logo

Хабарҳо

«ТОҶИКИСТОН – КИШВАРИ ДАРЁҲОИ ТИЛЛОӢ»

13 октябри соли равон бори аввал дар «Гиме» – Осорхонаи санъати Шарқи пойтахти Фаронса - шаҳри Париж намоиши нигораҳои таърихии кишвари мо таҳти унвони «Тоҷикистон – кишвари дарёҳои тиллоӣ» оғоз мегардад. Дар намоиши мазкур 211 нигора: 70-то аз Осорхонаи миллӣ ва 140-тои дигар аз Осорхонаи миллии бостоншиносии Тоҷикистон ба намоиш гузошта мешаванд.  Бояд гуфт, ки тавассути онҳо тамоми зебоиҳои табиӣ ва таърихи нотакрори халқи тоҷик нишон дода мешаванд. Ҳамчунин, дар ин рӯз бо забонҳои гуногун намоиши филмҳои тоҷикӣ  ва наворҳо оид ба мавзеъҳои таърихию сайёҳии Тоҷикистон манзури бинандагон мегардад. 
Мавриди зикр аст, ки Ҷумҳурии Тоҷикистон ёдгориҳои таърихиву фарҳангии худро борҳо дар осорхонаҳои калон, аз ҷумла дар кишварҳои Олмон ва Ҷопон ба намоиш гузоштааст. Вале, намоише бо чунин сатҳи баланд ва бо иштироки сарони кишварҳо бори аввал сурат хоҳад гирифт. 
Дар ҷаҳони муосир аз ҷониби миллатҳои соҳибтамаддун ҳифз намудани осори таърихӣ ва муаррифии он ба ҷаҳониён яке аз падидаҳои муҳим ба шумор меравад. Хусусан, Тоҷикистони соҳибистиқлол бо гузаштаи пурғановати худ, мавҷудияти ёдгориҳо ва обидаҳои фарҳангии зиёд  миёни дигар қавму миллатҳо мақоми шоистаро касб кардааст. Тоҷикон яке аз қадимтарин халқҳои бумии Осиёи Марказӣ ба шумор рафта, тули таърихи хеш дар ташаккули фарҳанги моддӣ ва маънавии башарият нақши босазо гузоштаанд. Дар осорхонаҳои Тоҷикистон бозёфтҳои давраҳои гуногуни таърихӣ ҳифз мешаванд, ки онҳо муаррифгари саҳифаҳои рангини таърихи халқи тоҷик мебошанд.
Намоиши «Тоҷикистон – кишвари дарёҳои тиллоӣ», ки дар осорхонаи «Гиме»-и Париж ифтитоҳ мегардад, боз як мисоли равшани рушди равобити фарҳангии Ҷумҳурии Тоҷикистон ва Фаронса буда, ҳамзамон, намунаи ҳамкориҳои судманди осорхонаҳои ин ду кишвар дар самти ташкили намоишҳои мубодилавӣ мебошад. 
Хусусияти хоси ёдгориҳои ба маъраз гузошташуда дар он аст, ки онҳо аз ҳудуди Ҷумҳурии Тоҷикистон бозёфт гардидаанд. Дар намоиш шоҳкориҳои беназир аз ёдгориҳои машҳури Тоҷикистон: Саразм, Тахти Сангин, Ҳулбук, дайри буддоии Аҷинатеппа ва дигар маконҳои таърихӣ пешниҳоди тамошогарон мегарданд. Экспонатҳои ба намоиш гузошташуда ва даврабандии таърихии онҳо фарогири ҳазорсолаи IV то милод ва асри X мелодӣ мебошанд. Айни замон, омодагӣ ҷиҳати баргузории ин намоиш аз ҷониби Тоҷикистон идома дорад.
Бо боварӣ метавон зикр намуд, ки диққати на танҳо тамошогарон, балки муҳаққиқону таърихнигорон аз Ҷумҳурии Фаронса ва дигар кишварҳоро осори дар намоиш пешниҳодшуда ба худ ҷалб хоҳад намуд. Зеро аз тарафи бос-тоншиносони Фаронса чандин асарҳои тадқиқотӣ дар бораи таъриху фарҳанги тоҷик бо забонҳои фаронсавию англисӣ дар маҷаллаҳои аврупоӣ чоп гардиданд, ки ба воситаи онҳо ҷаҳониён аз таъриху фарҳанги миллати тоҷик маълумот пайдо менамоянд.  
Мишел Тарран, сафири Ҷумҳурии Фаронса дар Тоҷикистон, зикр намуда буд:«Намоишгоҳи нигораҳои таърихии Тоҷикистон дар Осорхонаи “Гиме”-и Фаронса яке аз аввалин намоишгоҳҳои Тоҷикистон дар кишварҳои Аврупо мебошад. Намоишгоҳ дар замони хеле мувофиқ баргузор мегардад, зеро ин муддат дар кишвари мо истироҳатҳои идона хеле зиёданд, ки сафи тамошогарони фаронсавӣ ва сайёҳони хориҷиро зиёд хоҳад кард».
 
