logo

иҷтимоиёт

ОЯНДАИ МО АЗ ХУДИ МО ВОБАСТА АСТ!

Бардошт аз суханронии Пешвои миллат муҳтарам Эмомалӣ Раҳмон дар мулоқот бо роҳбарон ва фаъолони вилояти Хатлон дар ноҳияи Данғара, аз 18 июни соли 2022
Тавре Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид месозанд, муваффақияти кори роҳбарӣ аз наздикӣ бо мардум вобаста аст. Яъне, натиҷаҳои рушди ҳамаи соҳаҳои хоҷагии халқ аз корҳои идеологӣ вобастагӣ доранд. Дар ин росто, таъмини амнияти озуқаворӣ аз роҳи рушди соҳаи кишоварзӣ низ истисно нест, зеро, маҳз бо роҳи огоҳ кардани ҷомеа аз хатарҳои муосири геополитикӣ ва раҳнамоии мардум барои осеб надидан аз оқибатҳои шадиди чунин буҳронҳо мо метавонем мувозинати иқтисодӣ, иҷтимоӣ ва сиёсиро таъмин намоем. Барои даст ёфтан ба ин ҳадафҳо, моро зарур аст, то сабақҳои мактаби давлатдории Пешвои муаззами миллатро дар самти таъмини амнияти озуқаворӣ амиқтар омӯзем. 
Пешвои муаззами миллат зимни суханронӣ дар назди роҳбарон ва фаъолони вилояти Хатлон дар ноҳияи Данғара, 18 июни соли 2022, таъкид намуданд: “Дар асоси маълумоти Созмони Милали Муттаҳид дар солҳои 2018 – 2021 бо сабаби вазъи мураккаби бавуҷудомада шумораи сокинони сайёра, ки ба норасоии маҳсулоти озуқа дучор шудаанд, 88 фоиз зиёд гардида, 193 миллион нафарро ташкил додааст. Мувофиқи арзёбии Ташкилоти озуқаворӣ ва кишоварзии ин Созмон вазъи ҷаҳон имсол ва соли 2023 боз ҳам вазнинтар шуда, шумораи одамоне, ки ба хатари гуруснагӣ дучор мешаванд, ба 220 миллион нафар баробар мегардад. Ҳамзамон бо ин, тибқи пешгӯии ҳамин Созмон дар мавсими солҳои 2022 – 2023 истеҳсоли ғалладона дар ҷаҳон кам мешавад. Дар ин давра истеҳсоли ғалладона дар ҷаҳон нисбат ба соли гузашта 16 миллион тонна, аз ҷумла гандум 6 миллион тонна ва биринҷ 1,3 миллион тонна коҳиш меёбад”.
Вобаста ба пешгирӣ аз таъсири чунин буҳронҳои глобалӣ ба хоҷагии халқ тибқи дастуру ҳидоятҳои Пешвои муаззами миллат дар шаҳри Кӯлоб гурӯҳҳои корӣ дар деҳаҳои чор ҷамоати  деҳот  ва  маҳаллаҳои ҳудуди шаҳр ташкил ёфта, фаъолияташон дар доираи нақшаи тасдиқгардида таҳти назорати раиси шаҳри Кӯлоб Бахтиёр Худоёр Назарзода қарор дорад. Гурӯҳҳои корӣ барои фаҳмондани моҳияти масъала ба сокинон ва водор намудан ба корҳои амалӣ ба деҳаву маҳаллаҳо сафарбар гардидаанд.
Воқеан ҳам, агар ба гузаштаи на чандон дури таърихи соҳибистиқлолии кишварамон назар андозем, солҳои навадум маҳз фарҳанги истифодаи самараноки замин моро аз буҳрони ғизоӣ раҳонда буд. Пешвои муаззами миллат барои баровардани мардум аз фақру камбизоатӣ ба ҳар хонаводаи кишоварзон замин бахшида буд, ки имрӯз ба унвони «Заминҳои президентӣ» шинохта мешаванд. Маҳз ҳамин тадбири саривақтӣ роҳи халқро ба ояндаи пурбаракат ҳамвор кард.
Ҳоло мардум аз ин заминҳои кишт чӣ мегиранд? Ин ва дигар заминҳои корам бояд чӣ тавр самаранок истифода шаванд? Кишти такрорӣ ва барвақтии тирамоҳӣ чӣ гуна кишт аст ва то кадом андоза онҳо дуруст гузаронда мешаванд? Заминҳои наздиҳавлигиро то кадом андоза босамар истифода мебарем? Қитъаҳои замини корамбобе, ки дар назди ташкилоту муассисаҳо мавҷуданд, оё самаранок истифода мегарданд? Захираи дусолаи маводи ғизоиро ҳар як оила ба чӣ тартиб амалӣ кунад?  Ин ва ба ҳамин монанд масъалаҳое ҳастанд, ки гурӯҳҳои тарғиботӣ дар миёни ҷомеа корҳои фаҳмондадиҳӣ мебаранд.
Ба умқи масъала назар андозем, аксариятамон дар деҳот ва ҳавлиҳои шаҳрӣ 8 - 10-садякӣ замини наздиҳавлигӣ дорем ва набояд онҳоро беистифода гузорем. Агар ба дарахтҳои ҳавлӣ нигоҳубини дурустро ба роҳ монем, аз меваи он на танҳо худ мехӯрем, балки ба фурӯш бароварда даромади муайян ба даст меорем. Хушкмеваро низ барои 1-2 сол захира кардан мумкин аст. Обмеваҳоро низ. Бояд ба дарки ҷомеа расонем, ки истифодаи босамар аз ҳар ваҷаб замин боиси баланд гаштани сатҳи некуаҳволиамон мегардад. 
Чуноне Пешвои муаззами миллат дар ин нишаст таъкид намуданд: “Дар шароити имрӯза тамоми мардуми Тоҷикистон, пеш аз ҳама, кишоварзон ва ҳар як оиларо зарур аст, ки ба истифодаи самараноки обу замин, аз ҷумла заминҳои наздиҳавлигиву президентӣ ва дар заминҳои обӣ ҳатман ба роҳ мондани кишти такрорӣ диққати аввалиндараҷа диҳанд. Бинобар ин, мақомоти иҷроияи ҳокимияти давлатии вилоятҳо ва шаҳру ноҳияҳо, аз ҷумла вилояти Хатлонро зарур аст, ки барои сари вақт ва беталаф ҷамъоварӣ намудани ҳосили ғалладона чораҷӯӣ намуда, кишти такрориро бештар аз ҳисоби картошка, шолӣ, маккадон ва лӯбиёгиҳо васеъ ба роҳ монанд... Бори дигар таъкид менамоям: ҳоло, ки фурсат ҳаст, яъне мавсими фаровонист, тамоми мардуми кишвар, ҳамаи ташкилоту муассисаҳо ва ҳар як оила бояд дар фикри таъминоти худ бошанд, ҷиҳати ҳарчи бештар истеҳсол кардани маҳсулот ва барои ду сол захира намудани маводи зарурии ғизоӣ ҳамаи чораҳои  заруриро  андешанд,  то ки дар фасли тирамоҳу зимистони дарпешистода танқисиву муҳтоҷӣ накашанд”.
Ҳамаи ин тадбирҳои дурандешонаи Пешвои муаззами миллат муҳтарам Эмомалӣ Раҳмон ба таъмини зиндагии шоистаи мардум равона шудаанд ва барои даст ёфтан ба ин ниятҳои нек бояд аҳлона ва содиқона заҳмат кашем.
 
