logo

ҳуқуқ

АРЗИШМЕҲВАРӢ ВА СЕ ОМИЛИ МУҲИМЕ, КИ ДАСТИ КОРРУПСИЯРО КӮТОҲ МЕСОЗАД

Дар шароити имрӯза яке аз ҳадафҳои муҳими Ҳукумати Ҷумҳурии Тоҷикистон ва аҳли ҷомеаи кишварро муқовимати фаъол бо коррупсия ташкил медиҳад. Дар ин робита, талошҳо оид ба коркарди механизм ва роҳҳои муассири мубориза бо ин зуҳуроти номатлуб идома доранд, ки ҷалби бештари мардум дар ин фароянд муҳим арзёбӣ мегардад. Зимнан, тақвияти арзишмеҳварӣ дар мамлакат метавонад, заминаи муҳими ҷалби оммаи васеи мардум дар муқовимат бо коррупсия, пешгирӣ ва рафъи амалҳои коррупсионӣ гардад. 
Арзишмеҳварӣ дар ҳаёти сиёсии ҷомеа метавонад фарогири арзишҳои гуногуни ахлоқию маънавӣ бошад. Мо ба чанде аз арзишҳои муҳиме таваҷҷуҳ менамоем, ки амалӣ намудани онҳо дар ҷомеаи мо метавонад заминаи пешгирӣ ва рафъи амалҳои коррупсия гардад. Ғолибан, таҳкими руҳияи амонатдорӣ, қаноатпешагӣ ва қонунмеҳварӣ метавонад оштинопазирии мардуми кишварро ба зуҳуроти коррупсионӣ тақвият бахшад. Зеро шаҳрванди дорои хусусиятҳои зикр-шуда дар ҳеҷ ҳолат ворид шудан ба амалҳои коррупсиониро ба худ иҷозат намедиҳад. Ҳамаи хосиятҳои зикршуда омилҳои дарунӣ ва равоние мебошанд, ки шаҳрвандонро аз ворид шудан ба амалҳои коррупсионӣ бозмедоранд. Миёни мардуми мо амонатдорӣ як арзиши муҳим ва бунёдӣ шинохта шудааст. Аммо аз чӣ сабаб бошад, ки солҳои охир мавқеи ин арзиш коста гардидааст ё фаҳмиши маҳдуд аз он шакл гирифтааст. Чунин мушоҳида мегардад, ки мардум аксаран амонатдориро танҳо дар нигоҳ доштани чизе назди худ ва ё маблағи ба касе супурдашуда мефаҳманд, ки чунин фаҳмиш аз арзиши амонатдорӣ хеле маҳдуд аст. Ҳолатҳои дигаре чун қадр намудану нигоҳ доштани боварии дигарон, иҷрои масъулиятҳои бауҳдадошта, ҳифзи моликияти давлативу ҷамъиятӣ, сарфакорӣ намудан дар харҷҳои давлативу ҷамъиятӣ, дуруст ба роҳ мондани харҷҳои ҷамъиятӣ чун амонатдорӣ дарк намуда намешавад, ки албатта ин боиси нигаронӣ аст. Аз ин рӯ, зарур мешуморем, ки дар миёни мардуми мо фаҳмиши васеъ аз амонатдорӣ тақвият бахшида шавад ва ҳар нафари касбу кори гуногун бояд дарк намояд, ки дар назди ҷамъият амонатдор аст ва бояд дар иҷрои вазифаи худ масъулиятшиносона муносибат намояд. Яъне, дар ҷомеа ҳар нафаре дар иҷрои вазифаи ба ӯ вогузошта амонатдор аст ва зарур аст, ки меъёри амонатдориро дар ҳама ҳолат риоя намояд.   
Дар шароити имрӯза зарур мешуморем, ки ба тарбияи руҳияи амонатдорӣ миёни ҷавонону наврасон ва дар умум шаҳрвандони кишвар эътибори ҷиддӣ дода шавад. Танҳо бо нафарони амонатдор мо метавонем ояндаи беҳтареро барои мардуми кишвар бунёд гузорем ва рушди давлатдории миллиамонро тақвият бахшем.
Арзиши дигари муҳиме, ки дар заминаи тақвияти он мо метавонем сатҳи коррупсияро дар кишвар паст намоем, ин руҳияи қаноатпешагӣ аст. Дар зиндагии ҳамарӯза мушоҳида менамоем, ки як қисми одамон зиндагии хеле оддӣ доранд ва ҳамеша кӯшиш бар он мекунанд, то аз роҳи ҳалолу дуруст рӯзӣ ба даст оваранд. Аммо, дар қатори чунин инсонҳо боз нафаронеро ҳам мушоҳида мекунем, ки дорои сарвати зиёданд, аммо ба ин кифоят накарда, даст ба амалҳои коррупсионӣ ва аз худ намудани манбаъҳои давлативу ҷамъиятӣ мезананд. Аз ин рӯ, тарбияи руҳияи қаноатпешагӣ барои ҷомеаи мо метавонад хеле муҳим бошад. 
