logo

иҷтимоиёт

ҶАНГИ БУЗУРГИ ВАТАНӢ. ЗАФАРМАНДОНИ ТОҶИК ЗЕРИ ҒАМХОРӢ ВА ДАР ПАНОҲИ ДАВЛАТАНД

Соли ҷорӣ аз анҷоми набардҳои хунини Ҷанги Бузурги Ватанӣ, ки таърих назирашро ёд надорад, 77 сол сипарӣ шуд ва ҳар сол мардуми шарафманди Тоҷикистон дар радифи дигар халқу миллатҳои сулҳҷӯи олам 9 майро ҳамчун Рӯзи Ғалаба бо шукӯҳ таҷлил мекунанд. Аз ҷумла, бо қарори раиси шаҳри Душанбе Рустами Эмомалӣ барои дар сатҳи баланди ташкиливу бадеӣ таҷлил намудани Рӯзи Ғалаба дар Ҷанги Бузурги Ватанӣ нақшаи вижае рӯйи даст гирифта шудааст.
 
Раҳмат Қудратов, раиси Шурои собиқадорони ҷангу меҳнати кишвар, зимни суҳбат гуфт, ки солҳои ҷанг аз Тоҷикистон 300 ҳазор нафар ба фронт рафта, 92 ҳазор дар рафти амалиётҳои ҷангӣ ҷон бохт. Айни ҳол, дар кишвар аз 208 ҳазор иштирокчии Ҷанги Бузурги Ватанӣ, ки дар таъмини Ғалаба саҳми намоён дошт, танҳо 58 нафар дар қайди ҳаёт аст. Соли гузашта 98 собиқадор дар Тоҷикистон Рӯзи Ғалабаро ҷашн гирифт. Соли 2020 шумораи онҳо 168 кас буд. Ҳоло бошад, куҳансолтарин иштирокчии Ҷанги Бузурги Ватанӣ Рашид Каримов, ки дар шаҳри Ҳисор зиндагӣ мекунад, 110-сола мешавад. 
Корнамоиҳои бемисли шаҳрвандони Тоҷикистон дар таъмини Ғалаба бо ордену медалҳои зиёд қадрдонӣ шудааст. Аз ҷумла, 56 ҳазор далерони майдони ҷанг бо ордену медал, 54 нафар ба гирифтани унвони олии Қаҳрамони Иттиҳоди Шуравӣ ва 15 нафар бо се ордени Шараф мушарраф гардиданд.
Раиси Шурои собиқадорони ҷангу меҳнати ҷумҳурӣ изҳори қаноатмандӣ кард, ки ба иштирокчиён ва маъюбони Ҷанги Бузурги Ватанӣ,  пеш аз ҳама, бо ҳидояти  Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Ҳукумати Ҷумҳурии Тоҷикистон, мақомоти иҷроияи ҳокимияти давлатии вилоятҳо, шаҳру ноҳияҳо, вазорату кумитаҳо, ташкилоту муассисаҳо ва соҳибкорон аз ҷиҳати молиявӣ ва барқарор намудани саломатии онҳо мунтазам ғамхорӣ зоҳир менамоянд. 
Ҳамасола аз ҷониби Президенти Ҷумҳурии Тоҷикистон муҳтарам Эмомалӣ Раҳмон ба иштирокчиёни ҶБВ туҳфаҳои молиявӣ тақдим мешаванд. Аз ҷумла, соли ҷорӣ ба ҳар як собиқадори ҷангу меҳнат, аз номи Пешвои миллат 15 ҳазор сомонӣ ёрӣ расонда шуд, ки дар қиёс ба як соли пеш 5 ҳазор сомонӣ зиёд аст. Ҳамзамон, дар барорбари туҳфаҳои молии Сарвари давлат, раисони вилоятҳо, шаҳру ноҳияҳо ва дигар роҳбарони идораҳои марбути давлатӣ низ, ба иштирокчиёни ҶБВ ёрии моддӣ мерасонанд. Аз ҷумла, соли ҷорӣ бо қарори раиси шаҳри Душанбе ба ифтихори 77-солагии Ғалаба барои собиқадорони ҷангу меҳнат, ҷанговарони интернатсионалист ва чернобилчиён аз ҳисоби буҷети пойтахт беш аз 288 ҳазор сомонӣ ҷудо гардид. Ба иштирокчиёни ҶБВ, ки дар пойтахт ба сар мебаранд, ёрии молиявӣ ба ҳар нафар дар ҳаҷми 3000 сомонӣ, ҷанговарони интернатсионалист ва чернобилчиён дар ҳаҷми 800 сомонӣ кумаки пулӣ расонда мешавад.
Гузашта аз ин, бо қарори раиси вилояти Суғд Раҷаббой Аҳмадзода ба иштирокчиёну маъюбони ҶБВ ва ҳамсарони бесаробонмондаи ҷанговарони дар муҳорибаҳо ҳалокгардидае, ки нафақаи бесаробонӣ мегиранд, ба миқдори 6000 сомонӣ кумакпулии яквақта дастрас мегардад. Ҳамин тавр, барои қадршиносии 18 нафар иштирокчӣ ва маъюби ҶБВ 108 ҳазор ва 123 нафаре, ки дар ақибгоҳ фаъолият доштаву соҳиби медалҳоянд, 369 ҳазор сомонӣ ҷудо гардидааст.
Аз ҷониби раиси вилояти Хатлон Қурбон Ҳакимзода бошад, ба 17 иштирокчӣ ва маъюби ҶБВ 2500-сомонӣ тақдим мешавад. Дар баробари ин, аз ҷониби мақомоти иҷроияи ҳокимияти давлатии шаҳру ноҳияҳо то 1500 сомонӣ ба ин қишри ҷомеа ёрии яквақтаина мерасонанд. 
Боиси тазаккур аст, ки сатҳи иҷтимоӣ ва таъмини зиндагии хуби собиқадорони ҷангу меҳнат ҳамеша дар меҳвари таваҷҷуҳи роҳбарияти олии кишвар қарор дошта, барои онҳо як қатор имтиёзҳо, аз ҷумла ташкили табобату истироҳати ройгон дар истироҳатгоҳҳои мамлакат, хизматрасониҳои коммуналӣ ва дигар намуди дастгириҳо, ҷорӣ гардидаанд.
 
