logo

иҷтимоиёт

ВАҚТЕ ҚАВЛУ АМАЛИ РОҲБАР ЯК АСТ...

Таърих кам шахсиятҳоеро ёд дорад, ки ҳамчун Пешвои муаззами миллати мо дар роҳи рушди ҷомеаи шаҳрвандӣ хизматҳои шоиста намуда бошад. Аз ҷониби ҳар шаҳрванди кишвар мояи ифтихор донистани ин нобиғаи арсаи сиёсат ва давлатдории муосир арҷгузорӣ ба хидматҳои барҷастаашон мебошад. Хуб дар хотир дорем, Сарвари давлат муҳтарам Эмомалӣ Раҳмон замоне, ки аксарият ба ояндаи худ бовар надоштанд, лаҳзаҳое, ки туфанг мақоми ҳукмфармоӣ дошт, рӯзгоре, ки адлу инсоф, дӯстию муҳаббат, садоқату ҳақиқатро беинсофию нобаробарӣ ва хиёнат иваз карда буданд, зимоми давлатдориро ба зимма гирифтанд. Дар замири ин шахсияти беназир хислатҳои ҳамидаи инсонӣ, аз ҷумла меҳрубонию қаҳрамонӣ, матонату ҳалимӣ, дилсӯзию ҷасорат, хоксорию ғурури миллӣ ва бо риояи одобу тавозуни хирад манфиати миллату Ватан ба ҳам омадаанд.
Раванди минбаъда нишон дод, ки Пешвои миллати мо ба суханашон содиқ ва ваъдаҳояшон устувор ҳастанд. Тамоми ибтикороташон аз зовияи мардумсолориву қонунмеҳварӣ сурат мегирад. Дар ин замина тавонистанд, ки умед ба зиндагии осоиштаро дар дили мардум эҳё намуда, халқро аз парокандагӣ, миллатро аз нестӣ ва давлатро аз завол наҷот диҳанд.
Дастовардҳои таҳти роҳбарии  Пешвои миллат бадастомада хеле зиёданд, ки зикрашон дар доираи як матлаб имконнопазир аст. Бо зикри он иктифо мекунем, ки дар солҳои 2013 – 2020 ҳаҷми воқеии маҷмӯи маҳсулоти дохилӣ беш аз ду баробар афзуда, суръати миёнаи солонаи рушди он ба 7 дарсад баробар гардид. Маҷмӯи маҳсулоти дохилӣ ба ҳар сокини мамлакат 1,7 баробар, даромади пулии аҳолӣ беш аз 2 баробар ва музди меҳнати миёнаи ҳар корманд 2,4 баробар афзоиш ёфт.
Муҳим он аст, ки зиёда аз як миллион ҷойи кор таъсис ёфта, шумораи шаҳрвандоне, ки ба муҳоҷирати меҳнатӣ мераванд, аз 1 миллиону 100 ҳазор то 460 ҳазор нафар, яъне дуюним баробар кам шуд. Сатҳи камбизоатӣ аз 38,3 дарсади соли 2013 то 26,3 дарсад дар соли 2020, яъне 12 дарсад паст шуда, дарозумрии миёнаи шаҳрвандон аз 73 то 75 сол боло рафт.
Дар давраи зикршуда муассисаҳои таҳсилоти миёнаи умумӣ барои 245 ҳазор хонанда, муассисаҳои тандурустӣ бо 9 ҳазор кат ва манзили истиқоматӣ ба масоҳати 9 миллион метри мураббаъ мавриди истифода қарор гирифтанд. Дар ин марҳила беш аз 1500 километр роҳҳои мошингард, 190 пул, 50 километр роҳи оҳан бунёд гардида, имкониятҳои транзитии кишвар тавсеа пайдо кард.
Тайи ҳафт соли охир ба соҳаи энергетикаи кишвар ҷиҳати таҷдиди иқтидорҳои амалкунанда ва бунёди иқтидорҳои нав беш аз 32 миллиард сомонӣ равона шуд. Аз ҷумла, бо саъю талоши Пешвои миллат мо дар роҳи расидан ба ҳадафи стратегии худ – истиқлолияти энергетикӣ боз як қадами бузургу устувор гузоштем, яъне ду агрегати Неругоҳи барқи обии «Роғун» - ро ба истифода супурдем, ки ин рӯйдод дар таърихи навини Тоҷикистон яке аз дастовардҳои муҳим гардид.
Саҳми Президенти мамлакат муҳтарам Эмомалӣ Раҳмон дар ҳалли мушкилоти сатҳи байналмилалии об ва ҳифзи муҳити зист низ арзанда аст. Бо ташаббуси Сарвари давлати тоҷикон чандин қарори глобалии СММ оид ба об қабул гардид. Мо аз он ифтихор дорем, ки дар ҳамоишҳои бузурги сатҳи глобалӣ Президенти Тоҷикистонро дар ин самт низ ҳамчун лидер ном мегиранд.
Дар ҷаҳони муосир эътироф ва муттаҳидии халқ дар атрофи пешвоён ва бунёдгузорони давлатҳо падидаи маъмул, муҳим ва муфид буда, мавҷудияти чунин симоҳои таърихӣ миллатро ба фардои нек роҳнамоӣ месозанд. Мо вазифадорем, ки манфиатҳои миллатро дар ҳамбастагӣ ҳифз намоем.

Фаррухшоҳ ТЕМУРОВ,
устоди Донишгоҳи давлатии молия ва иқтисоди Тоҷикистон


Баёни ақида (0)    Санаи нашр: 05.01.2021    №: 2    Мутолиа карданд: 61
04.03.2021


ФОРУМИ ҶУМҲУРИЯВӢ ОИД БА БАЛАНД БАРДОШТАНИ МАЪРИФАТИ ҲУҚУҚИИ ЗАНОН

ШАҲРИНАВ. ГУЛГАШТИ НАЗДИ МУҶАССАМАИ МИРЗО ТУРСУНЗОДА НАВСОЗӢ МЕШАВАД

КАМОНВАРӢ

Муассисаҳои таълимии олии Россия дарҳояшонро барои донишҷӯёни хориҷӣ боз намуданд

ҶАҲОН ДАР ЯК САТР

03.03.2021


Мулоқоти Зулфия Давлатзода бо Мирвайс Ноб

Дар Доғистон хотираи ҳалокшудагони ҷангро гиромӣ медоранд

ҶАҲОН ДАР ЯК САТР

ФУТБОЛ. СИТОРАҲОИ ДУРАХШОНИ ВАРЗИШИ ТОҶИК

ИФТИТОҲИ МАРКАЗИ ДӮСТӢ ВА ҲАМКОРИИ СҲШ ДАР ТОҶИКИСТОН

ҚУЛЛАИ «РАҲИМ МАСОВ» ДАР ИШКОШИМ

ҶОМИ КФО – 2021

Путин ҷиҳати муколама бо ИМА ва дигар кишварҳо омода аст

ҶАҲОН ДАР ЯК САТР

01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД


Дар сомонаҳои дигари Тоҷикистон хонед