logo

Хабарҳо

ХАТЛОН. ҶАМЪБАСТИ ОЗМУНҲОИ ОЯНДАСОЗ

Дар мақомоти иҷроияи ҳокимияти давлатии вилояти Хатлон ҷаласаи ҷамъбасти натиҷаҳои рушди иҷтимоию иқтисодии вилоят дар соли 2020 бо иштироки Сарвазири Ҷумҳурии Тоҷикистон Қоҳир Расулзода баргузор гардид.
Раиси вилоят Қурбон Ҳакимзода зикр кард, ки соли рафта сарфи назар аз таъсири манфии пандемияи коронавирус ба вазъи иқтисодию иҷтимоии минтақа ва ҷаҳон, барои вилояти Хатлон соли пешравиҳо дар аксари соҳаҳои хоҷагии халқ маҳсуб мегардад. Дар ин сол мардум бо фаъолияти аҳлонаву содиқонаи худ ба раванди пешрафту тараққиёти сарзамини биҳиштосоямон вусъати тоза бахшида, барои фардои боз ҳам ободу осудаи он заминаҳои мусоид ва пойдевори устувор гузоштанд. 
Муовини раиси вилоят Заробиддин Файзуллозода доир ба иҷрои буҷет, рушди соҳибкорӣ ва сармоягузорӣ, фаъолияти мунтазам ва самарабахши соҳаҳои иқтисодию иҷтимоии вилоят дар давраи зимистони солҳои 2020 - 2021, саноат ва энергетика, сохтмон ва меъморӣ, нақлиёт ва алоқа, кишоварзӣ, меҳнат, муҳоҷират ва шуғли аҳолӣ, суғуртаи иҷтимоӣ ва нафақа, маориф ва илм, тандурустӣ, фарҳанг, варзиш ва ҷавонон, кор бо занон ва оила, сайёҳӣ ва ҳунарҳои мардумӣ, иттилоот ва табъу нашр, дин, танзими анъана ва ҷашну маросим, вазъи нигоҳдории тартиботи ҷамъиятӣ, муроҷиатҳои шахсони воқеӣ ва ҳуқуқӣ ҳарф зад.
Сарвазири мамлакат Қоҳир Расулзода доир ба мушкилоти ҷойдошта дар соҳаҳои саноату сохтмон, ҷамъоварии андозҳо, бунёди корхонаҳои коркарди маҳсулоти кишоварзӣ ва воридотивазкунанда, таъмини шароити арзанда барои кору зиндагии сокинон сухан гуфта, ба роҳбарони вазорату идораҳои ҷумҳуриявӣ дастур дод, ки ҷиҳати таъмини рушди соҳаҳои иқтисодию иҷтимоии вилояти Хатлон ҳамаҷониба мусоидат намоянд.
Сипас, бо иштироки Қоҳир Расулзода ва Қурбон Ҳакимзода тақдими ҷоизаҳои раиси вилояти Хатлон - “Ободгари Ватан” баргузор шуд. 
Озмуни мазкур бо мақсади иҷрои Амри Президенти Ҷумҳурии Тоҷикистон оид ба омодагии ҳамаҷониба ба Ҷашни 30 - солагии Истиқлолияти давлатии Ҷумҳурии Тоҷикистон доир гардида, ҳар семоҳа ба соҳибкорон ва шахсони саховатпешае, ки дар корҳои ободонию созандагӣ саҳми назаррас мегузоранд, тақдим мегардад. 
Кумитаи тадорукоти озмуни вилоятии “Ободгари Ватан” дар семоҳаи чоруми соли 2020 соҳибкори маҳаллӣ Шодиҷон Раҷабовро барои бунёди маркази саломатӣ дар деҳаи Деҳбаланди ноҳияи Муъминобод, Ориф Раҷабовро барои сохтмони маркази саломатӣ дар деҳаи Каромати деҳоти Исмат Шарифи ноҳияи Данғара, Раҷабалӣ Нозиловро барои ба истифода додани мактаб барои 144 ҷойи нишаст дар деҳаи Гулафшони деҳоти Оқсуи ноҳияи Данғара қадр кард. 
Ҳамчунин, озмуни «Беҳтарин шаҳраку деҳот» дар соли 2020 натиҷагирӣ шуд.
Озмуни мазкур бо мақсади вусъат додани корҳои ободонӣ, бунёдкорию созандагӣ, ҷалби сармоя ва соҳибкорони ватанӣ, мусоидат ба рушди иҷтимоию иқтисодӣ, таъсиси ҷойҳои нави корӣ дар вилоят, шаҳру ноҳияҳо, ҷамоатҳои шаҳраку деҳот, ташвиқу тарғиб ва дастрас намудани таҷрибаи пешқадам ба дигарон, гиромидошти арзишҳои ваҳдати миллӣ, таҳкими ҳувияти миллӣ, тарғиб ва оммавигардонии суннатҳои беҳтарини миллӣ дар вилояти Хатлон доир шуд.
Бо ин мақсад дар озмунҳо 1561 деҳа, 23 ҷамоати шаҳрак, 132 ҷамоати деҳот аз 25 шаҳру ноҳия иштирок намуданд. Инчунин, дар марҳилаи дуюми озмуни вилоятӣ барои муайян намудани беҳтарин оила, деҳа ва деҳот дар ҷамоатҳои деҳоти шаҳру ноҳияҳо ва беҳтарин оила, кӯча, маҳалла ва шаҳрак дар ҷамоатҳои шаҳраки шаҳру ноҳияҳо довталабон пешниҳод шуда буданд.
Тибқи ҷадвали тасдиқгардида марҳилаи якуми озмуни вилоятӣ дар шаҳру ноҳияҳо то 1 ноябри соли 2020 ҷамъбаст гардида, ба ғолибони озмун диплом, ифтихорнома, туҳфаҳои хотиравӣ, аз ҷумла мукофотпулиҳо, дар ҳаҷми аз 200 то 6000 сомонӣ супурда шуданд.
Омӯзиши комиссияи вилоятӣ нишон дод, ки Низомномаи озмуни вилоятӣ дар шаҳру ноҳияҳо риоя гардида, дар доираи он корҳои назарраси ободонӣ, сохтмону бунёдкорӣ, кабудизоркунию ниҳолшинонӣ ва тозаю озода намудани маҳали зистро анҷом доданд.
Дар вазъияти тантанавӣ Қоҳир Расулзода ва Қурбон Ҳакимзода мукофотҳоро ба ғолибон аз рӯйи номинатсияи “Ҷамоати шаҳраки беҳтарин”, “Ҷамоати деҳоти беҳтарин”, “Деҳаи беҳтарин”, “Маҳаллаи беҳтарин”, “Кӯчаи беҳтарин”, “Оилаи беҳтарин”  -и шаҳрак, “Оилаи беҳтарин” –и  деҳот бо диплом ва мукофоти пулӣ дар ҳаҷми 6000 сомонӣ (ҷойи якум), 4000 сомонӣ (ҷойи дуюм) ва 2000 сомонӣ (ҷойи сеюм) супурданд. 
 
