logo

иқтисод

ИҚТИСОДИ МИЛЛӢ. АНДЕШАҲОИ АШУРБОЙ СОЛЕҲЗОДА ВОБАСТА БА ПЕШГИРӢ АЗ ТАЪСИРИ ХАВФҲОИ ЭҲТИМОЛӢ

 
Дар доираи дастуру супоришҳои Пешвои муаззами миллат муҳтарам Эмомалӣ Раҳмон ҷиҳати мунтазам баррасӣ ва ҳалли масъалаҳои вобаста ба пешгирии таъсири хавфҳои эҳтимолӣ, ҳамзамон, ҳамоҳангсозии фаъолияти вазорату идораҳо дар ин самт дар Вазорати рушди иқтисод ва савдо Ситоди байниидоравӣ оид ба ҳамоҳангсозии амалишавии сиёсати  макроиқтисодӣ ва пешгирии таъсири хавфҳои эҳтимолӣ ба иқтисоди миллӣ таъсис дода шудааст. То ин давра якчанд ҷаласаҳои ситод бо иштироки роҳбарияти вазорату идораҳо, истеҳсолкунандагони ватанӣ, ассотсиатсияҳои истеҳсолкунандагон ва воридкунандагони ғалла ва маҳсулоти нафтӣ, воридкунандагони маҳсулоти ниёзи аввал ва бахши хусусӣ гузаронда шуд.
Чунонки А. Солеҳзода, муовини якуми вазири рушди иқтисод ва савдо изҳор дошт, аз ҷониби вазорат дар доираи фаъолияти Ситоди байниидоравӣ бо назардошти таклифу пешниҳодҳои вазорату идораҳои кишвар, намояндаҳои бахши хусусӣ, инчунин, шарикони рушд лоиҳаи қарори Ҳукумати Ҷумҳурии Тоҷикистон «Дар бораи Нақшаи чорабиниҳо оид ба пешгирии таъсири хавфҳои эҳтимолӣ ба иқтисоди миллӣ» бо пешбинӣ намудани як қатор тадбирҳои зарурӣ таҳия ва қабул гардид. Дар 50 банди ин нақшаи чорабиниҳо масъалаҳои таъмини фаровонии бозорҳои истеъмолӣ бо маҳсулоти ниёзи аввал, аз ҷумла орд, равған, гӯшт, шакар, тухм, сабзавот, зиёд намудани истеҳсолу захираи онҳо ва пешгирии болоравии беасоси нархҳо, дастгирии қишри осебпазири ҷомеа, таъмини иҷрои саривақтии уҳдадориҳои иҷтимоии давлат, пешбинӣ намудани қарзҳо бо фоизи паст ба соҳибкорони истеҳсолӣ, мавқуф гузоштани санҷишҳои ғайриандозӣ, ҷалби кумакҳои молиявии иловагӣ ва дигар тадбирҳо, пешбинӣ шудаанд.
Аз ҷумла, рӯзи 18 майи соли ҷорӣ бо мақсади баррасии раванди иҷрои ин нақшаи чорабиниҳо ҷаласаи навбатии Ситоди мазкур баргузор гардид. Дар рафти ҷаласа корҳои анҷомдодашуда дар самти дарёфти роҳу усулҳои алтернативии пардохтҳои байнибонкӣ ва кушодани суратҳисобҳои муросилотии ташкилотҳои қарзии молиявии кишвар дар бонкҳои хориҷӣ, таъминоти молистеҳсолкунандагони ватанӣ бо асъор, ҷалби маблағҳои грантӣ барои дастгирии буҷети давлатӣ ва соҳаҳои иҷтимоию иқтисодии кишвар, таҷдиди назар намудани қарордодҳои корхонаву муассисаҳо ва воридкунандагони молу маҳсулот вобаста ба иваз кардани асъори пардохти онҳо, дарёфти хатсайрҳои боркашонии алтернативӣ барои воридоти ашёи хом ва таҷҳизот аз дигар кишварҳо ва  ғайраҳо, мавриди баррасӣ қарор гирифтанд.
