logo

ҳуқуқ

 ФУРӮШИ ҒАЙРИҚОНУНИИ СИЛОҲ МАХСУД ЮНУСОВРО ДУ СОЛ ПАСИ ПАНҶАРА БУРД


Махсуд Юнусов, сардори шуъбаи муҳофиза ва инкосатсияи ҶСП «Бонки Арванд» дар шаҳри Хуҷанд, барои содир намудани ҷиноят бо моддаи 195 қисми 1 Кодекси ҷиноятии Ҷумҳурии Тоҷикистон (ғайриқонунӣ соҳиб шудан, ба дигарон додан, ба соҳибияти каси дигар додан, нигоҳ доштан, интиқол додан, гирифта гаштани силоҳ…) гунаҳкор ва бо ҳукми суди шаҳри Хуҷанд ба муҳлати ду сол равонаи зиндон гардид.

 
Тафтишот муайян кард, ки номбурда қаблан бо ҳукми суди вилояти Суғд бо моддаи 200 Кодекси ҷиноятӣ (муомилоти ғайриқонунии воситаҳои нашъадор) 13 сол маҳкум гардида, соли 2010 шартан пеш аз муҳлат аз адои боқимондаи ҷазо озод шудааст. Кирдори қаблан содиркарда ва маҳрумӣ аз азодӣ барои ӯ дарси ибрат нашуда, такроран даст ба ҷиноят задааст.
Махсуд Юнусов то лаҳзаи дастгир шуданаш ҳамчун сардори шуъбаи муҳофиза ва инкасатсияи ҶСК «Бонки Арванд» фаъолият карда, бо мақсади ба даст овардани даромади муфт ба муомилоти ғайриқонунии силоҳи оташфишон машғул гардида, бо «Ҳамид» ном шахс, ки шахсияташ дар тафтишоти пешакӣ муайян нашуд, дар назди мағозаи «Авесто»- и шаҳри Хуҷанд вохӯрда, барои амалигардонии мақсади ҷинояткоронаи худ аз ӯ як адад тапончаи тамғаи «Макаров», силсила ва рақами «ЕУ-3773», соли бароришаш 1987, бо як тирдон ва садохомӯшкунак бар хилофи қонунгузории кишвар бо мақсади дар оянда ба каси дигар додан гирифта, онро то утоқи кориаш интиқол дода, ғайриқонунӣ нигоҳ доштааст.
Сипас, дар ҳуҷраи корӣ бо харидори шартӣ бо номи «Фаррух», ки баҳри амалӣ намудани чорабиниҳои фаврӣ - ҷустуҷӯӣ аз ҷониби кормандони фаврии шуъбаи кофтукови ҷиноятии РВКД дар вилояти Суғд ҷалб шуда будааст, вохӯрда, силоҳи оташфишонро ба ивази 27 000 сомонӣ ғайриқонунӣ мефурӯшад. Харидори шартӣ силоҳро ба мақомоти милитсия пешниҳод намуда, аз тарафи кормандони фаврӣ бо тартиби қонунгузорӣ гирифта мешавад.
Мувофиқи хулосаи экспертизаи судӣ - балистикӣ тапончаи мазкур ба гурӯҳи тапончаҳои худтирпуркунии ҷангӣ, рахпечи тамғаи «ПМ» мансубият дошта, тапончаи оташфишони инфиродӣ буда, барои ҳуҷум, муҳофизат ва нобуд кардани душман дар масофаи наздик таъйин шуда, дар ҳолати коршоям қарор дорад.
      
Зафар САИДШОЗОДА,
муовини аввали раиси суди шаҳри Хуҷанд,
Лашкар ШАРИФЗОДА,
“Ҷумҳурият”


Баёни ақида (0)    Санаи нашр: 8.12.2020    №: 235    Мутолиа карданд: 454
23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ

«ФАРҲАНГИ ДОРО»-И ДОРО

«ЧОРСӮ» ДАР КӮЛОБ МАКТАБ СОХТ

СУДҲОИ ИҚТИСОДӢ САМАРАИ СОҲИБИСТИҚЛОЛИИ ДАВЛАТИАНД

ТАНТАНАИ ҶАШНИ МИЛЛӢ ДАР МУРҒОБ

08.09.2021


Маҷлиси намояндагон Қонуни авфро қабул кард

Задухӯрдҳои шадид дар водии Панҷшери Афғонистон идома доранд

Ҷаҳон дар як сатр


Дар сомонаҳои дигари Тоҷикистон хонед