. Турганевро аз забони русӣ ба тоҷикӣ тарҷума намудааст, ки ҳар кадоме бо теъдоди беш аз чил ҳазор нусха ба табъ расидаанд.
Маҷид Салим аз соли 1997 узви Иттифоқи нависандагони Тоҷикистон мебошад. Ҳамчунин, барандаи Ҷоизаи адабии Иттифоқи нависандагони Тоҷикистон ба номи Садриддин Айнӣ аст.
Фаъолияти ӯ ба ҳайси ҷонишини сармуҳаррири ҳафтаномаи «Адабиёт ва санъат», директори хазинаи адабиёт, мудири шуъбаи очерк ва публитсистикаи Иттифоқи нависандагони Тоҷикистон, пурмаҳсул ва назаррас буд.
Ӯ барои саҳнаи театр низ чандин намоишнома таълиф кардааст, ки онҳо аз ҷониби мутахассисони соҳа хуб пазируфта шудаанд.
Аз ҷумла, намоишномаи «Ишқи нобино»-ро Театри давлатии академии драмаи ба номи Абулқосим Лоҳутӣ ба саҳна гузошт ва он мақбули тамошогарон гардид. Айни замон муҳаррири «Радиои фарҳанг» мебошад.
Маҷид Салим дар пажӯҳиш ва таҳқиқи мавзӯъҳои илмӣ низ ба дастовардҳои назаррас ноил шудааст. Чанде пеш ӯ рисолаи номзадияшро муваффақона ҳимоя кард.
Ҳамин тавр, ӯ лаҳзае аз фаъолияти рӯзноманигори адабӣ, фарҳангӣ ва илмӣ фориғ нест. Ин ҳама саъю кӯшиш ба он хотир аст, ки дар тарбияи насли наврас, боло бурдани ҳисси ватандӯстӣ, хештаншиносии мардум, хосса насли наврас саҳми сазовору арзанда бигирад.

Абдулқодири РАҲИМ,
«Ҷумҳурият»
 


Баёни ақида (0)    Санаи нашр: 30.09.2020    №: 191    Мутолиа карданд: 231
29.11.2021


Алиев: «Россия дар ба эътидол овардани равобити Ереван ва Боку нақши муҳим дорад»

Ҷаҳон дар як сатр

МУЛОҚОТИ ҲОКИМ ХОЛИҚЗОДА БО САФИРИ АРАБИСТОНИ САУДӢ ДАР ТОҶИКИСТОН

26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр


Дар сомонаҳои дигари Тоҷикистон хонед