 Таҳлилҳо нишон доданд, ки дар натиҷаи амалӣ гардидани тадбирҳои зарурӣ дар доираи ҳадафу афзалиятҳо ва супоришҳои Ҳукумати кишвар, дар маҷмуъ, устувории нишондиҳандаҳои макроиқтисодӣ дар моҳҳои январ-марти соли ҷорӣ сарфи назар аз таъсири омилҳои беруна таъмин гардида, ҳаҷми маҷмуи маҳсулоти дохилии кишвар 20290 миллион сомонӣ ва афзоиши воқеии он 7,5 дарсадро ташкил дод. Афзоиши он, асосан, аз ҳисоби ҳаҷми истеҳсоли маҳсулоти саноатӣ, кишоварзӣ, гардиши савдои дохилӣ, хизматрасонии пулакӣ, боркашонӣ ва мусофиркашонӣ таъмин гардид. 
Бо мақсади ҷалби маблағҳои грантӣ барои дастгирии буҷети давлатӣ ва соҳаҳои иҷтимоию иқтисодии кишвар аз ҷониби мақомоти дахлдор бо ташкилотҳои байналмилалии молиявӣ ва шарикони рушд дар ҳаҷми умумии қариб 340 миллион доллар созишномаҳои қарзию грантӣ ба имзо расонда шуданд ва гуфтушунидҳо идома доранд.  
Дар самти ба эътидол овардани вазъи бозори дохилии асъор ва паст кардани фишор ба қурби пули миллӣ дар моҳҳои январ - марти соли ҷорӣ низоми бонкии кишвар зиёда аз 856,1 миллион долларро ба фурӯш бароварданд, ки нисбат ба ҳамин давраи соли гузашта 1,3 дарсад зиёд мебошад. Ҳамзамон, вазорат дар доираи дастуру супоришҳои Сарвари давлат  ҷиҳати ҷалби маблағҳои зарурӣ барои коҳиш додани таъсири омилҳои беруна ба иқтисоди миллӣ бо шарикони рушд вохӯриҳо анҷом дод ва корҳо дар ин самт идома доранд. 
- Бо  мақсади таъмини диверсификатсияи муҳоҷирати меҳнатӣ тибқи шартнома байни Муассисаи давлатии «Марказҳои машваратӣ ва омодагии пеш аз сафари муҳоҷирони меҳнатӣ» дар шаҳри Душанбе ва ширкати «Про Форс»-и Британияи Кабир ба ҳолати моҳи майи соли ҷорӣ 57 нафар шаҳрванд барои амалӣ намудани фаъолияти меҳнатии мавсимӣ ба Британияи Кабир сафарбар гардид. Илова бар ин, ёддоштҳои тафоҳум байни Муассисаи давлатии «Марказҳои машваратӣ ва омодагии пеш аз сафари муҳоҷирони  меҳнатӣ»-и Хадамоти муҳоҷирати Вазорати меҳнат, муҳоҷират ва шуғли аҳолӣ ва шаҳри Сангҷу ва музофоти Чола-Пуктои Ҷумҳурии Корея  оид   ба  ҷалби кормандони мавсимӣ, инчунин, корхонаи саноатии «IIyang OPO Corp» оид ба ҷалби қувваи корӣ ба имзо расонда шуданд ва баъд аз тасдиқ гардидан аз ҷониби парлумони Ҷумҳурии Корея мавриди амал қарор хоҳанд гирифт. Вазорат минбаъд низ фаъолиятро дар самти коҳиш додани таъсири хавфҳои эҳтимолӣ ба иқтисоди миллӣ идома дода, ҷиҳати таъмини устувории нишондиҳандаҳои макроиқтисодӣ якҷо бо вазорату идораҳои дахлдор тадбирҳои саривақтӣ меандешад, - гуфт А. Солеҳзода.
 
