logo

иҷтимоиёт

БОҒИ МИЛЛИИ ТОҶИКИСТОН БА МУАРРИФИИ БЕШТАР НИЁЗ ДОРАД!

Яке аз мавзеъҳои хеле аҷибу ҳайратангези ҷаҳон, ки ҳамасола барои дидани он садҳо сайёҳ аз гӯшаҳои гуногуни ҷаҳон ташриф меоранд, ин Боғи миллии Тоҷикистон мебошад. Он имрӯз ба маркази сайёҳии экологӣ, кӯҳнавардӣ, саргузаштӣ, шухпаймоӣ ва омӯзишии Тоҷикистон табдил ёфтааст. 
 
Ин ҷо дар як манзараи воҳид якчанд объектҳои сайёҳӣ назири қуллаҳои Исмоили Сомонӣ (7495 м.), Абуалӣ ибни Сино (7134 м.), Корженевский (7105 м.), пиряхи Федченко ба масоҳати тақрибан 700 километри мураббаъ, кӯлҳои Сарез, Қарокӯл, Булункӯл, Зоркӯл мавҷуданд, ки мавзеъҳои маъруфи сайёҳии ҷаҳон маҳсуб меёбанд. 
Ҷаҳонгардон ба боғ барои шухпаймоиву кӯҳнавардӣ дар баландкӯҳҳои он, шиносоӣ бо намудҳои нодири ҳайвонот, паррандагон, наботот, обанборҳо, чашмаҳо, истироҳат дар  табиати минтақаи кӯҳӣ, ки дар шакли табииву навофаридашудаи худ боқӣ мондаанд, меоянд. Кӯҳҳои босалобату водиҳои сарсабз, дарёҳои боғалаёну кӯлҳои оби мусаффо, марғзору бешаҳои кӯҳӣ бо оромиву тароват ҳамеша сайёҳони аз шаҳрҳои калон меомадаро ҷалб менамоянд. 
Ин нахустин мероси табиӣ дар Тоҷикистон мебошад, ки ба Феҳристи мероси ҷаҳонии ЮНЕСКО шомил шудааст. Боғ дар бузургӣ дар Осиёи Марказӣ назир надорад. Масоҳати он 2,6 миллион гектар буда, 18 дарсади масоҳати умумии Тоҷикистон, 60 дарсади ҳудуди Вилояти Мухтори Кӯҳистони Бадахшон ва 40 дарсади минтақаҳои Лахшу Сангворро дар бар мегирад. Дар ин макон  набототу ҳайвоноти нодир, аз ҷумла бабри барфӣ, хирс, архар, бузҳои кӯҳӣ ва парандагони дарранда вуҷуд доранд. Боғ манбаи захираи оби ошомиданӣ аст. Дар ин ҷо беш аз ҳазор пирях мавҷуд буда, метавонад аҳолии Осиёи марказиро бо оби тозаи ошомиданӣ таъмин созад. Рӯдҳои Ғунд, Шоҳдара, Бартанг, Язгулом, Ванҷ, Мурғоб, Помир аз ин макон сарчашма мегиранд ва оби худро ба дарёи Панҷ мерезанд, ки дар навбати худ ба дарёи Вахшу Кофарниҳон омехта, Амударёро ташкил медиҳанд ва заминҳои поёнобро шодоб мегардонад. Муаррихон соли 2001 дар дохили боғ, назди кӯли Қарокӯл қабристони қабилаи сакоиҳоро пайдо намуданд ва ба хулосае омаданд, ки он таърихи 5 - ҳазорсола дорад. Дар боғ, ҳамчунин, чоҳҳое мавҷуданд, ки аз таъсири афтидани метеорит пайдо шудаанд. Бино ба иттилои таърихшиносон, кӯли Қарокӯл низ 15-20 миллион сол қабл дар натиҷаи афтидани метеорит ба вуҷуд омадааст ва миёни 20 кӯли калонтарини дунё, ки бар асари афтидани метеорит пайдо гаштаанд, дар ҷойи 15- ум қарор дорад. 
Боғи миллии Тоҷикистон  ба қисмати марказии Помиру Олой дохил мешавад, ки қисми шарқии қаторкӯҳҳои Ванҷ, Язгулом ва Дарвоз, қуллаҳои баландтарини Осиёи Марказӣ ва Иттиҳоди давлатҳои мустақилро дар бар гирифтааст.
Ҳадаф аз таъсиси боғ нигоҳдошти захираҳои нодири табиӣ, навъҳои камёфту нобудшавандаи набототу ҳайвонот, минтақаҳои экологӣ, ёдгориҳои табиӣ, фарҳангиву таърихӣ, ташкил ва рушди сайёҳӣ мебошад.
 
Ш. ҚУРБОН,
«Ҷумҳурият»


Баёни ақида (0)    Санаи нашр: 29.03.2021    №: 60 - 61    Мутолиа карданд: 145
26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр

ЛИГАИ ОЛӢ

10.11.2021


Вохӯрии Сироҷиддин Муҳриддин бо кормандони Сафорати Тоҷикистон дар Россия

ҶАЛАСАИ САЙЁРИ РУШДИ МАҲАЛ


Дар сомонаҳои дигари Тоҷикистон хонед