logo

иқтисод

КӮЛОБ. ҲАНӮЗ ҲАМ ХАТАРИ СЕЛ ЭҲТИМОЛ ДОРАД!

 
Бо фарорасии фасли баҳор, ки боришот аз меъёри  муқаррарӣ зиёд мегардад, садҳо сокинони деҳаҳои назди Шураксой, Девонасой ва Тебалай серташвиш мешаванд. Ёдовар мешавем, ки 11 майи соли 2021 бар асари боришоти зиёд ва омадани сел дар маҳаллаҳои аҳолинишини шаҳри Кӯлоб 145 хонаи истиқоматӣ, аз ин 43 хона пурра, 102 хона қисман ва 606 иншооти ёрирасон хисороти ҷиддӣ диданд. Инчунин, 10 пул, 4 муассисаи таълимӣ ва томактабӣ, 6 километр роҳҳои автомобилгарди кӯчаву маҳаллаҳо, хатҳои интиқоли барқу сутунпоя, 7 истгоҳи барқӣ, 13 километр хати каналҳои обёрӣ, 5 агрегати барқӣ ва 128 сар чорво зарар дида буданд.
Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ ба шаҳри Кӯлоб 15 июни соли 2021 аз маҳаллаҳои аз офати табии зарардида дидан намуда, ба масъулон дастур доданд, ки дар кӯтоҳтарин фурсат манзилҳои истиқоматӣ ва иншооти дигари харобгашта пурра барқарор карда шавад. 
Хотиррасон бояд кард, ки оби каналҳои Шӯраксой бо дарозии 6251 метр, Девонасой 6700 метр ва Тебалай 18700 метр аз ҳудуди ноҳияҳои Муъминобод, Шамсиддин Шоҳин ва қисмати болоии шаҳри Кӯлоб ҷорӣ шуда, ба пуррагӣ аз дохили маҳаллаҳои аҳолинишини шаҳр мегузарад. Оби каналҳои болозикр ба дарёчаи Кӯлоб ворид шуда, дар ноҳияи Восеъ бо дарёи Ёхсу якҷоя шуда, манбаъҳои селро ба вуҷуд меорад. Оқибатҳои сели солҳои охир далели онанд, ки яке аз масъалаҳои муҳими ҳалталаби замон имрӯз корҳои соҳилбандӣ ба ҳисоб мераванд. Махсусан, дар сойи Тебалай, Шӯраксой, Девонасой ва дарёи Ёхсу ин масъала хеле шиддатноктар аст. Аз ин рӯ, аз ҷониби роҳбарияти Ҳукумати Ҷумҳурии Тоҷикистон, мақомотҳои иҷроияи ҳокимияти давлатии шаҳру вилоят дар масъалаи соҳилбандӣ дар ин мавзеъҳои ҳаётан хатарнок диққати ҳамарӯза дода мешавад. Мувофиқи амри Президенти Ҷумҳурии Тоҷикистон муҳтарам Эмомалӣ Раҳмон лоиҳакаш   КВД «Тоҷикгидроводхоз» иҷрои корҳои сохтмониро дар ҳар се сойи номбаршуда ба маблағи 62 миллиону 120 ҳазор сомонӣ ҳисоб кардааст. Дар соли 2021 – ум 22 миллиону 450 ҳазор сомонӣ бо ин мақсад ҷудо гардид. То 31 декабри соли 2021 корҳои иҷрошуда дар ин мавзеъҳои ҳаётан муҳим зиёда аз 5 миллиону 300 ҳазор сомониро ташкил додааст. Аз ҷумла, дар сойи Тебалай 160 метр, Шӯраксой 190 метр ва дар Девонасой – 1120 метр корҳои оҳану бетонии  соҳилбандӣ иҷро карда шудааст. Дар Девонасой – 2 бошад 80 метр чунин корҳо анҷом пазируфт. Айни ҳол дар маҳали якҷояшавии каналҳои Девонасой ва Шӯраксой ба дарозии 1350 метр корҳои заминӣ, оҳану бетонӣ ва барқарорсозии иншооти пасткунандаи суръати об ҷараён дорад. Метавон гуфт, ки сатҳу сифати корҳои сохтмонӣ дар ҳамаи мавзеъҳои корӣ хуб буда, зери назорати ҷиддии масъулони соҳа қарор дорад. Бо дастури роҳбарияти олии мамлакат дар қитъаҳои кандашуда, роҳи даромад ба маркази шаҳри Кӯлоб ва мустаҳкам намудани соҳили Шӯраксой ва Девонасой дар ин мавзеъ дар асоси лоиҳаи тасдиқшуда аз ҷониби лоиҳаи сохтмони роҳи автомобилгарди Кӯлоб – Қалъаи – Хумб, қитъаи Кӯлоб – Шамсиддин Шоҳин амалӣ гардида, 1000 метри мукааб корҳои бетонӣ ба анҷом расонда шуда, 180 метр лӯлаи оби нӯшокӣ ва 80 метр лӯлаи канализатсия бо лӯлаи қутраш 500 мм иваз карда шудааст. 
Соли сипаришуда аз ҳисоби маблағҳои худӣ, корхона ва ташкилоту муассисаҳои шаҳр дар сойи Даҳана, дарёи Ёхсу мавзеъҳои Чорчашма ва Ментут ва дарёчаи Кӯлоб ба маблағи 328 ҳазору 730 сомонӣ корҳои соҳилбандӣ ба субут расидаанд. Имрӯзҳо корҳои соҳилбандӣ ва барқарорсозӣ дар мавзеъҳои аз офати табиӣ зарардида, бо суръати баланд идома доранд.
 
