logo

иқтисод

ҲАДАФИ ЧОРУМИ СТРАТЕГӢ. ГУРӮҲИ КОРХОНАҲОИ «ҒАЮР» ДАР ТАТБИҚИ ОН САҲМИ ОЯНДАСОЗ ДОРАНД

 
Аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳамчун ҳадафи чоруми стратегӣ эълон гардидани саноатикунонии босуръати кишвар миёни ҷомеа ҳамовозии гарм пайдо намуд ва бунёди корхонаву коргоҳҳои саноатӣ дар ҷумҳурӣ вусъати тоза касб кард. Қобили зикр аст, ки дар ин ҷода гурӯҳи корхонаҳои «Ғаюр», ки роҳбарии онро Акбар Ғуломов ба дӯш дорад, саҳми бориз мегузорад.
Тавре зимни суҳбат бо хабарнигори рӯзнома директори иҷроияи гурӯҳи корхонаҳои «Ғаюр» Юсуф Сафаров иброз дошт, ширкатҳои тобеи гурӯҳ дар самти ҷалби сармояи хориҷӣ ва таъсиси корхонаҳои саноатӣ фаъолияти пурсамар дошта, давра ба давра вобастагии бозори мамлакатро аз маҳсулоти воридотии сохтмонию нассоҷӣ коҳиш медиҳанд. Дар баробари ин, гурӯҳи корхонаҳо ба таъсиси ҷойҳои нави кор, бозомӯзии мутахассисон, ворид намудани технологияҳои муосири инноватсионӣ, ба роҳ мондани истеҳсолоти ивазкунандаи воридот ва маҳсулоти ба содирот нигарондашуда ва беҳтар кардани тавозуни гардиши савдои хориҷӣ таваҷҷуҳи хоса зоҳир менамояд.
- Гурӯҳи корхонаҳои «Ғаюр» дар самти истеҳсоли семент, варақаҳои гаҷкартон, оҳак, ранг ва дигар маҳсулоти сохтмонии ороишӣ, халтаҳои полипропиленӣ, фурӯзонакҳои диодӣ ва маҳсулоти нассоҷӣ ба натиҷаҳои хуб ноил гардидааст. Иқтидори истеҳсолии корхонаҳои истеҳсолӣ зиёда аз 2,5 миллион тонна семент, 5 миллион дона гаҷкартон, 10 ҳазор тонна ранг, 70 миллион дона халтаи полипропиленӣ, 1,2 миллион дона фурӯзонаки диодӣ, 55 миллион дона маҳсулоти нассоҷӣ (ҷӯроб ва дастпӯшак) ва 60 ҳазор тонна оҳаки пухтаро ташкил медиҳад,- афзуд Юсуф Сафаров.
 
КОРХОНАЕ, КИ ТАЛАБОТИ  КИШВАРРО БО ФУРӮЗОНАКҲО ҚОНЕЪ МЕСОЗАД
Яке аз ширкатҳои тобеи гурӯҳи корхонаҳои “Ғаюр” корхонаи муштараки Тоҷикистону Корея оид ба истеҳсоли фурӯзонакҳои диодӣ мебошад, ки иқтидори моҳонаи тавлидотии он 100 ҳазор дона лампаро ташкил медиҳад ва талаботи бозори дохилиро пурра қонеъ месозад.  Аз ин лиҳоз, корхона нақша дорад, ки маҳсулоташро ба Федератсияи Россия, Ӯзбекистон, Қазоқистон, Озарбойҷон, Қирғизистон,Ҷумҳурии Исломии Афғонистон, Амороти Муттаҳидаи Араб, Қатар ва ғайра содирот намояд.
Фурӯзонакҳои диодӣ тибқи технологияи инноватсионии  яке аз шарикони корхонаи «Ғаюр» ширкати кореягии RF Semi истеҳсол гардида, зиёда аз сад ҳазор соат вақти самараноки корӣ доранд. Ғайр аз ин, бо истифода аз технологияи «Dimming» (баланду паст кардани рӯшноӣ) метавон  қувваи барқро то 90 дарсад сарфа намуд.
Фурӯзонакҳо дорои дараҷаи устувории IP 67 мебошанд. Рақами 6 ба пуррагӣ муҳофиз будани таҷҳизотро аз гарду чанг ифода карда, рақами 7 нишондиҳандаи устувории таҷҳизот барои кор дар об давоми то 30 дақиқа аст. Инчунин, фурӯзонакҳо ба якбора баланду пастшавии шиддати барқ устуворанд. Ин нишондиҳанда мувофиқи талаботи IEEE/ANSI C62.41.2 аз санҷиш гузаштааст. Фурӯзонакҳо  дар ҳарорати ҳавои  – 40 0С то зиёда аз +60 0С метавонанд кор кунанд.
Ғайр аз ин, лампаҳо аз тариқи таҷҳизоти ҳушманд фосилавӣ идора шуда, дар вақтҳои кам гардидани рафтуомади воситаҳои нақлиёт ва пиёдагардҳо шиддати қувваи барқ дар онҳо паст мегардад. Ин имкон медиҳад, ки қувваи барқ сарфа ва муҳлати истифодаи фурӯзонакҳо дароз шавад. Инчунин, кори фурӯзонакҳо бесадо буда, барои кор дар шароити борону тӯфонҳои шадид пешбинӣ шудаанд, ки барои шаҳр хеле муносиб аст. 
Бино ба гуфтаи Юсуф Сафаров, корхона истеҳсоли тасмаҳои диодӣ ва намудҳои гуногуни лампаҳоро ба роҳ мондааст, ки истифодаи онҳо қувваи барқро аз 40 то 90 дарсад сарфа мекунад. Муҳлати кафолати ин фурӯзонакҳо аз 3 то 5 сол мебошад.
 
