logo

ҳуқуқ

ТАТБИҚИ ПАЁМ. БАРОИ ВОРИДОТИ НАҚЛИЁТИ БАРҚӢ ЯК ҚАТОР САБУКИҲО ҶОРӢ ГАШТ

 
Дар асоси тағйиру иловаҳо ба кодексҳои андоз ва гумрук воситаҳои нақлиёти танҳо бо муҳаррики барқӣ ҳаракаткунанда, аз ҷумла электромобилҳо, электробусҳо ва троллейбусҳо, аз пардохти андоз аз арзиши иловашуда, андози аксиз ва боҷи гумрукӣ озод шуданд. 
 
Файзиддин Қаҳҳорзода, вазири молияи кишвар, зимни баррасии лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон» дар Маҷлиси намояндагон, тадбири мазкурро бо мақсади иҷрои вазифаҳое, ки дар Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ (21 декабри соли 2021) ироа гардида буданд, арзёбӣ кард. 
- Имтиёзи мазкур нисбат ба автомобилҳои ҳам бо сӯзишворӣ ва ҳам бо барқ ҳаракаткунанда, ба истилоҳ гибридӣ, татбиқ намегардад, - гуфт вазири молия.
Хуршед Каримзода, раиси Хадамоти гумрук, зимни баррасии лоиҳаи Қонуни Ҷумҳурии Тоҷикистон «Дар бораи ворид намудани тағйиру илова ба Кодекси гумруки Ҷумҳурии Тоҷикистон» иброз дошт, ки ба моддаи 345 Кодекси гумрук ворид намудани банди нав (банди 21) пешбинӣ шудааст, ки тибқи он воситаҳои нақлиёти танҳо бо муҳаррики барқӣ ҳаракаткунанда, яъне электромобилҳо, электробусҳо ва троллейбусҳо, аз пардохти боҷи гумрукӣ озод мешаванд.
Бар пояи иттилои раиси хадамот, соли гузашта ба ҳудуди гумрукии Ҷумҳурии Тоҷикистон 32465 воситаи нақлиёт бо арзиши гумрукии 271,8 миллион доллари ИМА ворид гардидааст, ки 64 адади он (арзиши гумрукии 6256546 доллар) воситаҳои нақлиёти барқианд. 
Пардохтҳои гумрукии ҳисобкардашуда барои воридоти воситаҳои нақлиёти барқӣ дар соли гузашта 15651987 сомониро ташкил дода, маблағи пардохтҳои гумрукии ба Буҷети давлатӣ воридгардида 395 651 сомониро ташкил медиҳад. Нисбат ба 31 воситаи нақлиёти барқии соли 2021 воридгардида (7 автобуси барқӣ, 18 троллейбус ва 6 воситаи нақлиёти барқии сабукрав) имтиёзҳои гумрукии тарифӣ ва андозӣ мутобиқи қонунгузории Ҷумҳурии Тоҷикистон татбиқ шуданд, ки боҷҳои гумрукӣ ва андозҳои озодкардашуда 15256336 сомониро ташкил медиҳад.
- Муқаррар намудани имтиёзи гумрукии тарифӣ ва андозӣ нисбат ба воридоти воситаҳои нақлиёти барқӣ, ҳавасмандии воридоти бештари воситаҳои нақлиёти барқиро афзун намуда, ба ҳифзи муҳити зист, беҳтар намудани вазъи экологии мамлакат ва истифодаи васеи манбаъҳои дигари энергияи барқароршаванда, ки дар кишвар тавлидкунандаи чунин навъи энергияи тоза, асосан, неругоҳҳои барқи обӣ ба ҳисоб мераванд, мусоидат хоҳад намуд. Илова бар ин, дар шароити болоравии арзиши сӯзишворӣ ва мушоҳида гардидани раванди зудтағйирёбии нархҳои сӯзишворӣ дар бозорҳои ҷаҳонӣ, бештар намудани истифодаи воситаҳои нақлиёти барқӣ дар мамлакат муҳим арзёбӣ гардида, ба беҳтар шудани сатҳи некуаҳволии мардум мусоидат хоҳад намуд, - зикр кард Хуршед Каримзода.
 
ТУТЗОР 10 СОЛ АЗ АНДОЗ ОЗОД ГАРДИД
Тибқи лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси андози Ҷумҳурии Тоҷикистон», бо мақсади рушди соҳаҳои пиллапарварӣ, шоҳибофӣ, атласу адрасбофӣ ва таъсиси ҷойи нави корӣ, бахусус барои занону бонувон, қитъаҳои замине, ки барои тутзор истифода мешаванд 10 сол аз пардохти андози замин ва андози ягонаи кишоварзӣ озод мегарданд. Ҳамчунин, шахсони ҳуқуқие, ки ба коркарди пилла ва истеҳсоли матоъҳои шоҳӣ, атласу адрас ва дигар маснуоти бофандагии абрешимӣ машғуланд, ба истиснои андоз аз даромад ва андози иҷтимоӣ ба муҳлати 10 сол аз пардохти дигар андозҳо озод шуданд. Муқаррароти мазкур барои зиёд намудани масоҳати тутзор, таъмин намудани пиллапарварон, корхонаҳои саноатии кишвар бо ашёи зарурӣ, инчунин, дастгирии давлатии субъектҳои хоҷагидорие, ки ба коркарди пилла, истеҳсоли матоъҳои шоҳӣ, атласу адрас ва дигар маснуоти бофандагии абрешимӣ машғул мегарданд, пешбинӣ шудааст. 
 
Маҳмуд МИРЗОЁН,
«Ҷумҳурият»


Баёни ақида (0)    Санаи нашр: 16.03.2022    №: 52    Мутолиа карданд: 1398
24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР

ТИБ. ҲАМОИШИ БАЙНАЛМИЛАЛӢ ДАР ТОШКЕНТ

«ТОҶИКОН» БА ЗАБОНИ ӮЗБЕКӢ ДӮСТИИ ДУ ХАЛҚИ БАРОДАРРО ТАҲКИМ МЕБАХШАД

09.06.2022


ҶОМИ ОСИЁ – 2023

Суҳбати телефонии Путин бо Сайид Иброҳим Раисӣ

Ҷаҳон дар як сатр

ФОРУМИ ҶАВОНОН ВА КӮДАКОН

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

ИФТИТОҲИ ЧАНД ИНШООТИ МУҲИМ ДАР ПОЙТАХТ

РУСТАМИ ЭМОМАЛӢ МАРК БОУМАНРО БА ҲУЗУР ПАЗИРУФТ

08.06.2022


РАШТ. УФУҚҲОИ ТОЗАИ РУШД


Дар сомонаҳои дигари Тоҷикистон хонед