Холназар КАСИРОВ, 
«Ҷумҳурият»


Баёни ақида (0)    Санаи нашр: 21.04.2022    №: 77    Мутолиа карданд: 907
24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР

ШӮҲРАТ МУҲАММАДЗОДА: "САҲМИ СОҲИБКОРОН ДАР ОБОДОНИИ НОҲИЯ ТАВСЕА МЕЁБАД"

22.06.2022


Вазири корҳои хориҷӣ сафири Арабистони Саудиро ба ҳузур пазируфт

Лукашенко дар назди деҳқонон вазифаҳои нав гузошт

ҶАҲОН ДАР ЯК САТР

БОНКИ МИЛЛИИ ТОҶИКИСТОН. ТАШРИФИ ҲАЙАТИ ХБА РАВОБИТИ ДУҶОНИБАРО ТАҲКИМ МЕБАХШАД

«SOCIETY MAGAZINE». НАШРИ СИЛСИЛАМАҚОЛАҲО ДАР БОРАИ ТОҶИКИСТОН

20.06.2022


СҲШ. ДИПЛОМАТИЯИ ХАЛҚӢ БАРОИ ТАҲКИМИ ДӮСТӢ ХИДМАТ МЕКУНАД

17.06.2022


САЙЁҲӢ. ДОНИШҶӮЁНИ ТОҶИК ДАР АРАБИСТОНИ САУДӢ ТАҶРИБА МЕОМӮЗАНД

МАСТЧОҲ. БОЗДИДИ РАИСИ ВИЛОЯТ АЗ ҶАРАЁНИ КОРҲОИ ОБОДОНӢ

16.06.2022


НОҲИЯИ ФИРДАВСӢ. ГУЗОРИШ АЗ ЯК ҲАМОИШИ МУҲИМ

СҲШ. БАРГУЗОРИИ ҶАЛАСАИ ШУРОИ ҶАВОНОН ДАР ТОШКЕНТ

14.06.2022


ХОРУҒ. МУСОДИРАИ СИЛОҲУ МУҲИМОТИ ҶАНГӢ АЗ ХОНАИ ДУ САРКАРДАИ ГУРӮҲИ ҶИНОЯТӢ

Эрдоган дар нишасти НАТО ният дорад мавқеи қатъии Туркияро дар масъалаи терроризм таъкид намояд

ҶАҲОН ДАР ЯК САТР

ДМТ. ИФТИТОҲИ БИНОИ НАВСОХТИ ДОНИШКАДАИ КОНФУТСИЙ

РОҒУН. 105 ИНШООТИ ҶАШНӢ БУНЁД МЕГАРДАД

13.06.2022


Путин ба муносибати Рӯзи Россия бар аҳамияти ваҳдат барои мардум таъкид кард

10.06.2022


30 корманди ДМТ соҳиби манзили истиқоматӣ шуд

СММ ислоҳоти сиёсӣ дар Қазоқистонро пуштибонӣ кард

ҶАҲОН ДАР ЯК САТР

ТИБ. ҲАМОИШИ БАЙНАЛМИЛАЛӢ ДАР ТОШКЕНТ

«ТОҶИКОН» БА ЗАБОНИ ӮЗБЕКӢ ДӮСТИИ ДУ ХАЛҚИ БАРОДАРРО ТАҲКИМ МЕБАХШАД

09.06.2022


ҶОМИ ОСИЁ – 2023

Суҳбати телефонии Путин бо Сайид Иброҳим Раисӣ

Ҷаҳон дар як сатр

ФОРУМИ ҶАВОНОН ВА КӮДАКОН

НОҲИЯИ ФИРДАВСӢ. БА ТАРБИЯИ ҲУҚУҚӢ ВА ПЕШГИРИИ ҚОНУНШИКАНӢ ТАВАҶҶУҲИ БЕШТАР ЗОҲИР МЕГАРДАД

ИФТИТОҲИ ЧАНД ИНШООТИ МУҲИМ ДАР ПОЙТАХТ

РУСТАМИ ЭМОМАЛӢ МАРК БОУМАНРО БА ҲУЗУР ПАЗИРУФТ

08.06.2022


РАШТ. УФУҚҲОИ ТОЗАИ РУШД


Дар сомонаҳои дигари Тоҷикистон хонед