Маҳмуд МИРЗОЁН, «Ҷумҳурият»
 


Баёни ақида (0)    Санаи нашр: 06.05.2022    №: 87    Мутолиа карданд: 772
20.05.2022


Суҳбати телефонии Путин бо Токаев

19.05.2022


Вазъ дар Рӯшон ором аст

СААД ва СҲШ дар мубориза бо ҷинояткорӣ муттаҳид мешаванд

Ҷаҳон дар як сатр

ТИМИ МИЛЛӢ

18.05.2022


Мулоқоти маҷозии Рустами Эмомалӣ бо Ли Чжаншу

ДАҲСОЛАИ ОБ БАРОИ РУШДИ УСТУВОР

Суҳбати телефонии Путин ва Президенти нави Амороти Муттаҳидаи Араб

Ҷаҳон дар як сатр

САЙРЕ ДАР ШЕЪРИСТОНИ ЛОИҚ

17.05.2022


Иҷлосияи даҳуми Маҷлиси миллӣ, даъвати шашум баргузор мегардад

ҶОМИ ОСИЁ

Путин: «Роҳбарони СААД дар бораи ҳамкориҳои низомӣ изҳороти муштарак қабул мекунанд»

Ҷаҳон дар як сатр

16.05.2022


Мулоқоти Рустами Эмомалӣ бо Маулен Ашимбаев

ДАВИ МИЛЛӢ

ҲИСОР. БА ИФТИХОРИ ҶАШНИ 35-СОЛАГИИ ИСТИҚЛОЛИ ДАВЛАТӢ БЕШ АЗ 1500 ИНШООТ БУНЁД МЕШАВАД

КИТОБХОНАИ МИЛЛӢ. ЯК ҲАМОИШИ МУҲИМ

САМАРҚАНД. ТИМИ "ҶУМҲУРИЯТ" ДАР БОЗИИ ДӮСТОНА ПИРӮЗ ШУД

ТОҶИКИСТОН ВА ӮЗБЕКИСТОН. ЖУРНАЛИСТОН БАРОИ ТАҲКИМИ ҲАМКОРИҲО ДАСТ БА ДАСТИ ҲАМ ДОДАНД

КӮЛОБ. ТАҶЛИЛИ РӮЗИ ҒАЛАБА

“ИСТИҚЛОЛ” – БАРАНДАИ СУПЕРҶОМИ ТОҶИКИСТОН – 2022

06.05.2022


Нахустин ҷаласаи як Ситоди муҳим

"АМОНАТБОНК". БОВАРИ МАРДУМ ДАР ҲОЛИ АФЗОИШ АСТ

ҲАНГОМАИ НАВБАТИИ «РЕАЛ». Ё ЧӢ ТАВР ТИМИ ШОҲОНА БА ФИНАЛ БАРОМАД?

Хаскаш Абдуллоев: «Мо бояд сулҳро қадр кунем»

Ҷаҳон дар як сатр

05.05.2022


Ҳеҷ кас ва хеҷ чиз фаромӯш нашудааст!

Дурахши паҳлавони тоҷик дар ИМА

Путин ва Лукашенко омодагӣ ба мулоқоти раҳбарони кишварҳои узви СААД-ро баррасӣ карданд

ҶАҲОН ДАР ЯК САТР

“ФУРӮҒИ СУБҲИ ДОНОӢ КИТОБ АСТ”. БАРДОШТ АЗ ДАВРИ АВВАЛИ ОЗМУН ДАР КОЛЛЕҶИ ФАРҲАНГИ ҶУМҲУРИЯВӢ

ӮЗБЕКИСТОН. САФИР БА ДИДОРИ МАҲБУСОН РАФТ

НОМГУЗОРИИ ҚУЛЛАҲОИ ПОМИР БА НОМИ ШОИРОН МИРСАИД МИРШАКАР ВА МУЪМИН ҚАНОАТ

03.05.2022


Кумакҳои Рустами Эмомалӣ ба табақаи ниёзманд


Дар сомонаҳои дигари Тоҷикистон хонед