Лола РИЗОӢ, «Ҷумҳурият»


Баёни ақида (0)    Санаи нашр:    №:    Мутолиа карданд: 225
18.10.2021


КӮЛОБ. ТУҲФАИ ПЕШВОИ МИЛЛАТ БА МУАССИСАҲОИ ТАНДУРУСТӢ

Ифтитоҳи иншооти ҷашнӣ

РАШТ. 80 ХОҶАГИИ ДЕҲОТИ ҚАЛЪАНАК БО ОБИ НӮШОКӢ ТАЪМИН ГАШТ

ДАНҒАРА. АВЛАВИЯТ БА ТАЪМИНИ АҲОЛӢ БО ҶОЙИ КОР

ИДОРАКУНИИ ЗАХИРАҲОИ ОБ. Ҳамоиши муҳими илмию амалӣ

11.10.2021


«ИСТИҚЛОЛИЯТ ВА РУШДИ ЗАБОНИ ТОҶИКӢ»

ДАНҒАРА. ИСТЕҲСОЛИ 68 610 ТОННА ҒАЛЛА

«ТОҶИКИСТОН – КИШВАРИ ДАРЁҲОИ ТИЛЛОӢ»

06.10.2021


Рӯйдодҳои илмӣ

ФАЙЗОБОД. ИФТИТОҲИ ЧАНД ИНШООТ БО ИШТИРОКИ САРВАЗИР

СЕ ДАҲСОЛАИ ШАРИКИИ КИТОБХОНАҲОИ ИДМ

01.10.2021


3 СОМОНАИ НАВ ҚАДАМИ ҶИДДӢ БА СӮЙИ ҲУКУМАТИ ЭЛЕКТРОНӢ

ИСТАРАВШАН. СОКИНОНИ ДЕҲАИ СӮФӢ – ОРИФ БО ОБ ТАЪМИН ШУДАНД

МАСТЧОҲ. ИФТИТОҲИ 3 КОРГОҲИ ИСТЕҲСОЛӢ

29.09.2021


Ҳамкории Тоҷикистон бо СММ баррасӣ шуд

28.09.2021


Тағйирот ба қонун «Дар бораи нафақаҳои суғуртавӣ ва давлатӣ»

Путин чаҳор душмани асосии Россияро ном бурд

Навидҳои фарҳанг

27.09.2021


Мулоқоти Рустами Эмомалӣ бо Қосим-Жомарт Токаев

СОҲИБИСТИҚЛОЛӢ ВА РУШДИ ВАО

Лавров дар бораи ҳамоҳанг набудани ризоияти абарқудратҳо оид ба принсипҳои тартиботи ҷаҳонӣ сухан гуфт

Ҷаҳон дар як сатр

23.09.2021


Муносибатҳои дипломатии Тоҷикистон ва Мавритания барқарор шуданд

ЛИГАИ ОЛӢ

Машқҳои «Миссияи сулҳи СҲШ - 2021» дар вилояти Оренбург

Ҷаҳон дар як сатр

21.09.2021


Туҳфаи Пешвои миллат - “Тоҷикон” ба Хуҷанд расид

Навидҳои фарҳанг

17.09.2021


Токаев аз кишварҳои СААД хост, ки дар таҳкими марзи Тоҷикистон ёрӣ расонанд

Ҷаҳон дар як сатр

СЕ МЕДАЛ - ТУҲФАИ ҶАШНӢ

16.09.2021


Ҷаласаи муштараки ШВКХ, ШВМ ва ККША СААД

ПАҲЛАВОНИ ТОҶИК - СОҲИБИ ШОҲҶОИЗА

СОЗИШНОМАИ БМТ БО БОНКИ МАРКАЗИИ РОССИЯ

ТОҶИКОБОД. НИЁЗМАНДОН ДАСТГИРӢ ЁФТАНД


Дар сомонаҳои дигари Тоҷикистон хонед