ТАҶРИБАИ НАВ ДАР ИСТЕҲСОЛИ МАҲСУЛОТИ  САНОАТИ САБУК
Дигар кохонаи тобеи гурӯҳ корхонаи нассоҷии «Ваҳдат Текстайл» буда, он зиёда аз 100 номгӯи ҷӯроб  ва дастпӯшакро тавлид  карда, талаботи бозори дохилиро қонеъ месозад ва, дар баробари ин, 80 дарсади маҳсулоташро ба Федератсияи Россия ва  Қазоқистон содирот мекунад. Корхона дар як сол зиёда аз 34 миллион ҷуфт ҷӯробҳои баландсифати пахтагӣ ва зиёда аз 10 миллион ҷуфт дастпӯшакҳои корӣ истеҳсол менамояд. Ашёи хом барои истеҳсоли маҳсулоти нассоҷӣ аз пахтаи ватанӣ мебошад.
Қобили зикр аст, ки 22 декабри соли гузашта корхонаи мазкур ба мукофоти баландтарини «Озмуни дарёфти ҷоизаи Иттиҳоди Давлатҳои Мустақил дар самти сифати маҳсулот ва хизматрасонӣ» ноил гардид. Бояд зикр кард, ки корхонаи истеҳсоли ҷӯробҳо аввалин ширкате мебошад, ки дар Тоҷикистон  ба чунин дастовард ноил гардидааст.
 
МАҲСУЛОТИ ВОРИДОТИВАЗКУНАНДА  ВА СОДИРОТИИ «ҒАЮР»
Ҳамсуҳбатамон  Юсуф Сафаров, ҳамчунон, зикр кард, ки корхонаҳои истеҳсоли сементи ноҳияҳои Ёвону Бобоҷон Ғафуров ду навъ – М 400 ва М 500 бо тамғаҳои молии «Huaxin Cement», «Uqob Cement» ва «Gayur Cement» истеҳсол карда, дар баробари таъмини бозори дохилӣ бо ин намуди маҳсулоти сохтмонӣ, инчунин, онро  ба Ӯзбекистон, Қирғизистон ва Ҷумҳурии Исломии Афғонистон содирот мекунанд.
Корхонаи истеҳсоли варақаҳои гаҷкартон се навъ маҳсулот: шифтҳои “Армстронг”, варақаи гаҷкартони андозаи 9,5 мм, 12,5 мм, ба намӣ тобоваранда истеҳсол мекунад. Шифтҳои “Армстронг”, ки, асосан, дар биноҳои маъмурӣ ва корӣ истифода мегарданд, дар баробари бозори дохилӣ, ҳамзамон, ба Ӯзбекистону Қазоқистон ва Ҷумҳурии Исломии Афғонистон содирот мешаванд.
Корхонаи истеҳсоли рангҳо, ки дар Минтақаи озоди иқтисодии «Данғара» қарор дорад, 14 намуд ранги равғанӣ ва декоративӣ бо тамғаҳои «Рангҳои Ғаюр» ва «G Paint» истеҳсол мекунад ва онҳо дар бозорҳои кишвар ба фурӯш гузошта шудаанд. Дар назар аст, ки моҳҳои наздик содироти ин маҳсулот ба Ҷумҳурии Исломии Афғонистон роҳандозӣ шавад.
Корхонаи истеҳсоли халтаҳои полипропиленӣ бо технологияи Ad*Star воқеъ дар шаҳри Душанбе барои таъмини эҳтиёҷоти соҳаи саноат (семент ва дигар маҳсулоти хокаи сохтмонӣ), кишоварзӣ (орд, гандум ва дигар маҳсулоти ғизоӣ) ва кимиёвӣ (маҳсулоти гуногуни кимиёвӣ) халтаҳои дорои клапани автоматӣ истеҳсол менамояд. Ҳамчунин, соли ҷорӣ воридоти таҷҳизоти коркарди партовҳои пластмассӣ ва истеҳсоли халтаҳо барои соҳаи саноати кӯҳкорӣ дар назар аст.
 
