logo

иқтисод

КОРХОНАИ ҶУРОББОФӢ ДАР ЗАФАРОБОД КАЙ ФАЪОЛ МЕШАВАД?

 
Президенти Ҷумҳурии Тоҷикистон муҳтарам Эмомалӣ Раҳмон зимни суханрониҳо дар иртибот ба равнақбахшии соҳаи саноат пайваста ба масъулони соҳа дастуру супориш медиҳанд, ки ҷиҳати бунёди корхонаҳои нави истеҳсолӣ дар заминаи воридсозии технологияи муосиру маҳсулоти ҷавобгӯ ба рақобати бозори ҷаҳонӣ, ҳамчунин, аз нав фаъолшавии корхонаҳои қаблии аз истеҳсолот бозмонда ва таъсису ташкили ҷойҳои нави корӣ мутобиқ ба талаботи бозори ҷаҳонӣ тадбирҳои заруриву муассир андешанд. Ва бо назардошти аҳамияти  муҳими калидии соҳа дар рушду пешрафти иқтисодиёти мамлакат, ҳаллу фасли масоили зиёди иҷтимоию баланд бардоштани сатҳи зиндагии шоистаи аҳолӣ дар ҷумҳурӣ солҳои 2022 – 2026  - Солҳои рушди саноат эълон гаштааст. Татбиқи саривақтиву сифатии ин дастуру супоришҳои Сарвари давлат мусоидат хоҳанд кард, ки ба ҳадафи чоруми миллӣ – саноатикунонии мамлакат муваффақ гардему кишварамонро боз ҳам ободу зеботар гардонем.
Вале, мутаассифона, мушоҳидаҳо бозгӯйи онанд, ки дар иҷрои саривақтии дастуру супоришҳои Сарвари давлат аз ҷониби бархе масъулони соҳаву корхонаҳои истеҳсолӣ саҳлангорӣ  ба назар мерасад. Масалан, корхона ва ё фабрикаи ҷуроббофии ноҳияи Зафаробод, ки ҳамчун филиали ҶДММ «Неку Хуҷанд»-и шаҳри Хуҷанд аз тарафи ширкати Ҷамъияти саҳомии пӯшидаи «Хуҷанд-инвест-коттон»  моҳи марти соли 2011 дар ҷараёни тантанаҳои наврӯзӣ бо иштироки Пешвои миллат муҳтарам Эмомалӣ Раҳмон расман ба истифода дода шудаасту «Наврӯз» номгузорӣ гаштааст, муддатҳост фаъолият надорад.  
Корхонаи мазкур бо маблағгузории 4 миллион сомонии ҶСП «Хуҷанд-инвест-коттон» сохта шуд. Ба хотири истеҳсоли маҳсулоти мутобиқ ба меъёрҳои ҷаҳонӣ ба он ба маблағи  зиёда аз 3 миллион доллари амрикоӣ таҷҳизоти муосири ширкати итолиёвӣ ворид гардид.  Иқтидори истеҳсолии он дар як сол 3 миллион ҷуфт ҷуроби хушсифати пахтагин   мебошад. 
Ҳамзамон, моҳи июни соли 2012 ба фабрика боз 14 таҷҳизоти нав барои истеҳсоли 300 ҳазор дона пойҷомаи бачагона дар як сол ворид гардида, бояд аз дурнамои мусаффои истеҳсолӣ дарак медоду боз 300 ҷойи нави корӣ муҳайё мешуд. Вале ин тавр нашуд.  Барои чӣ корхонае, ки бо харҷи маблағи калон сохтаву таҷҳизонда шудааст, имрӯз фаъолият надорад?
-  Корхона аз рӯзи оғози фаъолияти пурра, яъне аз  соли 2012 то 1-уми январи соли 2019 ба миқдори 1 миллиону 749,5 ҳазор ҷуфт ҷуроб истеҳсол кардааст, ки дар баробари бозори дохилӣ, асосан, тибқи шартнома ба Федератсияи Россия содирот шудааст.  Аммо, мутаассифона, фаъолияти муътадили корхона дер давом накард, аз моҳи августи соли 2014 то моҳи декабри соли 2016 бо сабабҳои маҳдуд будани бозори муомилот ва паст рафтани қурби пули русӣ шартномаи харидуфурӯш байни фабрикаи ҷуроббофии «Неку Хуҷанд» ва ширкатҳои харидори Федератсияи Россия бекор гашта, ба қатъи истеҳсолот  оварда расонд. Сарфи назар аз он, ки боз бо дахолати мақомоти иҷроияи ҳокимияти давлатии вилоятиву ноҳиявӣ корхона чанд бори дигар эҳё шуда бошад ҳам, бинобар  аз лиҳози самаранокии истеҳсолот ва манофеи иқтисодӣ ҷавобгӯи талаботи рӯз набудану мушкилии маблағи гардон ва рақобатнопазирӣ дар бозор корхона аз фаъолият бозмонд, – гуфт Меҳриддин Шарифзода, муовини раиси ноҳия, сарпарасти соҳаи саноати Зафаробод
Тибқи маълумоти оморӣ аз 28 корхонаи саноатии хурду калон ва сехҳои истеҳсолии ноҳияи мазкур 6-тоаш аз фаъолият бозмонда, 10 адади он мавсимӣ аст. 
Сарфи назар аз мушкилиҳои мавҷуда, масъулини мақомоти иҷроияи маҳаллии ҳокимияти давлатии ноҳияро зарур аст, ки бо муҳимияти рушди саноат дар пешравии иқтисодиёт, ҳаллу фасли бисёр масоили иҷтимоии ноҳия ва татбиқи саривақтиву босифати “Барномаи рушди соҳаи саноат дар ҷумҳурӣ барои солҳои 2022-2026” ба кор андохтани корхонаҳои аз фаъолият бозмонда, коргоҳҳои хурд, бавижа фабрикаи ҷуроббофии “Наврӯз”-ро, ноил шаванд. Ин тадбирҳои судманд ҷиҳати бо ҷойи кори доимӣ таъмин шудани садҳо нафар сокинони маҳаллӣ мусоидат мекунаду ба ин васила метавон дар татбиқи ҳадафи чоруми стратегии миллӣ – саноатикунонии мамлакат саҳми босазо гузошт.
 
Ҷовиди АШТӢ,
“Ҷумҳурият”


Баёни ақида (0)    Санаи нашр: 14.04.2022    №: 72    Мутолиа карданд: 1553
24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР

ТИБ. ҲАМОИШИ БАЙНАЛМИЛАЛӢ ДАР ТОШКЕНТ

«ТОҶИКОН» БА ЗАБОНИ ӮЗБЕКӢ ДӮСТИИ ДУ ХАЛҚИ БАРОДАРРО ТАҲКИМ МЕБАХШАД

09.06.2022


ҶОМИ ОСИЁ – 2023

Суҳбати телефонии Путин бо Сайид Иброҳим Раисӣ

Ҷаҳон дар як сатр

ФОРУМИ ҶАВОНОН ВА КӮДАКОН

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

ИФТИТОҲИ ЧАНД ИНШООТИ МУҲИМ ДАР ПОЙТАХТ

РУСТАМИ ЭМОМАЛӢ МАРК БОУМАНРО БА ҲУЗУР ПАЗИРУФТ

08.06.2022


РАШТ. УФУҚҲОИ ТОЗАИ РУШД


Дар сомонаҳои дигари Тоҷикистон хонед