logo

Хабарҳо

АЗ РАШТ ТО ЛАХШ. АВЛАВИЯТ БА ТАВСЕАИ ЗАМИНҲОИ КИШТ

Тавре зимни натиҷагирии фаъолияти солонаи Агентии беҳдошти замин ва обёрӣ зикр гашт, надоштани оби полизӣ аз замони шӯравӣ чун мушкили ҳалношудаи мавзеи Ҳоити ноҳияи Рашт боқӣ мондааст. Ҳамакнун, бо дастгирии Пешвои миллат ин заминҳои лабташна низ то Ҷашни 30 - солагии Истиқлолияти давлатӣ шодоб хоҳанд гашт. Дар ин мавзеъ, аллакай, лӯлаҳои обгузар насб гардида, корҳои лоиҳакашӣ рафта истодаанд. 
Мавзеи Камчароғи ноҳияи Рашт низ, ки тавассути канал обёрӣ мешавад, 30 сол боз аз об маҳрум аст. Масоҳати он 250 гектарро ташкил дода, бо кашидани лӯлаҳои обгузар ин заминҳо ҳам ба гардиши кишоварзӣ дароварда мешаванд. 
Ба таъкиди раиси агентӣ Холмурод Раҳмон, дар ноҳияи Лахш таваҷҷуҳи асосӣ ба зиёд намудани майдони кишти картошка равона гардида, бо барқарор намудани каналҳои Пиёзӣ, Ғуломак ва Ҷонқирғиз 500 гектар замин ба дасти деҳқон мерасад. Дар деҳаи Қарашурдаи ноҳия беҳсозии  вазъи обёрии 250 гектар замин ба нақша гирифта шудааст. 
Дар мавриди татбиқи лоиҳаҳои сармоягузорӣ гуфта шуд, ки айни замон 4 лоиҳа мавриди амал қарор дошта, дар доираи татбиқи лоиҳаи «Идоракунии захираҳои оби водии Фарғона» бо дастгирии Бонки ҷаҳонӣ инфрасохтори обёрии ноҳияҳои Дӯстӣ, Кӯшониён, Вахш, Ҷалолиддини Балхӣ ва Ҷайҳун тақвият бахшида мешавад. Инчунин, қарор аст бо Бонки Осиёии Рушд шабакаю дигар инфрасохтори обёрии ноҳияҳои Ёвон, Абдураҳмони Ҷомӣ ва Хуросон барқарор гарданд. 
Лоиҳаи «Идоракунии захираи об дар ҳавзаи дарёи Панҷ» бошад, дар ноҳияҳои Фархору Мир Саид Алии Ҳамадонӣ ва Восеъ мавриди амал қарор дорад. Бунёди ҳавзи обтаҳшинкунӣ дар ноҳияи Мир Саид Алии Ҳамадонӣ яке аз афзалиятҳои лоиҳаи мазкур унвон мешавад. Зеро бар асари серқум будани оби дарёи Панҷ зарурат пеш меомад, ки ҳар сол каналҳо ду маротиба тоза шаванд. Вале бо супориши Роҳбари давлат бунёди ҳавз оғоз ёфт, ки дастрасии се ноҳияро бо оби тоза фароҳам меорад.  
Мавриди зикр аст, ки соли гузашта аз ҷониби идораҳои оби шаҳру ноҳияҳо ба маблағи беш аз 8,5 миллион сомонӣ корҳои мелиоративӣ ба анҷом расонда шуда, ҳолати ғайриқаноатбахши обёрии беш аз 10 ҳазор гектар замини кишоварзӣ беҳ шуда, нақша барзиёд таъмин гашт. Дар баробари ин, 336 гектар замини нави обёришаванда аз худ ва 2065 гектар замини дигар ба гардиши кишоварзӣ ворид гардид, ки 1265 гектари он аз нақша зиёд аст. Ҳоло корҳо барои азхудкунии мутаносибан 250 ва 140 гектар замини нав дар мавзеи Ҳоити ноҳияи Рашт ва Ҷамоати деҳоти Лоиқ Шералии шаҳри Панҷакент идома доранд.
 
М. ҚОДИРОВА,  «Ҷумҳурият»


Баёни ақида (0)    Санаи нашр:    №:    Мутолиа карданд: 216
14.04.2021


ҶАМЪБАСТИ ОЗМУНИ ҶУМҲУРИЯВИИ "САЙРИ ГУЛИ ЛОЛА"

ҲИЛОЛИ АҲМАРИ ТОҶИКИСТОН. КУМАК БА ЗИЁДА АЗ 9300 НИЁЗМАНД БА МУНОСИБАТИ МОҲИ РАМАЗОН

Навидҳои фарҳанг

Табрикоти кайҳоннавардон ба муносибати 60-солагии парвози инсон ба кайҳон

Ҷаҳон дар як сатр

12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД


Дар сомонаҳои дигари Тоҷикистон хонед