Албатта, агар инсон бо роҳи дурусту қонунӣ ва ҳалолу покиза ба дороии зиёде мушарраф гардад ҳеҷ боке надорад ва сарвати ӯ самараи кӯшишу ғайратҳояш аст. Аммо дар шароити имрӯза мо нафаронеро мебинем, ки бо расидан ба мақомҳои муҳими давлативу ҷамъиятӣ пеш аз ҳама барои бунёди зиндагии бодабдаба барои худ шуруъ мекунанд. Бо даст задан ба амалҳои коррупсионӣ ва суистифода аз мақом онҳо барои худ шароитҳои бодабдабаро бунёд мегузоранд. Гӯё ба назар чунин мерасад, ки чунин мардум қаноатпешагиро тамоман фаромӯш намудаанд ва ё дар мавриди он ҳатто наандешидаанд. Дар шароити Тоҷикистон зиндагии иҷтимоӣ тадриҷан беҳтар мешавад ва музди меҳнат зина ба зина боло рафта истодааст. Агар мо қаноатро пеша намоем ва баҳри рушди соҳаҳои мухталифи ҳаёти кишварамон камари ҳиммат бубандем, албатта рӯзе мерасад, ки бо ҳалолкории худ ба зиндагии осудае бирасем.
Ба андешаи мо заминаи дигари муҳим дар пешгирӣ ва рафъи коррупсия дар Тоҷикистон таҳким бахшидани ҳисси қонунмеҳварӣ миёни мардуми кишвар аст. Дар ҳама сурат ба мо зарур аст, ки қонунмеҳвариро дар замири насли ҷавон парварида бошем. Барои таҳкими руҳияи қонунмеҳварӣ зарур мешуморем, ки дар самти иҷроиши қонунҳо ва эҳтиром ба қонун мансабдорони зинаҳои мухталиф ва хизматчиёни давлатӣ чун намунаи пайравӣ бошанд. Бо тақвият ёфтани тафаккури қонунмеҳварӣ заминаи зуҳури ҳар гуна амалҳои коррупсионӣ дар ҷомеа аз байн меравад ва тадриҷан сатҳи коррупсия дар кишвар паст мегардад.
Дар ҳама давру замон таҳкими ҳисси масъулияти шаҳрвандӣ дар назди ҷомеа яке аз заминаҳои муҳими пешгирӣ ва рафъи амалҳои коррупсионӣ шинохта шудааст. Дар ҳар сурат рушди ин давлату миллат ва инкишофи ояндаи ҳаёти ҷомеа аз амал ва фаъолияти худи мо вобаста аст. Агар мо дар назди ҷомеа эҳсоси масъулият намоем, барои ҳар амал ва фаъолиятамон ҷавобгар бошем, манфиатҳои миллат ва давлатро аз манфиатҳои шахсиву гурӯҳӣ боло гузорем, вазифаҳои хешро содиқона ва софдилона ба иҷро расонем, мушкилоти ҷомеаро дар якҷоягӣ ҳаллу фасл созем, пас бо итминон гуфта метавонем, ки заминае барои зуҳури коррупсия боқӣ намемонад ва сатҳи коррупсия дар кишвар комилан паст мегардад.  
 
Шарофиддин СОЛИЕВ, 
устоди  ДҲБСТ,
номзади илмҳои сиёсатшиносӣ
 


Баёни ақида (0)    Санаи нашр: 08.04.2022    №: 68    Мутолиа карданд: 1099
24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР

ТИБ. ҲАМОИШИ БАЙНАЛМИЛАЛӢ ДАР ТОШКЕНТ

«ТОҶИКОН» БА ЗАБОНИ ӮЗБЕКӢ ДӮСТИИ ДУ ХАЛҚИ БАРОДАРРО ТАҲКИМ МЕБАХШАД

09.06.2022


ҶОМИ ОСИЁ – 2023

Суҳбати телефонии Путин бо Сайид Иброҳим Раисӣ

Ҷаҳон дар як сатр

ФОРУМИ ҶАВОНОН ВА КӮДАКОН

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

ИФТИТОҲИ ЧАНД ИНШООТИ МУҲИМ ДАР ПОЙТАХТ

РУСТАМИ ЭМОМАЛӢ МАРК БОУМАНРО БА ҲУЗУР ПАЗИРУФТ

08.06.2022


РАШТ. УФУҚҲОИ ТОЗАИ РУШД


Дар сомонаҳои дигари Тоҷикистон хонед