Муҳаммадзоиршо ШАРИФЗОДА,
Зокир ҲАСАН, “Ҷумҳурият”


Баёни ақида (0)    Санаи нашр:    №:    Мутолиа карданд: 150
01.03.2021


ВМКБ. ОЗМУНИ «ДАСТАРХОНОРОӢ» ҶАМЪБАСТ ГАРДИД

ФФТ БАРНОМАИ МАХСУСИ ПРЕЗИДЕНТ БАРОИ РУШДИ ФУТБОЛ ДАР ДЕҲОТ

«ҚОНУНИ ТИБ» БОЗНАШР ШУД

ТАЪСИСИ КОРХОНАИ ХУРДИ ИЛМӢ - ИСТЕҲСОЛИИ МАВОДИ ДОРУВОР

КОРВОНИ САЛОМАТӢ ДАР ЛАХШ

27.02.2021


Ҷаҳон дар як сатр

Си Ҷинпин изҳор намуд, ки Чин бар бенавоӣ комилан пирӯз гардид

Масъулиятро нисбат ба он мансабдорҳое, ки душаҳрвандӣ доранд, бояд сахттар намуд

ИМА имкони тамдиди ҳузури низомиёнашро дар Афғонистон истисно намекунад

Кишварҳои Иттиҳоди Аврупо ба таҳияи «шиносномаи эмкунӣ» - и ягона ба мувофиқа расиданд

ТЕННИС ВА НАҚШИ «ҶУМҲУРИЯТ» ДАР ОММАВИЯТИ ВАРЗИШ

25.02.2021


ХАДАМОТИ ГУМРУК. ҚОНУНШИКАНӢ КАМ ВА ПАРДОХТҲОИ ГУМРУКӢ ЗИЁД ШУДАНД

«ТОҶИКОН» ДАР ТОҶИКОБОД

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

КИШОВАРЗӢ. 11 КОРХОНАИ ПАРАНДАПАРВАРӢ ТАЪСИС МЕЁБАД

TASHKENT GRAND SLAM 2021. ТОҶИКИСТОНРО КИҲО МУАРРИФӢ МЕКУНАНД?

ҶАҲОН

ҶАҲОН ДАР ЯК САТР

24.02.2021


ҶАҲОН

ҶАҲОН ДАР ЯК САТР

23.02.2021


ХИЗМАТИ ДАВЛАТӢ. СУОЛИ "ҶУМҲУРИЯТ" ОШКОР КАРД, КИ ДАР КАДОМ МАҚОМОТ БОНУВОН ҶАЛБ НАМЕШАВАНД

22.02.2021


ҶОМИ ФФТ – 2021. "ИСТИҚЛОЛ" МАРОТИБАИ ШАШУМ СОҲИБИ ҶОМИ ФФТ ШУД

АЗ НИШАСТҲОИ МАТБУОТӢ

МИЗИ МУДАВВАР. БАРРАСИИ МАВЗӮИ КОРКАРДИ НАХИ ПАХТА ТО МАҲСУЛОТИ НИҲОӢ

ХАТЛОН. ҶАМЪБАСТИ ОЗМУНҲОИ ОЯНДАСОЗ

19.02.2021


АЪЗОИ ТАШКИЛОТИ ТЕРРОРИСТИИ «ҲИЗБ УТ-ТАҲРИР» БА ДАСТ АФТОДАНД

ҶАҲОН ДАР ЯК САТР

АЗ НИШАСТҲОИ МАТБУОТӢ

АЗ НИШАСТҲОИ МАТБУОТӢ

ДУШАНБЕ. ИҚДОМОТИ БЕСОБИҚАИ ШАҲРДОРӢ ДАР ТАҲКИМИ ҲАВАСМАНДИИ ҶАВОНОН БА АРТИШ

«САНЪАТШИНОСӢ» ПАДИДАИ НАВ ДАР ҲУНАРШИНОСИИ ТОҶИК

ИММУНИЗАТСИЯ. БЕМОРИИ ФАЛАҶРО ПЕШГИРӢ МЕКУНЕМ!

ҶАҲОН

ҶАҲОН ДАР ЯК САТР

17.02.2021


АЗ НИШАСТҲОИ МАТБУОТӢ


Дар сомонаҳои дигари Тоҷикистон хонед