Шаҳбоз АБРОР, 
«Ҷумҳурият»
 


Баёни ақида (0)    Санаи нашр: 04.08.2021    №: 154    Мутолиа карданд: 2026
26.11.2021


Иштироки Рустами Эмомалӣ дар ҷаласаи навбатии Шурои Ассамблеяи байнипарлумонӣ

Лавров бо вазирони корҳои хориҷии Чин ва Ҳиндустон роҳҳои рушди ҳамкориҳои сеҷонибаро баррасӣ мекунад

Ҷаҳон дар як сатр

25.11.2021


Боздиди намояндагони Иттиҳоди Аврупо аз НБО «Норак»

Суҳбати Путин бо раиси Шурои Аврупо

Ҷаҳон дар як сатр

МАШҒУЛИЯТИ ОМӮЗИШӢ ОИД БА МАБЛАҒГУЗОРИИ ХУРД МУВОФИҚИ ПРИНСИПҲОИ МАБЛАҒГУЗОРИИ ИСЛОМӢ

24.11.2021


Масъалаи аломатгузории хати сарҳади давлатӣ баррасӣ шуд

Ҷаҳон дар як сатр

Путин, Алиев ва Пашинян 26 ноябр дар Сочи мулоқот хоҳанд кард

ЛИГАИ ҚАҲРАМОНҲО

ВАО. НАҚШИ МУҲИМТАРИН ВОСИТАИ ТАЪСИРРАСОНӢ ДАР ЗАМОНИ ПАНДЕМИЯ

ЛАХШ. ТАНТАНАИ ҶАШНИ МИЛЛӢ

С А Н О А Т . МАҲСУЛОТИ ВАТАНӢ ИФТИХОРИ МАНУ МО

РӮЗИ ПАРЧАМИ ДАВЛАТӢ. ҲАМОИШИ ҶАШНӢ ДАР ДМТ

ФУРӮҒИ ВАТАНДОРӢ

22.11.2021


Ҷамъбасти машқҳои тактикии «Кобалт-2021»

ТИБ. БАРРАСИИ МУҲИМТАРИН САМТҲОИ СОҲА

МУҲАММАД ҒОИБ: «ДИЛ ЁФТАНУ САРҶАМЪ СОХТАНИ МИЛЛАТ ОСОН НАБУД!»

ДДЗТ: АЗ ТАЪСИСИ МАРКАЗИ TOEFL ТО ИНТИШОРИ 5 КИТОБИ МУҲИМ

ИЛМ. БАРГУЗОРИИ ҲАМОИШИ МУҲИМ

18.11.2021


Россия аз хатари паҳншавии терроризм ба кишварҳои ҳамсояи Афғонистон ҳушдор дод

ҶИУ-ҶИТСУ

ҶАҲОН ДАР ЯК САТР

ҒАМХОРИ ТАБИАТ БОШЕМ!

17.11.2021


“Созандагиҳои Пешвои миллат дар тули се даҳсолаи соҳибистиқлолӣ”

12.11.2021


Рӯзи Президент дар сатҳи баланд таҷлил мешавад

Рӯзи Президент дар сатҳи баланд таҷлил мешавад

“КОНСТИТУТСИЯ – САНАДИ САРНАВИШТСОЗ ВА БАХТНОМАИ МИЛЛАТИ ТОҶИК”

РАШТ. УФУҚҲОИ РУШДИ КИШОВАРЗӢ

11.11.2021


Шурои амнияти ФР: «Ҳузури доимии СММ дар Афғонистон бояд нигоҳ дошта шавад»

Ҷаҳон дар як сатр

ЛИГАИ ОЛӢ

10.11.2021


Вохӯрии Сироҷиддин Муҳриддин бо кормандони Сафорати Тоҷикистон дар Россия

ҶАЛАСАИ САЙЁРИ РУШДИ МАҲАЛ


Дар сомонаҳои дигари Тоҷикистон хонед