logo

сиёсат

 КӮШОНИЁН. ҚУДУМИ ПЕШВОИ МИЛЛАТ БАРАКАТ ДОРАД


Аҳли заҳмати ноҳияи Кӯшониён баҳри дар амал татбиқ намудани дастуру супоришҳои Президенти Тоҷикистон муҳтарам Эмомалӣ Раҳмон, мақомоти иҷроияи ҳокимияти давлатии вилояти Хатлон ва, ҳамзамон, омода шудан ба Ҷашни 30 - солагии Истиқлолияти давлатии Ҷумҳурии Тоҷикистон тадбирҳои созандаро амалӣ карда, аз уҳдаи масъулиятҳои хеш бо сарбаландӣ баромаданд. Умуман, дар ҳама соҳаҳо, сарфи назар аз таъсири вируси COVID - 19, дастовардҳои хуб ба назар мерасанд, - иброз дошт Икромиддин Вализода, раиси ноҳия.
Бо мақсади ба таври шоиста истиқбол гирифтани Ҷашни 30 – солагии Истиқлолияти давлатии Ҷумҳурии Тоҷикистон, қарори дахлдори раиси ноҳия ба тавсиб расида, бунёд ва азнавсозии 337 иншоот ба нақша гирифта шуд. Дар натиҷаи корҳои ташвиқотӣ, теъдоди иншооти ҷашнӣ дар се моҳи охири соли ҷорӣ 13 адад афзуд. Аз шумораи умумии иншооти ҷашнӣ  соли 2018-ум 31 адад, соли 2019-ум 108 ва дар нуҳ моҳи соли ҷорӣ 81 бино сохта, ба истифода дода шуд, ки 65,3 дарсади нақшаро ташкил медиҳад. Корҳои ташвиқотию тарғиботӣ дар ин самт дар миёни соҳибкорон ва аҳолии ноҳия идома дошта, бо мақсади боло рафтани вазъи иқтисодии ноҳия ва сатҳи зиндагии сокинон теъдоди иншоот боз ҳам зиёд мегардад.
- Ноҳияи мо ба як минтақаи дилпазир табдил ёфтааст. Ба хусус маркази ноҳия – шаҳраки Исмоили Сомонӣ ба мисли шаҳрҳои обод дорои ҳама гуна шароити зиндагию фароғат аст. Ҳам чароғон ва ҳам нурборон шудааст. Биноҳо, лавҳаю овезаҳо бо равшанию зебоияшон чашмро мебаранд. Пиёдароҳҳо ҳам таҷдид шуда, барои истироҳат даҳҳо марказҳою нуқтаҳо шабонарӯзӣ дар хизматанд, - мегӯяд сокини ноҳия Ҷавҳарбӣ Пирхонова.
Илова ба ин комёбиҳо, чуноне раиси ноҳия иттилоъ дод, тибқи Барномаи рушди иҷтимоию иқтисодии ноҳияи Кӯшониён барои солҳои 2016 - 2020 дар панҷ сол нақшаҳои созандаи зиёд ба сомон расонда шуданд.
- Ҳадафи асосии барномаи мазкур таъмини рушди устувори соҳаҳои воқеии иқтисодиёт дар асоси коркарди саноатии ашёи хоми маҳаллӣ, ҷавобгӯи талабот ба роҳ мондани хизматрасонии заминавии иҷтимоӣ ва беҳтар кардани сифати зиндагии мардум мебошад. Он ҳамчун ҳуҷҷати асосӣ самтҳои афзалиятнок ва сиёсати ояндаи рушди иҷтимоӣ ва иқтисодии ноҳияро барои давраи миёнамуҳлат муайян менамояд. Ба ин барнома 217 лоиҳа бо маблағи умумии 248 миллиону 806 ҳазор сомонӣ ворид гардидааст, ки аз ин 70 лоиҳа ба маблағи 100 миллиону 245 ҳазор сомонӣ ба бахши иқтисодӣ, 94 лоиҳа ба маблағи 74 миллиону 475 ҳазор сомонӣ ба бахши иҷтимоӣ, 36 лоиҳа ба маблағи 59 миллиону 63 ҳазор сомонӣ ба бахши инфрасохтор, 10 лоиҳа ба маблағи 12 миллиону 31 ҳазор сомонӣ ба бахши ҳифзи муҳити зист ва ҳолатҳои фавқулода ва 7 лоиҳа ба маблағи 2 миллиону 713 ҳазор  сомонӣ ба бахши таъминоти захиравӣ рост меояд, - гуфт Икромиддин Вализода ва афзуд, ки дар маҷмӯъ, 84 лоиҳа ба маблағи 71 миллиону 704  ҳазор сомонӣ аз худ карда шудааст, ки 28,8 дарсадро ташкил медиҳад.
