logo

иқтисод

БОЗОРИ «КӮШОНИЁН». ОБОДИРО БО ЧАШМИ АҚЛ БОЯД ДИД!

Тибқи қарори раиси шаҳри Душанбе Рустами Эмомалӣ аз 24 ноябри соли 2021 бозорҳои «Султони Кабир», «Осиё» ва «Мадад» ба Маркази савдои «Кӯшониён» кӯчонда шуданд. Гарчанде ин як кори маъмулист, аммо баъзе расонаҳо бо баҳои якҷонибаи масъала, хостанд ихтилофи назар ба вуҷуд оранд. Ҳол он ки ин иқдом, асосан, ба хотири бартараф сохтани тамбашавии воситаҳои нақлиёт дар пойтахт ва фароҳам овардани шароити муосири савдо дар ҷойи мувофиқ роҳандозӣ гардидааст. Вале аҷиб аст, ки дар шабакаҳои иҷтимоӣ пайваста вазъи хизматрасонии воситаҳои нақлиёт дар шаҳр маҳз аз ҷониби онҳо интиқод мешавад. Яъне ки «ҳам дар наъл мезананду ҳам дар пошна». Аммо асли воқеа дар бозори навбунёди «Кӯшониён» тамоман чизи дигар аст.
Чанд моҳи охир аст, ки масъалаи кӯчондани бозори «Султони Кабир» вирди забонҳост. Аз ин хотир, барои аз наздик шинос шудан бо вазъ, ҷониби бозори «Кӯшониён» роҳ пеш гирифтем. 
Чун рӯзҳои аввали ҷобаҷошавист, ҳама савдогаронро саргарми кор дарёфтем. Баъзеҳо рафҳои мағозаро дуруст мекарданду бархеи дигар, аллакай, ба савдо шуруъ намуда буданд. Нахуст фурӯшандаи нуқтаи савдои 4132 ба суолҳои мо оид ба раванди кӯчидан рӯшанӣ андохт: «Ҳамин мағозаҳоро ба мо доданд, ки нисбат ба пештара фароху баланданд. Дар як қисмаш мешавад анбор низ сохт. Чи тавре мебинед, бо шабакаи гармидиҳӣ низ пайваст аст. Боз дигар сабукиҳо низ пешниҳод шудаанд, ки барои «қомат рост кардан» то муддате мадад мерасонанд». 
Ба ошёнаи дуюми бино баромадем. Зане машғули поккорӣ худро Гулхумор Фозилова муаррифӣ кард. Ӯ қаблан бекор буд ва се моҳ мешавад, ки ба фаъолият оғоз намуд. «Маошам 1200 сомонӣ. Зиндагиро пеш мебарам. Шароити корӣ хуб», - бо қаноатмандӣ гуфт ӯ. 
Давлатшоҳ Муҳаммад, директори ҶСП Маркази савдои «Кӯшониён», дар суҳбат бо мо иброз дошт, ки соҳибкорон панҷ моҳ аз супурдани иҷорапулию патент озоданд. «Масоҳати бозори мазкур 20 гектар асту 8 ҳазор нафар бо ҷойи кори доимӣ таъмин мегардад. Тибқи қарори раиси шаҳр, нахуст, ба соҳибкорони бозорҳои «Султони Кабир», «Осиё» ва «Мадад» мағоза ё нуқтаи савдо ройгон дода мешавад. Баъд аз баровардани эҳтиёҷоти онҳо, он қисматҳоеро, ки ҳоло сохтмон идома дорад, ба нафарони хоҳишманд медиҳем. Ғайр аз ин, 27 нуқтаи хӯроки умумӣ сохтаем, ки барои табохони бозори «Султони Кабир» пешбинӣ шудааст. Аробакашҳоро низ бо ҷойи кор таъмин карданием. Он маълумоте, ки гӯё мо барои ҷой маблағ талаб карда бошем, асос надорад». 
Тоҷир Ҳоким Аюбов низ, ки аз соли 2005 дар бозори «Султони Кабир» ба соҳибкорӣ машғул аст, ройгон гирифтани мағозаро тасдиқ намуд: 
- Он ҷо масоҳати дуконам ҳамагӣ  2 метри мураббаъ  буд.  Мағозае,  ки дар бозори тозабунёд бароям ҷудо кардаанд, 6 метри мураббаъ аст. Ҳамчун савдогар бартарияти ин бозорро дар он мебинам, ки ҳамаи маҳсулот ботартиб ҷой карда шуда истодааст. Яъне, агар барои харидор зардевор лозим бошад, шарт нест, ки тамоми бозорро гардад. Аз як нуқта пайдо мекунад. Дигар ин ки пештар молро харидор танҳо бо ароба мебаровард. Ҳоло миёни тамоми растаҳо мошинроҳ ҳаст, ки аз 10 то 50 метр аст. Пиёдагардон низ бемамоният равуо мекунанд. 
Маврид ба зикр аст, ки бо назардошти пешгирии тамбашавии воситаи нақлиёт дар бозори нав беш аз 7 гектар танҳо барои таваққуфгоҳ ихтисос ёфтааст. Гузаргоҳҳо низ 5,5 метр аз роҳи мошингард баланданду ба омадурафти нақлиёт мушкил эҷод намекунанд. Ба он хотир, маҳз ҳамин минтақаро барои сохтмони бозор интихоб кардаанд, ки масолеҳи сохтмону қисмҳои эҳтиётии воситаҳои нақлиёт, асосан, аз вилояти Суғд вориди пойтахт мегарданд ва дигар барои ба шаҳр даромадани КамАЗ-ҳои бузурги боркаш ҳоҷат намемонад. 
Дар умум, иқдоми шаҳрдорӣ истиқболи гарми дастандаркоронро сазовор  аст, на он тавре ки баъзе аз «дӯстони дардошно» саҳифа сиёҳ мекунанд. 
 
Меҳрангез ҚОДИРОВА, 
Комрон САФАРОВ, «Ҷумҳурият»


Баёни ақида (0)    Санаи нашр: 05.04.2022    №: 64    Мутолиа карданд: 2019
01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ


Дар сомонаҳои дигари Тоҷикистон хонед