logo

номаҳо

ЗАМИН. МАН ОБОД КАРДАМ, АКНУН БА ОН ЧАШМ АЛО МЕКУНАНД…

Дар назди хоҷагии деҳқонии Ғаззи деҳаи Ғазантараки ноҳияи Деваштич 0,21 гектар замини иҷоравӣ дорам. Дар муддати 12 сол ин ҷо 60 бех ниҳоли сояафкан ва мевадиҳанда, ҳамчунин, ток сабзондам. Соли 2020 ба маблағи 11 ҳазор сомонӣ аз масофаи 700 метр хатти об кашидам. Аммо Абдуназар Маъмуров, сокини деҳаамон, бо ҳар роҳу усул мехоҳад ин заминро аз ман бигирад. Ӯ замини зиёд, чорвои хурду калон ва чоҳи амудӣ дорад. Бар замми ин, боз мехоҳад ҳамин қитъаи замини ба ман вобасташударо низ аз худ кунад.
 
Ӯ соли 2020 барои замини мазкур ҳуҷҷатгузорӣ карда, қариб буд замини бо арақи ҷабин ободкардаамро гирад. Ҳол он ки ман андози заминро пурра супурда будам ва касе хуқуқ надошт, ки ҳадди ақал, то охири сол заминро аз худ кунад. 
Дар оғози соли 2022 чунин даъво боз бархост. Ин дафъа Абдуназар Маъмуров ба сохтакории ҳуҷҷатҳо сар кард. Кенҷабой Ҳомидов, раиси вақти хоҷагии деҳқонии Ғазз, таҳти фишор ҳуҷҷатҳои заминро бо таърихи гузашта қалбакӣ омода кардааст.
Маҷбур шудам, ки ба раиси ноҳияи Деваштич Ашӯр Ҷалилзода муроҷиат намоям. Бо мусоидати раис оид ба ҳуқуқи истифодаи замин аз 10 сентябри соли 2021 қарори нав гирифтам, ки ҳоло дар дастам ҳаст. Аз қарори нави раиси ноҳия се моҳ ҳам нагузашта, боз даъвоҳои беасоси Абдуназар ба замин сар шудааст. Мувофиқи ин ҳуҷҷат, замин 19 соли дигар бояд дар ихтиёри ман бошад, зеро онро оқилона истифода бурдаму боз истифода мебарам. Дар такя ба ҳидоятҳои Пешвои миллат муҳтарам Эмомалӣ Раҳмон ягон ваҷаби ин заминро бекор намегузорем. Агар бовар накунанд, аз ноҳия комиссия ташкил карда оянд ва бинанд, ки ин як гӯшаи хурд чӣ қадар обод шудааст. Хати обе, ки бо ранҷ кашида овардем, боиси шодоб гардидани замини наздиҳавлигии ҳамсояҳо низ гардид. 
Ҳоло чунин ба назар мерасад, ки Абдуназар Маъмуров бо масъулони сохторҳои дахлдоре, ки бояд барои ҳалли ин баҳс мусоидат кунанд, ба қавле «забон як» кардааст. Аз ин рӯ, хостам арзамро тавассути минбари рӯзномаи бонуфузи «Ҷумҳурият», ки дар ҳалли бисёр мушкилот ва баҳсҳое ба ин монанд мусоидат кардааст, ба самъи масъулон расонам, то дар ҳалли баҳси мо низ пойбанди қонун ва боадолат бошанд.
 
Ҷасур АБДУРАҲМОНЗОДА,
сокини деҳаи Ғазантараки ноҳияи Деваштич


Баёни ақида (0)    Санаи нашр: 15.02.2022    №: 31    Мутолиа карданд: 6057
20.05.2022


Суҳбати телефонии Путин бо Токаев

19.05.2022


Вазъ дар Рӯшон ором аст

СААД ва СҲШ дар мубориза бо ҷинояткорӣ муттаҳид мешаванд

Ҷаҳон дар як сатр

ТИМИ МИЛЛӢ

18.05.2022


Мулоқоти маҷозии Рустами Эмомалӣ бо Ли Чжаншу

ДАҲСОЛАИ ОБ БАРОИ РУШДИ УСТУВОР

Суҳбати телефонии Путин ва Президенти нави Амороти Муттаҳидаи Араб

Ҷаҳон дар як сатр

САЙРЕ ДАР ШЕЪРИСТОНИ ЛОИҚ

17.05.2022


Иҷлосияи даҳуми Маҷлиси миллӣ, даъвати шашум баргузор мегардад

ҶОМИ ОСИЁ

Путин: «Роҳбарони СААД дар бораи ҳамкориҳои низомӣ изҳороти муштарак қабул мекунанд»

Ҷаҳон дар як сатр

16.05.2022


Мулоқоти Рустами Эмомалӣ бо Маулен Ашимбаев

ДАВИ МИЛЛӢ

ҲИСОР. БА ИФТИХОРИ ҶАШНИ 35-СОЛАГИИ ИСТИҚЛОЛИ ДАВЛАТӢ БЕШ АЗ 1500 ИНШООТ БУНЁД МЕШАВАД

КИТОБХОНАИ МИЛЛӢ. ЯК ҲАМОИШИ МУҲИМ

САМАРҚАНД. ТИМИ "ҶУМҲУРИЯТ" ДАР БОЗИИ ДӮСТОНА ПИРӮЗ ШУД

ТОҶИКИСТОН ВА ӮЗБЕКИСТОН. ЖУРНАЛИСТОН БАРОИ ТАҲКИМИ ҲАМКОРИҲО ДАСТ БА ДАСТИ ҲАМ ДОДАНД

КӮЛОБ. ТАҶЛИЛИ РӮЗИ ҒАЛАБА

“ИСТИҚЛОЛ” – БАРАНДАИ СУПЕРҶОМИ ТОҶИКИСТОН – 2022

06.05.2022


Нахустин ҷаласаи як Ситоди муҳим

"АМОНАТБОНК". БОВАРИ МАРДУМ ДАР ҲОЛИ АФЗОИШ АСТ

ҲАНГОМАИ НАВБАТИИ «РЕАЛ». Ё ЧӢ ТАВР ТИМИ ШОҲОНА БА ФИНАЛ БАРОМАД?

Хаскаш Абдуллоев: «Мо бояд сулҳро қадр кунем»

Ҷаҳон дар як сатр

05.05.2022


Ҳеҷ кас ва хеҷ чиз фаромӯш нашудааст!

Дурахши паҳлавони тоҷик дар ИМА

Путин ва Лукашенко омодагӣ ба мулоқоти раҳбарони кишварҳои узви СААД-ро баррасӣ карданд

ҶАҲОН ДАР ЯК САТР

“ФУРӮҒИ СУБҲИ ДОНОӢ КИТОБ АСТ”. БАРДОШТ АЗ ДАВРИ АВВАЛИ ОЗМУН ДАР КОЛЛЕҶИ ФАРҲАНГИ ҶУМҲУРИЯВӢ

ӮЗБЕКИСТОН. САФИР БА ДИДОРИ МАҲБУСОН РАФТ

НОМГУЗОРИИ ҚУЛЛАҲОИ ПОМИР БА НОМИ ШОИРОН МИРСАИД МИРШАКАР ВА МУЪМИН ҚАНОАТ

03.05.2022


Кумакҳои Рустами Эмомалӣ ба табақаи ниёзманд


Дар сомонаҳои дигари Тоҷикистон хонед