logo

Хабарҳо

Сироҷиддин Муҳриддин Вук Жугичро ба ҳузур пазируф

Вазири корҳои хориҷии Ҷумҳурии Тоҷикистон Сироҷиддин Муҳриддин иҷрокунандаи вазифаи роҳбари Дафтари барномаҳои САҲА дар Душанбе Вук Жугичро ба ҳузур пазируфт.
Ҷонибҳо масъалаҳои рушди муносибатҳои Тоҷикистону САҲА-ро дар чаҳорчӯбаи се ченаки ҳамкорӣ: низомӣ - сиёсӣ, иқтисодӣ – муҳитзистӣ ва инсонӣ мавриди баррасӣ қарор доданд.
 
 
Ҳамкорӣ дар самти ислоҳоти милитсия 
Рамазон Раҳимзода, вазири корҳои дохилӣ, дар дидор бо иҷрокунандаи роҳбари Дафтари барномаҳои САҲА дар Душанбе Вук Жугич ва дигар намояндагони дафтари мазкур гуфт, ки солҳои охир равобиту ҳамкориҳои дуҷониба ва бисёрҷонибаи мақомоти корҳои дохилии Тоҷикистон бо Дафтари барномаҳои САҲА тақвият ёфта истодааст.
Ба иттилои вазорат, дар вохӯрӣ доир ба татбиқи минбаъдаи Барномаи ислоҳоти милитсия барои солҳои 2021-2025, инчунин, густариши ҳамкориҳо, дастгирӣ дар самти ислоҳоти милитсия ва ҳалли мушкилоти мавҷудаи мақомот андешаҳои муҳим баён шуданд.
 
 
Робитаҳои байнипорлумонӣ бо Чин густариш меёбанд 
Раиси Кумитаи Маҷлиси миллии Маҷлиси Олии Ҷумҳурии Тоҷикистон оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, иттиҳодияҳои ҷамъиятӣ, воситаҳои ахбори омма ва робитаҳои байнипарламентӣ Раҳимӣ Фарҳод бо сафири фавқулода ва мухтори Ҷумҳурии Мардумии Чин дар Ҷумҳурии Тоҷикистон Тзи Шумин мулоқот намуд.
Тавре Наврӯз Қурбонзода, ёвари Раиси Маҷлиси миллӣ оид ба робита бо воситаҳои ахбори омма ва созмонҳои ғайридавлатӣ, ба рӯзномаи «Ҷумҳурият» иттилоъ дод, мулоқот бо дархости ҷониби Чин сурат гирифта, оид ба густариши робитаҳои байнипорлумонии ду кишвар, инчунин, зарурати барқарор кардани вохӯриву тамосҳо дар сиғаи ҳузурӣ сухан рафт.
 
 
Таҳкими ҳамкориҳо бо Эрон дар соҳаи тандурустӣ ва ҳифзи иҷтимоии аҳолӣ
Дар мулоқоти вазири тандурустӣ ва ҳифзи иҷтимоии аҳолӣ Ҷамолиддин Абдуллозода бо сафири фавқулода ва мухтори Ҷумҳурии Исломии Эрон дар Тоҷикистон Муҳаммадтақии Собирӣ таъкид гашт, ки айни замон байни муассисаҳои таълимии Вазорати тандурустӣ ва ҳифзи иҷтимоии аҳолии Тоҷикистон ва як қатор муассисаҳои илмиву таълимии Эрон ҳамкориҳои судманд тавассути якчанд шартномаҳо ба роҳ монда шудаанд.
Ҷонибҳо вобаста ба табодули таҷрибаи табибони ду кишвар дар самти ворид намудани усулҳои нави ташхис ва табобат, баргузории машваратҳои омӯзишӣ дар шакли маҷозӣ, ба бозомӯзӣ ва такмили ихтисос  фаро гирифтани кормандони соҳа ва дигар самтҳои афзалиятнок сухан ронданд.
 
 
Созишнома миёни Донишгоҳи давлатии Хуҷанд ва Донишкадаи забонҳои хориҷии Самарқанд
Байни Донишгоҳи давлатии Хуҷанд ба номи академик Бобоҷон Ғафуров ва Донишкадаи забонҳои хориҷии Самарқанд созишномаи ҳамкорӣ ба имзо расид. 
Ҷонибҳо дар асоси созишнома рушди робитаҳои илмӣ-инноватсионӣ, фарҳангӣ, инчунин, таъмини табодули таҷрибаро миёни кормандону донишҷӯён ба роҳ монда, дар самти ташкили чорабиниҳои муштарак иқдом менамоянд, - иттилоъ дод хадамоти матбуоти раиси вилояти Суғд.
Донишгоҳи давлатии Хуҷанд ба номи академик Бобоҷон Ғафуров феълан бо 100 муассисаи олӣ ва олии касбии ватаниву хориҷӣ ҳамкориҳои илмиву таълимӣ ва мубодилавию фарҳангӣ дорад.
 
