logo

Хабарҳо

АЗ НИШАСТҲОИ МАТБУОТӢ

КҲФ. 383 амалиёти фаврӣ дар ним сол
- Дар шаш моҳи аввали соли равон дар Ҷумҳурии Тоҷикистон 299 ҳодисаи фавқулодаи табиӣ ба қайд гирифта шуда, аз ин 38 ҳодиса ба хоҷагии ҳалқ зарар расондааст. Аз ҷумла, бар асари ҳодисаҳо 337 хонаи истиқоматӣ (140 хона пурра ва 197 қисман), 8 бинои муассисаи таҳсилоти миёнаи умумӣ ва муассисаҳои томактабӣ, 3492 гектар майдони кишт, 42 пул ва 212 километр роҳ осеб диданд, - гуфт Имомалӣ Иброҳимзода, муовини раиси Кумитаи ҳолатҳои фавқулода ва мудофиаи гражданӣ, зимни нишасти матбуотӣ.
Зикр гардид, ки яке аз самтҳои муҳими фаъолияти кумита ташкил ва гузарондани корҳои пешгирии садамаҳо ва омӯзиши наҷотдиҳӣ мебошад. Дар нимсолаи аввал наҷотдиҳандагони кумита дар бартарафсозии пайомадҳои ҳолатҳои фавқулодаи табиӣ ва техногенӣ ширкат намуда, дар натиҷаи гузарондани 383 амалиёти фаврӣ ҷони 183 нафарро аз хатар наҷот доданд.
Комрон САФАР,  «Ҷумҳурият»
 
 
Боз дар бораи буриши ғайриқонунии дарахтон
Буриши дарахтон баъд аз таъмини пурраи аҳолӣ, хусусан аҳолии деҳот бо неруи барқ кам шуда бошад ҳам, дар нимсолаи аввали соли равон дар ҷумҳурӣ 657 ҳолати ғайриқонунӣ буридани дарахтон ба маблағи зарари 411,4 ҳазор сомонӣ ба қайд гирифта шудааст. Дар ин бора иттилоъ дод Абдуҷаббор Юсуфзода, директори Агентии хоҷагии ҷангали назди Ҳукумати Ҷумҳурии Тоҷикистон. 
Ба гуфтаи номбурда, буриши ғайриқонунии дарахтон бештар аз ҷониби хоҷагиҳои деҳқонӣ, ки ба заминҳои фонди хоҷагии чангал шомиланд, анҷом дода мешавад. Аз ин рӯ, маблағи зарари аз хоҷагиҳо, махсусан роҳбарони онҳо расондашуда 110 ҳазор сомониро ташкил медиҳад. Алҳол масъалаи бунёд ва барқарорсозии ҷангал, ки асоси онро дарахтони бисёрсолаю сояафкан ва буттаву арчазор ташкил медиҳанд, дар меҳвари таваҷҷуҳи роҳбарияти агентӣ қарор дошта, ҷиҳати ҳарчи зудтар бартараф кардани қонуншиканиҳо дар ин самт чораҳои қатъӣ андешида мешаванд. 
Оҳистамоҳ ВАФОБЕК, “Ҷумҳурият”
 
 
Ҳамкорӣ бо синамогарони Ӯзбекистон густариш меёбад
Дар заминаи баргузории Рӯзҳои кинои Ҷумҳурии Ӯзбекистон дар Тоҷикистон миёни Муассисаи давлатии «Тоҷикфилм» ва Агентии кинематографияи Ӯзбекистон Меморандуми ҳамкорӣ ба тасвиб расид. Ин нуктаро зимни нишасти матбуотӣ Маҳмадсаид Шоҳиён, директори Муассисаи давлатии «Тоҷикфилм», иброз намуд. 
Зикр гардид, ки омодагиҳо барои таҳияи филми ҳунарии «Ҷомӣ ва Навоӣ», ки аз ҷониби роҳбарияти олии ду кишвари дӯсту бародар пешниҳод шудааст ва филмномаи «Сангҳо ва об»-и Искандар Усмонов дар ҳамкорӣ бо синамогарони Ӯзбекистон идома дошта, дар ин самт гурӯҳҳои корӣ таъсис дода шудаанд.
- Даври омодагӣ барои таҳия ва наворбардории филми ҳунарии «Ситораи ноаён» - и коргардон Муҳаббат Сатторӣ дар ҳамкорӣ бо синамогарони Ӯзбекистон оғоз гардида, наворбардории филм моҳи сентябри соли ҷорӣ дар назар аст, - гуфт Маҳмадсаид Шоҳиён.
Комрон САФАР, «Ҷумҳурият»
 