Зимнан, бо мақсади вусъат бахшидан ба корҳои ободониву созандагӣ ва беҳтар намудани маҳалҳои аҳолинишин дар ростои эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар нуҳ моҳ наздики 445 ҳазор бех гулу буттаҳои ороишии гуногун, амсоли лола ва садбарг шинонда шуда, майдонҳои Парчам ва Нишони давлатӣ бо майсаи ҳамешасабз зинат ёфт. Қариб 31 ҳазору 200 бех дарахти сояафкан, ороишӣ ва ҳамешасабз шинонда шуд.
Маркази ҷамоатҳои ноҳия, аз ҷумла шаҳраки Исмоили Сомонӣ хеле сабзу хуррам шудаанд. Аз тамошои гулу буттаҳо чашм ҳаловат мебарад, - гуфт сокини ноҳия Аҳлиддин Муборов.
Бо иқдоми мақомоти иҷроияи маҳаллии ҳокимияти давлатии ноҳия канори ҷодаҳои шаҳраки Исмоили Сомонӣ ба тартиб дароварда шуда, гулкорӣ гардиданд, пайроҳаҳо бо истифода аз тахтасангҳои ороишии бетонӣ азнавсозӣ, чароғпояҳои замонавӣ, фурӯзонакҳои баландшиддат, шиору овезаҳои зебои ватандӯстона, ангораҳои рамзӣ ва муаррифилавҳаҳо таҳия ва насб шудаанд.
Роҳҳо дар пешбурди хоҷагии халқи ноҳия аҳамияти аввалиндараҷа доранд, – мегӯяд раиси ноҳия. – Дарозии роҳҳои ноҳия 231,9 километрро ташкил медиҳад, ки аз онҳо дорои аҳамияти байналмилалӣ 34,8, ҷумҳуриявӣ 18,7, маҳаллӣ 178,4 километр мебошанд. Дар давраи сипаригаштаи соли ҷорӣ аз тарафи Вазорати нақлиёти Ҷумҳурии Тоҷикистон 450,5 ҳазор сомонӣ ва аз буҷети маҳаллӣ 10 ҳазор сомонӣ барои таъмир ва нигоҳдории роҳҳои автомобилгард ҷудо шуд. Аз ҳисоби соҳибкорон 0,27 километр роҳ ба маблағи 296 ҳазор сомонӣ таъмири асосӣ, 3,96 километр ба маблағи 31 ҳазор сомонӣ сангфарш, як адад лӯла ба маблағи 5 ҳазор сомонӣ ва 3 пул ба маблағи 24 ҳазор сомонӣ таъмиру барқарор карда шуд, ки аз ин ҳисоб каме ҳам бошад, рафтуомади бемамониати нақлиёт таъмин гардид.
Сокини ноҳияи Кӯшониён Абдулқодир Муродов бар ин назар аст, ки вазъи роҳҳои маҳаллӣ ва дохили хоҷагиҳо ҳоло хеле беҳтар шудааст. Вай афзуд: “Ман ҳамчун ронанда аз кори роҳсозон қаноатмандам. Бовар дорам, ки Тоҷикистони мо дар фурсати кӯтоҳ зери роҳбарии хирадмандонаи Пешвои миллат муҳтарам Эмомалӣ Раҳмон боз ҳам шукуфотар мешавад ва Кӯшониён ҳам дар ин радиф ҳамчун як нигини Хатлонзамин дурахш ва ҷилои бештар пайдо мекунад”.
Муҳаммадзоиршо ШАРИФЗОДА,
Зокир ҲАСАН, “Ҷумҳурият”


Баёни ақида (0)    Санаи нашр: 8.12.2020    №: 235    Мутолиа карданд: 304
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед