logo

сиёсат

СОЗМОНИ АҲДНОМАИ АМНИЯТИ ДАСТҶАМЪӢ БА ТАҲДИДУ ХАТАРҲО ДАР МАРЗИ КИШВАРҲОИ АЪЗО РОҲ НАМЕДИҲАД

Давлатҳои узви Созмони Аҳдномаи амнияти дастҷамъӣ (СААД) ба манзури таҳкими марзи Тоҷикистон бо Афғонистон барномаҳои нав таҳия намуда, дар сурати ташаннуҷи вазъи сарҳадӣ дар Афғонистон ва таҳдид ба марзҳои ҷанубии ҷуғрофиёи созмон якҷоя амал ҳоҳанд кард. Дар ин бора 15 сентябри соли ҷорӣ зимни ҷаласаи муштараки Шурои вазирони корҳои хориҷӣ, Шурои вазирони мудофиа ва Кумитаи котибони шуроҳои амнияти кишварҳои узви СААД мувофиқа ба даст омад.
Дар ҷаласаи муштарак намояндагони давлатҳои узви созмон - ҷумҳуриҳои Тоҷикистон, Қазоқистон, Қирғизистон, Беларус, Арманистон, Федератсияи Россия ва Дабири кулли  Созмони Аҳдномаи амнияти дастаҷамъӣ иштирок доштанд. Дар рафти ҷаласа, ки таҳти раёсати Ҷумҳурии Тоҷикистон сурат гирифт, ҳайатҳо оид ба вазъи ҳарбӣ - сиёсӣ дар минтақаҳои Осиёи Марказӣ, Аврупои Шарқию Қафқоз ва фаъолияти созмон дар марҳилаи байниҷаласавӣ мубодилаи афкор намуданд. Зимнан, гузориши Дабири кулли СААД  Станислав Зас оид  ба рафти омодасозии лоиҳаи Барномаи мақсадноки байнидавлатии созмон оид ба таҳкими сарҳади Тоҷикистону Афғонистон ва  роҳбари ҳайати Ҷумҳурии Арманистон оид ба самтҳои авлавиятноки фаъолият дар  давраи  раёсати  Арманистон  дар созмон, ки баъд аз Тоҷикистон ба ин кишвар мегузарад, шунида шуданд.
Роҳбарони ҳайатҳо дар робита ба лоиҳаи Эъломияи Шурои амнияти дастаҷамъии СААД мувофиқа карда, чанд изҳороти вижа, аз ҷумла Эъломияи муштараки давлатҳои аъзои СААД «Оид ба вазъ дар Афғонистон», Эъломияи вазирони корҳои хориҷӣ «Оид ба ҳамоҳангии кӯшишҳои муштарак дар соҳаи амнияти иттилоотӣ ва мубориза бо терроризми кибернетикӣ», Эъломияи вазирони корҳои хориҷӣ «Оид ба кӯшишҳои дастҷамъӣ дар ҳалли вазъи буҳронӣ дар Шарқи Наздик ва Африқои Шимолӣ» ва Эъломияи муштараки вазирони корҳои хориҷӣ «Дар бораи тасдиқи пайравӣ ба принсипҳои Оинномаи Созмони Милали Муттаҳид ва мустаҳкам кардани ҳамкорӣ оид ба таъмини риояи қатъии онҳо»-ро қабул карданд.   
Ҳамзамон, дар ҷаласаи муштарак тақрибан  20 қарор қабул гардид, ки ба вусъат бахшидани ҳамкории давлатҳои аъзо дар бахши амнияти биологӣ ва такмили низоми омодасозии якҷояи кадрҳои низомӣ барои қувваҳои мусаллаҳ равона шудаанд.
Станислав Зас, дабири кулли СААД, баъд аз анҷоми ҷаласаи якҷоя дар ҳузури доираи васеи хабарнигорон изҳор дошт, ки зимни ҷаласа ба иҷрои пайвастаи уҳдадориҳои Тоҷикистон дар давраи раёсаташ, ки бар асоси принсипҳои баробарҳуқуқӣ ва эҳтироми мавқеи ҳар давлати узви созмон сурат гирифт, баҳои баланд дода шуд. 
Иттилоъ дода шуд, ки ҷаласаҳои навбатии Шурои вазирони корҳои хориҷӣ, Шурои вазирони мудофиа ва Кумитаи котибони шуроҳои амнияти СААД нимсолаи аввали соли 2022 дар Ҷумҳурии Арманистон, ки баъд аз Тоҷикистон раёсати созмонро ба уҳда мегирад, баргузор мегарданд.
 
Фирӯз РАҲМОНИЁН,
суратгир Комрон САФАРОВ, «Ҷумҳурият»


Баёни ақида (0)    Санаи нашр: 16.09.2021    №: 185    Мутолиа карданд: 478
19.10.2021


Чин ба Тоҷикистон 800 миллион юан кумаки бебозгашт пешниҳод кард

БОКС

Ба машқҳои СААД дар Тоҷикистон 4 ҳазор нафар ҷалб шуд

Ҷаҳон дар як сатр

Рӯйдодҳои илмӣ

18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр


Дар сомонаҳои дигари Тоҷикистон хонед