 
Орзу ҲАМИДИЁН, муовини раиси шаҳри Кӯлоб


Баёни ақида (0)    Санаи нашр: 21.06.2022    №: 119    Мутолиа карданд: 291
07.07.2022


Вохӯрии вазири молия бо Ули Маурер

МУЛОҚОТИ ҲОКИМ ХОЛИҚЗОДА БО ДИРЕКТОРИ ХБА

Зарбаи таҳримот ба иқтисоди ҷаҳонӣ

Ҷаҳон дар як сатр

“ШИРКЕНТ”. ҚАБУЛИ 1200 НАФАР ДАР ЯК МАВСИМ ДАСТОВАРДИ КАМ НЕСТ

05.07.2022


Рӯзҳои фарҳанги Тоҷикистон дар Арабистони Саудӣ дар назар аст

Шаббос дар «Ҷоми Элорда – 2022» мақоми сеюмро гирифт

Суҳбати телефонии Токаев бо Мирзиёев

Ҷаҳон дар як сатр

ДОНИШГОҲИ МИЛЛӢ. 299 ХАТМКУНАНДА СОҲИБИ ДИПЛОМИ СУРХ ШУД

Ҷаласаи Шурои вазирони адлияи давлатҳои ИДМ

01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР


Дар сомонаҳои дигари Тоҷикистон хонед