 
Қоидаи нав барои донишҷӯён - даъватшавандагон ба хизмати ҳарбӣ
Донишҷӯёни Тоҷикистон, ки барои хизмати аскарӣ уҳдадоранд, имкон пайдо мекунанд пеш аз муҳлат имтиҳон супоранд. Дар ин бора фармоиши вазири маориф ва илми Ҷумҳурии Тоҷикистон имзо шуда, ба муассисаҳои олии кишвар ирсол гардидааст.
Тавре аз Вазорати маориф ва илм ба “Ҷумҳурият” хабар доданд, тартиби муқарраршуда барои гузарондани имтиҳоноти ҳатмии пеш аз муҳлат ва аттестатсия ба донишҷӯёни курсҳои чорум ва панҷум, ки мехоҳанд дар сафи Артиши миллии Тоҷикистон хизмат кунанд, дахл дорад.
 


Баёни ақида (0)    Санаи нашр:    №:    Мутолиа карданд: 6019
19.05.2022


Вазъ дар Рӯшон ором аст

СААД ва СҲШ дар мубориза бо ҷинояткорӣ муттаҳид мешаванд

Ҷаҳон дар як сатр

ТИМИ МИЛЛӢ

18.05.2022


Мулоқоти маҷозии Рустами Эмомалӣ бо Ли Чжаншу

ДАҲСОЛАИ ОБ БАРОИ РУШДИ УСТУВОР

Суҳбати телефонии Путин ва Президенти нави Амороти Муттаҳидаи Араб

Ҷаҳон дар як сатр

САЙРЕ ДАР ШЕЪРИСТОНИ ЛОИҚ

17.05.2022


Иҷлосияи даҳуми Маҷлиси миллӣ, даъвати шашум баргузор мегардад

ҶОМИ ОСИЁ

Путин: «Роҳбарони СААД дар бораи ҳамкориҳои низомӣ изҳороти муштарак қабул мекунанд»

Ҷаҳон дар як сатр

16.05.2022


Мулоқоти Рустами Эмомалӣ бо Маулен Ашимбаев

ДАВИ МИЛЛӢ

ҲИСОР. БА ИФТИХОРИ ҶАШНИ 35-СОЛАГИИ ИСТИҚЛОЛИ ДАВЛАТӢ БЕШ АЗ 1500 ИНШООТ БУНЁД МЕШАВАД

КИТОБХОНАИ МИЛЛӢ. ЯК ҲАМОИШИ МУҲИМ

САМАРҚАНД. ТИМИ "ҶУМҲУРИЯТ" ДАР БОЗИИ ДӮСТОНА ПИРӮЗ ШУД

ТОҶИКИСТОН ВА ӮЗБЕКИСТОН. ЖУРНАЛИСТОН БАРОИ ТАҲКИМИ ҲАМКОРИҲО ДАСТ БА ДАСТИ ҲАМ ДОДАНД

КӮЛОБ. ТАҶЛИЛИ РӮЗИ ҒАЛАБА

“ИСТИҚЛОЛ” – БАРАНДАИ СУПЕРҶОМИ ТОҶИКИСТОН – 2022

06.05.2022


Нахустин ҷаласаи як Ситоди муҳим

"АМОНАТБОНК". БОВАРИ МАРДУМ ДАР ҲОЛИ АФЗОИШ АСТ

ҲАНГОМАИ НАВБАТИИ «РЕАЛ». Ё ЧӢ ТАВР ТИМИ ШОҲОНА БА ФИНАЛ БАРОМАД?

Хаскаш Абдуллоев: «Мо бояд сулҳро қадр кунем»

Ҷаҳон дар як сатр

05.05.2022


Ҳеҷ кас ва хеҷ чиз фаромӯш нашудааст!

Дурахши паҳлавони тоҷик дар ИМА

Путин ва Лукашенко омодагӣ ба мулоқоти раҳбарони кишварҳои узви СААД-ро баррасӣ карданд

ҶАҲОН ДАР ЯК САТР

“ФУРӮҒИ СУБҲИ ДОНОӢ КИТОБ АСТ”. БАРДОШТ АЗ ДАВРИ АВВАЛИ ОЗМУН ДАР КОЛЛЕҶИ ФАРҲАНГИ ҶУМҲУРИЯВӢ

ӮЗБЕКИСТОН. САФИР БА ДИДОРИ МАҲБУСОН РАФТ

НОМГУЗОРИИ ҚУЛЛАҲОИ ПОМИР БА НОМИ ШОИРОН МИРСАИД МИРШАКАР ВА МУЪМИН ҚАНОАТ

03.05.2022


Кумакҳои Рустами Эмомалӣ ба табақаи ниёзманд

28.04.2022


Сироҷиддин Муҳриддин Вук Жугичро ба ҳузур пазируф


Дар сомонаҳои дигари Тоҷикистон хонед