 
КОНСЕРВАТОРИЯИ МИЛЛӢ
Фаъолияти студияи операвӣ ҷоннок мегардад
Миралӣ Достизода, ректори Консерваторияи миллии Тоҷикистон ба номи Т. Сатторов, зимни нишасти матбуотӣ гуфт, ки аз соли 2017 дар консерватория студияи операвӣ фаъолият мекунад. Ба ҳайати он донишҷӯён ва иллюстраторони шуъбаи сарояндагии академӣ ва созҳои оркестрӣ шомил гардидаанд. 
Мавсуф тазаккур дод, ки дастоварди бузурги консерватория дар ҷодаи илм, ин конфронси ҷумҳуриявии илмӣ – амалӣ таҳти унвони “Методикаи суннатии устод – шогирд ва татбиқи он дар мактаби олии мусиқӣ: эҳё ва инноватсия” буд, ки тибқи нақшаи Дастгоҳи иҷроияи Президенти Ҷумҳурии Тоҷикистон ташкил ва баргузор шуд. Дар он ҳунармандон аз Ҷумҳурии Ӯзбекистон низ ширкат доштанд.  
Инчунин, гузарондани консертҳои синфӣ яке аз самтҳои асосии фаъолияти таълимии омӯзгорони консерватория ба ҳисоб меравад.  Аз моҳи феврал бахшида ба 30 - солагии Истиқлолияти давлатии Ҷумҳурии Тоҷикистон ва Солҳои рушди деҳот, сайёҳӣ ва ҳунарҳои мардумӣ зиёда аз 40 консерти синфии омӯзгорон дар сатҳи баланди касбӣ баргузор гашт.
Гулнисои САЪДОНШО,  “Ҷумҳурият”
 


Баёни ақида (0)    Санаи нашр:    №:    Мутолиа карданд: 329
17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД

ҶИУ-ҶИТСУ

МУЛОҚОТИ ЭМОМАЛӢ РАҲМОН БО НИКОЛ ПАШИНЯН

15.09.2021


Лоиҳаи Қонун «Дар бораи фаъолияти инжинирингӣ» баррасӣ гашт

ЛИГАИ ҚАҲРАМОНҲО

Рӯйдодҳои илмӣ

ХУҶАНД. БОЗ ЧАНД ИНШООТИ НАВИ ҶАШНӢ ДАР ХИЗМАТИ СОКИНОН

14.09.2021


Нахустин вохӯрии сарварони кишварҳои узви СҲШ ва СААД оид ба вазъи Афғонистон дар Душанбе

МАКТАБИ СИЁСИИ ПЕШВОИ МИЛЛАТ КОРШИНОСОНУ МУҲАҚҚИҚОНИ ДОХИЛУ ХОРИҶРО БА ҲАМ МЕОРАД

“МАРҲАБО БА 20-СОЛАГИИ СҲШ”

I БОЗИҲОИ КИШВАРҲОИ ИДМ

ЛАХШ. ИММУНИЗАТСИЯ БО МАРОМ ИДОМА ДОРАД

13.09.2021


Маҷаллаи «Diplomatisches Magazin» дастовардҳои Тоҷикистонро муаррифӣ намуд

Дар Афғонистон ҷанг бо «Толибон» дубора авҷ гирифт

Ҷаҳон дар як сатр

ГӮШТИИ МИЛЛӢ

«ФАРҲАНГИ ДОРО»-И ДОРО

«ЧОРСӮ» ДАР КӮЛОБ МАКТАБ СОХТ

СУДҲОИ ИҚТИСОДӢ САМАРАИ СОҲИБИСТИҚЛОЛИИ ДАВЛАТИАНД

ТАНТАНАИ ҶАШНИ МИЛЛӢ ДАР МУРҒОБ

08.09.2021


Маҷлиси намояндагон Қонуни авфро қабул кард

Задухӯрдҳои шадид дар водии Панҷшери Афғонистон идома доранд

Ҷаҳон дар як сатр

I БОЗИҲОИ КИШВАРҲОИ ИДМ

СОЗМОНИ ҲАМКОРИИ ШАНХАЙ. БАРРАСИИ МАСЪАЛАҲОИ МУҲОҶИРАТ

ТАҶЛИЛИ 30-СОЛАГИИ ИСТИҚЛОЛ ДАР БМТ

06.09.2021


БОЗИҲОИ ПАРАЛИМПӢ

03.09.2021


Шумораи махсуси маҷаллаи “Business Central Asia” бахшида ба 30-солагии Истиқлоли давлатии Тоҷикистон

«ТАШАББУСҲОИ ПРЕЗИДЕНТИ ҶУМҲУРИИ ТОҶИКИСТОН ЭМОМАЛӢ РАҲМОН ДАР ТАНЗИМИ МАСЪАЛАИ АФҒОНИСТОН»


Дар сомонаҳои дигари Тоҷикистон хонед