logo

иҷтимоиёт

АБУБАКР МУРОДОВ. МУШТЗАНИ ҶАВОНЕ, КИ МЕТАВОНАД ИФТИХОРИ ВАТАН ГАРДАД

 
Тавре қаблан хабар дода будем, варзишгарони тоҷик дар Чемпионати Осиё оид ба бокс миёни наврасону ҷавонон (17 – 31 август, Дубай АМА) 15 медал (нуқра ва 14 биринҷӣ) гирифтанд. Яке аз медалҳои биринҷиро ба хазинаи варзишии кишвар боксёри ҷавону умедбахш Абубакр Муродов (дар вазни 57 киллограмм) ворид намуд. Ба ин муносибат суҳбате доштем бо ҷоизадори Чемпионати қора.
Абубакр дар Чемпионати Осиё миёни ҷавонон дар даври аввал озод буд ва муҳорибаро аз даври дуюм оғоз намуд. Ӯ муқобили муштзани бомаҳорати Ҳиндустон Виҷай Синг ба ринг баромада, ӯро мағлуб намуд. Ҳамин тавр, боксёри ҷавони тоҷик ба нимфинал роҳ ёфт. Мутаассифона, дар ин марҳила аз  Абдигали Абдикерим (Қазоқистон), ки чемпиони Осиё гардид, шикаст хӯрд. Ва соҳиби медали биринҷиву 1500 доллари ИМА гашт.  
Ҳамсуҳбати мо набарди нимниҳоиро чунин шарҳ дод: «Дар се раунд мо баробар ҳарб доштем: ҳам дар ҳуҷум ва ҳам дар ҳимоя. Тамоми кӯшиши худро барои баромадан ба финал сарф кардам, вале бо қарори доварон ғалаба насиби боксёри қазоқ гардид». 
Бояд гуфт, ки Абубакр Муродов финалисти Чемпионати Осиё миёни наврасон (10 – 17 октябри соли 2019, Фуҷайра, АМА) мебошад. Ӯ дар ин мусобиқот ба хазинаи варзишии кишвар медали нуқра ворид намуд. Барои ин дастовард сазовори Ҷоизаи Президенти Ҷумҳурии Тоҷикистон барои ғолибон ва ҷоизадорони мусобиқаҳои байналмилалии варзишӣ дар соли 2019 гардид. Ва бо мукофоти молиявӣ дар ҳаҷми 12500 сомонӣ қадр шуд. 
- Воқеан, барои ҳар нафар новобаста аз касбу кор хушоянд аст, ки заҳматҳояш қадр мешаванд. Барои ман бисёр ғайри интизор буд Ҷоизаи Президенти Ҷумҳурии Тоҷикистон, ин бори дигар маро таккон дод то дар мусобиқаҳои байналмилалӣ бештар ширкат намуда, парчамбардори кишвар бошам. Бояд махсусан зикр намоям, ки Ҷоизаи Президенти Ҷумҳурии Тоҷикистон дар баробари аз нигоҳи молиявӣ дастгирӣ кардани варзишгарон, инчунин, ҳар варзишгарро таҳрик медиҳад то дар оянда ба дастоварҳои шоиста шарафёб гардад, - иброз дошт Абубакр.
Қаҳрамони матлаби мо тайи чор сол мешавад, ки дар кишвар яккатозӣ мекунад, яъне чоркарата қаҳрамони Тоҷикистон дар солҳои 2018, 2019, 2020 ва 2021 мебошад. Дар баробари ин, дар минтақа ӯ миёни боксёри наврас ва ҷавон яке аз чеҳраҳои ошно ба ҳисоб меравад. Зеро давоми чор  соли охир  ӯ дар як қатор мусобиқоти байналмилалӣ ғолибият ба даст овардааст. Ҳамчунин, дар мусобиқоти байналмилалӣ дар Узбекистон унвони беҳтарин боксёрро соҳиб шудааст. 
Абубакр Муродов дар оила яккаписар мебошад. Ӯ як апаву як хоҳар дорад. Аз 8-солагӣ ба бокс машғул буда, тамринро дар мактаби варзишии № 3-и шаҳри Кӯлоб зери роҳабрии мураббиҳо Комил Холиқов ва Собир Файзуллоев оғоз намудааст. Бешубҳа, барои ба камол расондани варзишгари ҳирфаӣ мураббӣ нақши бориз дорад. 