Матлубаи АБДУҚАҲҲОР, “Ҷумҳурият”


Баёни ақида (0)    Санаи нашр: 21.06.2022    №: 119    Мутолиа карданд: 311
07.07.2022


Вохӯрии вазири молия бо Ули Маурер

МУЛОҚОТИ ҲОКИМ ХОЛИҚЗОДА БО ДИРЕКТОРИ ХБА

Зарбаи таҳримот ба иқтисоди ҷаҳонӣ

Ҷаҳон дар як сатр

“ШИРКЕНТ”. ҚАБУЛИ 1200 НАФАР ДАР ЯК МАВСИМ ДАСТОВАРДИ КАМ НЕСТ

05.07.2022


Рӯзҳои фарҳанги Тоҷикистон дар Арабистони Саудӣ дар назар аст

Шаббос дар «Ҷоми Элорда – 2022» мақоми сеюмро гирифт

Суҳбати телефонии Токаев бо Мирзиёев

Ҷаҳон дар як сатр

ДОНИШГОҲИ МИЛЛӢ. 299 ХАТМКУНАНДА СОҲИБИ ДИПЛОМИ СУРХ ШУД

Ҷаласаи Шурои вазирони адлияи давлатҳои ИДМ

01.07.2022


Владимир Путин: «Россия ва Индонезия равобити хуб доранд»

Ҷаҳон дар як сатр

ҲИСОР. АРМУҒОНИ ҶАШНӢ БА РӮЗИ ВАҲДАТИ МИЛЛӢ

"ЗАРАФШОН". АЗ РУШДИ САНОАТ, ТО ҲИФЗИ ИҶТИМОИИ МАРДУМ

Вакилони Маҷлиси намояндагон қадр гардиданд

Путин: «Россия тарафдори амиқтар шудани равобити «панҷгона»-и Хазар аст»

Ҷаҳон дар як сатр

БОНКИ МИЛЛӢ. ВАҲДАТ ТАҶАССУМГАРИ ИТТИҲОД АСТ!

“ШУКУФАҲОИ ПОЙТАХТ”. ТАНТАНАИ ФЕСТИВАЛИ БАЙНАЛМИЛАЛӢ ДАР ДУШАНБЕ

29.06.2022


Густариши ҳамкорӣ бо Барномаи рушди СММ

"МАКТАБИ СИЁСИИ ПЕШВОИ МИЛЛАТ". КОНФРОНСИ БАЙНАЛМИЛАЛӢ ДАР БОХТАР

Путин дар саммити Хазар дар Ашқобод ширкат хоҳад кард

Ҷаҳон дар як сатр

Медали биринҷии Моҳрӯ аз ЧО

КӮШОНИЁН. ИФТИТОҲИ ПУЛ МУШКИЛИ СОКИНОНРО ҲАЛ КАРД

28.06.2022


СУҒД. СОЗИШНОМАҲОИ НАВИ ҲАМКОРӢ БА РУШДИ ВИЛОЯТ МУСОИДАТ МЕКУНАНД

«САДОИ АДИБОНИ ДУНЁ ДАР ВАСФИ ТОҶИКИСТОН». МУҲАББАТНОМАИ АДИБОНИ ДУНЁ БА ТОҶИКОН РӮИ ЧОП ОМАД

ТОҶИКИСТОН. ЗАРФИЯТҲОИ САЙЁҲӢ БА МАРДУМИ ОЛМОН МУАРРИФӢ МЕГАРДАНД

ХАТЛОН. ТАЪМИНИ ЁРИИ ҲУҚУҚӢ БА СОКИНОН

24.06.2022


Тасаллияти Ҳукумати Тоҷикистон ба мардуми Афғонистон

23.06.2022


Вохӯрии Сарвазири Тоҷикистон бо муовини директори Хазинаи байналмилалии асъор

МУЛОҚОТИ РАҶАББОЙ АҲМАДЗОДА БО СОҲИБКОРОНИ ӮЗБЕКИСТОН

Токаев Путинро шарики боэътимоди Қазоқистон медонад

ҶАҲОН ДАР ЯК САТР


Дар сомонаҳои дигари Тоҷикистон хонед