logo

Хабарҳо

САМАРҚАНД. ГИРОМИДОШТИ ТӮРАҚУЛ ЗЕҲНӢ

 
Дар Донишгоҳи байналмилалии сайёҳӣ ва мероси фарҳангии "Роҳи абрешим"-и Самарқанд бахшида  ба 130 - солагии гиромидошти адабиётшинос Тӯрақул Зеҳнӣ маҳфили хотирмоне баргузор гардид. Дар ин маҳфил аз Ҷумҳурии Тоҷикистон низ гурӯҳи олимон ширкат карданд.
- Роҳи тайкардаи Тӯрақул Зеҳнӣ бо Самарқанди бостонӣ ва донишгоҳи он робитаи наздик дорад, зеро ӯ чанд сол дар ин маскани маърифат ба наслҳои наврас таълиму тарбия додааст. Аз ин ҷост, ки дар ташаккули мактабу маориф, фарҳангу адаб, матбуоти тоҷик Тӯрақул Зеҳнӣ саҳми шоистаеро касб намудааст, - гуфт ректори Донишгоҳи давлатии Самарқанд ба номи Навоӣ Рустам Холмуродов. Мавсуф ёдовар шуд, ки Зеҳнӣ аз шогирдони бовафои устод Садриддин Айнӣ буда, дар кори таҳияву нашри “Намунаи адабиёти тоҷик” саҳми арзанда гузоштааст. Қиссаи рӯзгори ошуфта ва парешони ӯ бо талоши нависандаи хушсалиқа Додоҷон Раҷабӣ таҳти унвони "Як нахли Боғи майдон'" бозтоби худро ёфтааст.
 - Тӯрақул Зеҳнӣ чун таҷрибаи зиёди омӯзгорӣ, ноширӣ, муаллифии китобҳои дарсӣ, шоирӣ, тарҷумонӣ ва муҳаққиқиро дошт, дар Институти забон ва адабиёт асарҳои зиёди ҷолиби диққат навишт, - гуфт доктори илмҳои филология Абдунабӣ Сатторзода. - Аммо хизмати бузурги Зеҳнӣ бо таълифи муҳимтарин китоби худ "Санъати сухан" дар он аст, ки як насли бузурги адибон ва олимони тоҷикро бо илми бадеъ ошно намуд. Устод тарафдори мазмуни баланду зебо ва ороста буд ва дар ин ҷода барои адибони ҷавон низ ба ҳайси мураббӣ хидмати босазо анҷом додааст.
Ноиби президенти Академияи миллии илмҳои Тоҷикистон Муҳаммад Абдураҳмон,  профессори Донишгоҳи давлатии Самарқанд Садрӣ Саъдиев, декани факултаи филологияи тоҷики Донишгоҳи миллии Тоҷикистон, Сироҷиддини Эмомалӣ, доктори илмҳои филология Матлубаи Мирзоюнус, сармуҳаррири рӯзномаи "Овози Самарқанд" Баҳодури Раҳмон, раиси Маркази миллӣ - фарҳангии тоҷикон ва форсизабонони вилояти Самарқанд Акбари Маҳмуд ва дигарон доир ба ҳаёт ва фаъолияти эҷодии ин ҷоннисори илму фарҳанг ва адабиёт, луғатшиноси маъруф ибрози андеша намуданд.
 - Мо устод Зеҳниро ҳамчун мунаққиди тавонои шеър низ мешиносем. Он кас ҳанӯз дар оғози солҳои бистуми қарни гузашта ба таҳлилу тадқиқи шеър камар баста буданд. Таносуби шакл ва мазмуни шеърро дар як қатор мақолаҳои худ ба риштаи таҳқиқ кашидаанд. Солҳои шастуму ҳафтодум маҳз ҳамин масъалаҳо дар меҳвари андешаҳои устод радду бадал мешуданд, - изҳор намуд Матлубаи Мирзоюнус. 
Сипас, иштирокчиёни анҷумани мазкур дар маросими ботантанаи кушодани лавҳаи ёдгории устод Тӯрақул Зеҳнӣ дар зодгоҳаш - деҳаи хушҳавои Боғи майдон  ширкат варзиданд.  Дар он ҷонишини ҳокими вилояти Самарқанд Хуршед Очилов, профессорон Аслиддин Қамарзода ва Ҷумъа Ҳамроҳ, омӯзгор Раъно Камолова, раиси ҷамоати шаҳрвандони деҳа Тошпӯлод Раҳматуллоев, шоири зуллисонайни самарқандӣ Нормурод Каримзода ва дигарон суханронӣ карданд. Аз рӯи муҷассамаи Тӯрақул Зеҳнӣ парда бардошта шуд. 
 Ногуфта намонад, ки Тӯрақул Зеҳнӣ дар радифи устодон Садриддин Айнӣ, Саидризо Ализода, Абдуқаюми Қурбӣ, Ҳоҷӣ Мӯин ва дигарон барои зуҳур ва ривоҷи матбуоти тоҷик нақши муассир бозидааст. Барои ҳамин ному кори ӯ ҳамеша дар дили мардум боқӣ хоҳад монд.
 
Зоҳир ҲАСАНЗОДА,
Мирасрор АҲРОРОВ,
шаҳри Самарқанд


Баёни ақида (0)    Санаи нашр:    №:    Мутолиа карданд: 5099
07.07.2022


Вохӯрии вазири молия бо Ули Маурер

МУЛОҚОТИ ҲОКИМ ХОЛИҚЗОДА БО ДИРЕКТОРИ ХБА

Зарбаи таҳримот ба иқтисоди ҷаҳонӣ

Ҷаҳон дар як сатр

“ШИРКЕНТ”. ҚАБУЛИ 1200 НАФАР ДАР ЯК МАВСИМ ДАСТОВАРДИ КАМ НЕСТ

05.07.2022


Рӯзҳои фарҳанги Тоҷикистон дар Арабистони Саудӣ дар назар аст

Шаббос дар «Ҷоми Элорда – 2022» мақоми сеюмро гирифт

Суҳбати телефонии Токаев бо Мирзиёев

Ҷаҳон дар як сатр

ДОНИШГОҲИ МИЛЛӢ. 299 ХАТМКУНАНДА СОҲИБИ ДИПЛОМИ СУРХ ШУД

Ҷаласаи Шурои вазирони адлияи давлатҳои ИДМ

01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР


Дар сомонаҳои дигари Тоҷикистон хонед