- Пеш аз ҳама миннадории худро ба мураббиҳоям мерасонам. Ба чи дастоварде, ки шарафёб гардидам, маҳз заҳмату талошҳои устодонам буданд. Дар ҳама лаҳзаҳо онҳо дар канорам буданд. Дар баробари тамринҳои ҳаррӯза, устодонам – Комил Холиқов ва Собир Файзуллоев аз нигоҳи равонӣ маро ба мусобиқаҳо омода ва дастгирӣ мекарданд. Агар ҳолати равонии варзишгар, аз ҷумла муштзанҳо хуб бошад, метавон муқобили дилхоҳ ҳариф набарди арзанда нишон дод, - илова намуд Абубакр Муродов. 
Миёни боксёрони ҷаҳон идеали Абубакр муштзани маъруфи филиппинӣ Мэнни Пакяо мебошад. Чаро маҳз ӯ? Ба ин суол Абубакр чунин ҷавоб дод: «Ҳарчанд Мэнни қади на онқадар баланд дошта бошад ҳам (166 см), ба қавле мисли бод тезсуръат асту мисли паланг чолок. Ӯ истеъдоди Худодод дорад. Аввалин унвони қаҳрамони ҷаҳонро Пакяо дар синни 19-солагӣ соҳиб шуда, дар 8 вазн ғолибият насибаш гаштааст. Муҳрибаи охираш бо Юрденис Угас (Куба) моҳи августи соли ҷорӣ буд. Новобаста аз он ки дар синни 42-солагӣ ба ринг баромад, муқобили рақибаш 12-раунд арзанда рақобат намуда, бо қарори доварон мағлуб гардид. Дар баробари боксёри машҳур буданаш, инчунин, инсони хоксор ва хайрхоҳ мебошад. Мэнни дар зодгоҳаш – музофоти Танго барои эҳтиёҷмандон манзили истиқоматӣ сохта, барои пешгирӣ аз оворагардии ҷавонон майдончаҳои варзиш, боғҳои истироҳатӣ ва марказҳои гуногун бунёд кард. Бо ҳамин хислатҳояш дар Филиппин ва ҷаҳон мавриди эҳтироми умум қарор гирифтааст».
Ҳоло қаҳрамони мо донишҷӯйи курси дуюми факултети тарбияи ҷисмонӣ ва омодагии дифои ҳарбии Донишгоҳи давлатии Кӯлоб ба номи Абуабдуллоҳи Рӯдакӣ мебошад. Ӯ мегӯяд, ки дар баробари таҳсил пайваста дар машғулиятҳо иштирок мекунад. Аз ҷониби донишгоҳ низ, ки муаррифгарӣ он мебошад, дастгирӣ меёбад.
- Орзуи ҳар варзишгар қаҳрамон шудан дар Чемпионати ҷаҳон ва Бозиҳои олимпӣ мебошад. Тамоми кӯшишу маҳорати худро барои соҳиб шудан ба дастовардҳои назаррас сарф хоҳам кард, то Парчами Тоҷикистон доимо парафшон ва Суруди миллии кишвар дар бузургтарин мусобиқоти ҷаҳонӣ садо диҳад. Зеро ҳар як ғалабаи варзишгарони мамлакат эътибор ва нуфузи Тоҷикистони азизамонро дар арсаи байналмилалӣ боло мебарад, - бо ниятҳои нек иброз дошт Абубакр.
 
Маҳмуд МИРЗОЁН,  
«Ҷумҳурият»    


Баёни ақида (0)    Санаи нашр: 16.09.2021    №: 185    Мутолиа карданд: 425
19.10.2021


Чин ба Тоҷикистон 800 миллион юан кумаки бебозгашт пешниҳод кард

БОКС

Ба машқҳои СААД дар Тоҷикистон 4 ҳазор нафар ҷалб шуд

Ҷаҳон дар як сатр

Рӯйдодҳои илмӣ

18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр


Дар сомонаҳои дигари Тоҷикистон хонед